ເຊີເບຍປະສົບບັນຫາຄົນບໍ່ຍອມມາສັກວັກຊີນໂຄວິດ-19 ປະກາດສັກໃຫ້ຄົນຕ່າງປະເທດຟຣີ

- medium - ເຊີເບຍປະສົບບັນຫາຄົນບໍ່ຍອມມາສັກວັກຊີນໂຄວິດ-19 ປະກາດສັກໃຫ້ຄົນຕ່າງປະເທດຟຣີ
- Untitled design - ເຊີເບຍປະສົບບັນຫາຄົນບໍ່ຍອມມາສັກວັກຊີນໂຄວິດ-19 ປະກາດສັກໃຫ້ຄົນຕ່າງປະເທດຟຣີ

ນັກ​ທ່ອງ​ທ່ຽວຕ່າງປະ​ເທດ​ພາກັນ​ເດີນທາງ​ເຂົ້າ​ເຊີ​ເບຍ​ເພື່ອ​ຮັບ​ວັກ​ຊີ​ນ​ໂຄ​ວິດ-19 ຟຣີ ຫລັງ​ຄົນ​ພາຍ​ໃນ​ປະ​ເທດ​ເຂົ້າຮັບ​ວັກ​ຊີ​ນຕໍ່າ​ກວ່າ​ການ​ຄາດ​ຄະ​ເນ.

ວັນ​ທີ 4 ​ເມສາ 2021, ສຳນັກ​ຂ່າວ AFP ລາຍ​ງານ​ວ່າ: ປະທານາທິບໍດີ ອາ​ເລັກ ຊານ​ດາ ວູຊິດ ຂອງ​ເຊີ​ເບຍ ອອກ​ມາ​ຮຽກຮ້ອງ​ໃຫ້​ປະຊາຊົນ​ມາ​ເຂົ້າຮັບ​ການ​ສັກ​ວັກ​ຊີ​ນປ້ອງ​ກັນ​ພະຍາດ​ໂຄ​ວິດ-19 ຫລັງ​ຈາກ​ພົບ​ວ່າ​ມີ​ຜູ້​ທີ່​ມີ​ສິດ​ໄດ້​ຮັບ​ວັກ​ຊີ​ນ​ເກືອບ 3 ​ໃນ 4 ບໍ່​ມາ​ສັກ​ວັກ​ຊີ​ນທີ່​ທາງ​ລັດຖະບານ​ກຽມ​ເອົາ​ໄວ້​ໃຫ້.

ສຳລັບ​ສະຖານະ​ການ​ຢູ່​ເຊີ​ເບຍ​ຕອນ​ນີ້ ປະຊາຊົນ​ສາມາດ​ເລືອກ​ຮັບ​ວັກ​ຊີ​ນ​ໄດ້​ເຖິງ 4 ຍີ່​ຫໍ້ ​ໄດ້​ແກ່ ​ໄຟ​ເຊີ ຂອງ​ອາ​ເມ​ລິ​ກາ, ​ແອ​ສຕຣາ​ເຊນ​ເນ​ກ້າ ຂອງ​ອັງກິດ, ສະ​ປຸດ​ນິກ​ຟາຍ ຂອງຣັດ​ເຊຍ ​ແລະ ຊິ​ໂນ​ຟາ​ມ ຂອງ​ຈີນ.

ຕາມ​ລາຍ​ງານ​ລະບຸ​ວ່າ: ລັດຖະບານ​ເຊີ​ເບຍ​ໃຊ້​ປະ​ໂຫຍ​ດຈາກ​ການ​ທີ່​ມະຫາ​ອຳນາດ​ຕາ​ເວັນ​ອອກ ​ແລະ ຕາ​ເວັນ​ຕົກ​ພະຍາຍາມ​ໃຊ້​ວັກ​ຊີ​ນ​ເປັນ​ເຄື່ອງມື​ທາງ​ການ​ທູດ ຈົນ​ເຮັດ​ໃຫ້​ລັດຖະບານ​ສາມາດ​ສັ່ງ​ຈອງວັກ​ຊີ​ນ​ໄປ​ໄດ້​ເຖິງ 15 ລ້ານ​ໂດ​ສ ​ເຊິ່ງ​ເກີນ​ຄວາມ​ຕ້ອງການ​ຂອງ​ປະ​ເທດ​ທີ່​ມີ​ປະຊາກອນ​ພຽງ 7 ລ້ານ​ຄົນ.

