ຍ້ອນເຫດຜົນອັນໃດ ຊາວຕ່າງປະເທດ ຈຶ່ງແຫ່ກັນໄປສັກວັກຊີນຕ້ານໂຄວິດ-19 ຢູ່ໃນປະເທດ ເຊີເບຍ

- 1 - ຍ້ອນເຫດຜົນອັນໃດ ຊາວຕ່າງປະເທດ ຈຶ່ງແຫ່ກັນໄປສັກວັກຊີນຕ້ານໂຄວິດ-19 ຢູ່ໃນປະເທດ ເຊີເບຍ
- Untitled design - ຍ້ອນເຫດຜົນອັນໃດ ຊາວຕ່າງປະເທດ ຈຶ່ງແຫ່ກັນໄປສັກວັກຊີນຕ້ານໂຄວິດ-19 ຢູ່ໃນປະເທດ ເຊີເບຍ

ສຳນັກຂ່າວຕ່າງປະເທດ, ວັນທີ 4 ເມສານີ້ ລາຍງານວ່າ ຊາວຕ່າງຊາດ ແຫ່ກັນເຂົ້າໄປໃນປະເທດ ເຊີເບຍ ເພື່ອສັກວັກຊີນ ພາຍຫຼັງລັດຖະບານປະເທດນີ້ ປະກາດວ່າ ພ້ອມທີ່ຈະສັກວັກຊີນໃຫ້ກັບຊາວຕ່າງປະເທດທຸກຄົນທີ່ເຂົ້າໄປໃນປະເທດເຊີເບຍ.

ໃນຂະນະທີ່ ຫຼາຍປະເທດ ກຳລັງຊອກຫາວັກຊີນຕ້ານໂຄວິດ-19 ດ້ວຍຄວາມຍາກລຳບາກ ແຕ່ຢູ່ປະເທດເຊີເບຍ ຊໍ້າພັດມີວັກຊີນເຫຼືອເຟືອ ພ້ອມທີ່ຈະສັກໃຫ້ທັງຊາວຕ່າງປະເທດທີ່ເຂົ້າໄປໃນປະເທດຂອງຕົນອີກດ້ວຍ.

ສຳນັກຂ່າວ Inquirer ໃຫ້ຮູ້ວ່າ ເຊີເບຍ ເປັນລັດນ້ອຍໆແຫ່ງໜຶ່ງ ໃນແຫຼມບັນກັງ ມີວັກຊີນຕ້ານໂຄວິດ-19 ຈົນເຫຼືອພົນລະເມືອງພາຍໃນປະເທດ ຈົນເຖິງຂັ້ນວ່າ ພ້ອມທີ່ຈະສັກໃຫ້ກັບຊາວຕ່າງປະເທດທີ່ເຂົ້າໄປໃນປະເທດນີ້. ຈຶ່ງເຮັດໃຫ້ຊາວຕ່າງປະເທດແຫ່ກັນເຂົ້າໄປສັກວັກຊີນຕ້ານໂຄວິດ-19 ໃນເຊີເບຍ.

Belgrade ໄດ້ມີຂໍ້ຕົກລົງຊື້ວັກຊີນ 15 ລ້ານໂດສ ໃຫ້ກັບພົນລະເມືອງຂອງຕົນໃນຈຳນວນ 7 ລ້ານຄົນ. ຂະນະນີ້ ເຊີເບຍ ມີວັກຊີນແລ້ວປະມານ 3 ລ້ານໂດສ, ຊຶ່ງລວມມີວັກຊີນຊະນິດຕ່າງໆເຊັ່ນ: Pfize, AstraZeneca, Sputnik V ແລະ Sinopharm ທີ່ມີສັນຍາຜະລິດວັກຊີນຕ້ານໂຄວິດ-19 ໃຫ້ກັບເຊີເບຍ. ຂະນະນີ້ ເຊີເບຍ ໄດ້ສັກວັກຊີນໄປແລ້ງ 2 ລ້ານໂດສ ແລະ ເປັນປະເທດທີ່ມີການສັກວັກຊີນໄວ ແລະ ຫຼາຍກວ່າໝູ່ໃນບັນດາປະເທດ ເອີຣົບ.

ລັດຖະບານ ເຊີເບຍ ໃຫ້ຮູ້ວ່າ ມີພຽງແຕ່ ¼ ຂອງຈຳນວນຜູ້ທີ່ມີເງື່ອນໄຂສັກວັກຊີນ ໄປຮັບສັກວັກຊີນ. ໃນອາທິດທ້າຍຂອງເດືອນມີນາທີ່ຜ່ານມາ ຈຳນວນຜູ້ສັກເຂັມທຳອິດຫຼຸດລົງ 12.000 ຄົນ/ວັນ ບໍ່ໄດ້ເຄິ່ງໜຶ່ງຂອງຈຳນວນຄົນສັກໃນເດືອນ ກຸມພາທີ່ຜ່ານມາ.

- Wave100S AD to Website 2020 0 - ຍ້ອນເຫດຜົນອັນໃດ ຊາວຕ່າງປະເທດ ຈຶ່ງແຫ່ກັນໄປສັກວັກຊີນຕ້ານໂຄວິດ-19 ຢູ່ໃນປະເທດ ເຊີເບຍ

ອັນເນື່ອງຈາກວ່າ ເຊີເບຍ ມີວັກຊີນຕ້ານໂຄວິດ-19 ຫຼາຍເກີນໄປ, ລັດຖະບານຈຶ່ງປະກາດວ່າ ພ້ອມທີ່ຈະສັກວັກຊີນໃຫ້ກັບຊາວຕ່າງຊາດ ແລະ ຊາວອົບພະຍົບນຳອີກ..

ນັກລະບາດວິທະຍາ ຂອງເຊີເບຍ ທ່ານ Predrag Kon ໃຫ້ຮູ້ວ່າ ການທີ່ປະຊາຊົນບໍ່ສົນໃຈການສັກວັກຊີນຕ້ານໂຄວິດ-19 ກໍເນື່ອງມາຈາກມີຂໍ້ມູນຜິດພາດທີ່ລົງເຜີຍແຜ່ດ້ານລົບຂອງວັກຊີນຕ້ານໂຄວິດ-19 ໃນ ສື່ສັງຄົມອອນລາຍ ນັ້ນເອງ.

- WhatsApp Image 2020 05 27 at 5 - ຍ້ອນເຫດຜົນອັນໃດ ຊາວຕ່າງປະເທດ ຈຶ່ງແຫ່ກັນໄປສັກວັກຊີນຕ້ານໂຄວິດ-19 ຢູ່ໃນປະເທດ ເຊີເບຍ
- WhatsApp Image 2020 05 27 at 5 - ຍ້ອນເຫດຜົນອັນໃດ ຊາວຕ່າງປະເທດ ຈຶ່ງແຫ່ກັນໄປສັກວັກຊີນຕ້ານໂຄວິດ-19 ຢູ່ໃນປະເທດ ເຊີເບຍ
No comments yet! You be the first to comment.

Leave a Reply

Your email address will not be published.

This site uses Akismet to reduce spam. Learn how your comment data is processed.

error: Alert: ເນື້ອຫາຂ່າວມີລິຂະສິດ !!