​ເຮັດ​ໃຫ້​ເມື່ອ​ພົບ​ສະພາບ​ປະຊາກອນ​ບໍ່​ຍອມ​ມາ​ເຂົ້າຮັບ​ວັກ​ຊີ​ນ ​ເຮັດ​ໃຫ້​ລັດຖະບານ​ເຊີ​ເບຍ​ຕັດສິນ​ໃຈ​ສັກ​ວັກ​ຊີ​ນ​ໃຫ້​ຄົນ​ຕ່າງປະ​ເທດ​ທີ່​ເດີນທາງ​ເຂົ້າມາ ​ເຮັດ​ໃຫ້​ນັກ​ທ່ອງ​ທ່ຽວ​ຈາກ​ປະ​ເທດ​ໃກ້​ຄຽງ​ຕ່າງ​ພາກັນ​ເດີນທາງ​ມາ​ເຊີ​ເບຍ​ເພື່ອ​ສັກ​ວັກ​ຊີ​ນ.

ພາຍ​ໃນ​ປະ​ເທດ​ເອງ ລັດຖະບານ​ຍັງ​ພະຍາຍາມ​ຈະ​ນຳ​ເອົາ​ປະຊາຊົນ​​ເຂົ້າມາ​ສັກ​ວັກ​ຊີ​ນ​ໃຫ້​ໄດ້. ຂະນະ​ທີ່​ປະ​ເທດ​ອື່ນໆ​ຍັງ​ສັກ​ໃຫ້​ກຸ່ມ​ສ່ຽງ​ຢູ່. ຕອນ​ນີ້​ເຊີ​ເບຍ​ກ້າວ​ໄປ​ເຖິງ​ຂັ້ນປະກາດ​ໃຫ້​ປະຊາຊົນ​ມາ​ສັກ​ວັກ​ຊີ​ນ​ໄດ້​ໂດຍ​ບໍ່​ຕ້ອງ​ລົງທະບຽນ.

- Wave100S AD to Website 2020 0 - ເຊີເບຍປະສົບບັນຫາຄົນບໍ່ຍອມມາສັກວັກຊີນໂຄວິດ-19 ປະກາດສັກໃຫ້ຄົນຕ່າງປະເທດຟຣີ

​ເຖິງ​ຢ່າງ​ໃດ​ກໍ​ຕາມ, ນອກຈາກ​ຄວາມ​ບໍ່​ເຊື່ອ​ໝັ້ນ​ໃນ​ວັກ​ຊີ​ນ​ແລ້ວ ຍັງ​ມີ​ການ​ເປີດ​ເຜີຍ​ວ່າ: ປະທານາທິບໍດີ ວູຊິດ ຍັງ​ບໍ່​ໄດ້​ສັກ​ວັກ​ຊີ​ນ​ເຊັ່ນ​ກັນ ​ເຖິງ​ວ່າ​ທ່ານ​ຈະ​ເປັນ​ຜູ້​ຮຽກຮ້ອງ​ໃຫ້​ປະຊາຊົນ​ປະຕິບັດ​​ແບບ​ນັ້ນກໍ​ຕາມ.

ອ້າ​ງອີງ:

https://www.scmp.com/…/coronavirus-serbia-sees-influx…

https://edition.cnn.com/…/playlists/coronavirus-intl/

- WhatsApp Image 2020 05 27 at 5 - ເຊີເບຍປະສົບບັນຫາຄົນບໍ່ຍອມມາສັກວັກຊີນໂຄວິດ-19 ປະກາດສັກໃຫ້ຄົນຕ່າງປະເທດຟຣີ
- WhatsApp Image 2020 05 27 at 5 - ເຊີເບຍປະສົບບັນຫາຄົນບໍ່ຍອມມາສັກວັກຊີນໂຄວິດ-19 ປະກາດສັກໃຫ້ຄົນຕ່າງປະເທດຟຣີ
No comments yet! You be the first to comment.

Leave a Reply

Your email address will not be published.

This site uses Akismet to reduce spam. Learn how your comment data is processed.

error: Alert: ເນື້ອຫາຂ່າວມີລິຂະສິດ !!