ມື້ນີ້ ທີ 5 ເມສາ 2021, ທ່ານ ຫງວຽນຊວັນຟຸກ ຖືກເລືອກໃຫ້ດຳລົງຕຳແໜ່ງປະທານປະເທດ ຂອງສາທາລະນະລັດສັງຄົມນິຍົມ ຫວຽດນາມ

- 02 thutuong - ມື້ນີ້ ທີ 5 ເມສາ 2021, ທ່ານ ຫງວຽນຊວັນຟຸກ ຖືກເລືອກໃຫ້ດຳລົງຕຳແໜ່ງປະທານປະເທດ ຂອງສາທາລະນະລັດສັງຄົມນິຍົມ ຫວຽດນາມ
- Untitled design - ມື້ນີ້ ທີ 5 ເມສາ 2021, ທ່ານ ຫງວຽນຊວັນຟຸກ ຖືກເລືອກໃຫ້ດຳລົງຕຳແໜ່ງປະທານປະເທດ ຂອງສາທາລະນະລັດສັງຄົມນິຍົມ ຫວຽດນາມ

ຂ່າວຕ່າງປະເທດ ຈາກ ຮ່າໂນ້ຍຕອນເຊົ້າຂອງ ວັນທີ 5 ເມສານີ້ ໃຫ້ຮູ້ວ່າ ສະພາແຫ່ງຊາດຫວຽດນາມ ໄດ້ເລືອກຕັ້ງເອົາສະຫາຍ ຫງວຽນຊວັນຟຸກ ເປັນປະທານປະເທດ.

ພາຍຫຼັງໄດ້ຮັບຟັງການເຜີຍແຜ່ຂອງຄະນະປະຈຳສະພາແຫ່ງຊາດກ່ຽວກັບການຄົ້ນຄວ້າລາຍຊື່ຜູ້ທີ່ຈະດຳລົງຕຳແໜ່ງເປັນປະທານປະເທດແລ້ວ, ຫຼັງຈາກນັ້ນສະພາກໍລົງຄະແນນສຽງປິດລັບ ເພື່ອເລືອກປະທານປະເທດ.

ໃນທີ່ສຸດ ສະພາກໍໄດ້ມີມະຕິເປັນເອກະພາບຮັບຮອງເອົາທ່ານ ຫງວຽນຊວັນຟຸກ ເປັນປະທານປະເທດຄົນໃໝ່ດ້ວຍຄະແນນ 468/468 ຂອງສະມາຊິກສະພາແຫ່ງຊາດທີ່ມີໜ້າໃນກອງປະຊຸມ, ກວມ 97,5% ຂອງຜູ້ແທນທັງໝົດ.

ຫຼັງຈາກນັ້ນ ທ່ານ ຫງວຽນຊວັນຟຸກ ກໍໄດ້ສາບານຕົວ  ຕາມລັດຖະທຳມະນູນຂອງປະເທດ. ຫຼັງຈາກນັ້ນ ປະທານປະເທດກໍປະກາດລາຍຊື່ ຜູ້ທີ່ຈະສະໝັກຮັບເລືອກຕັ້ງເປັນນາຍົກລັດຖະມົນຕີ. ຜູ້ແທນສະພາໄດ້ຄົ້ນຄວ້າເປົ້າໝາຍທີ່ຈະດຳລົງຕຳແໜ່ງດັ່ງກ່າວ.

ປີນີ້ ທ່ານຫງວຽນຊວັນຟຸກ ມີອາຍຸ 67 ປີ, ຕາແສງ ເກວຟູ ເມືອງ ເກວເຊີນ ແຂວງກວາງນາມ. ລະດັບທິດສະດີຊັ້ນສູງ, ປະລິນຍາຕີດ້ານເສດຖະກິດ.

ທ່ານເປັນກຳມະການກົມການເມືອງສະໃໝ XI, XII, XIII; ກຳມະການສູນກາງພັກສະໃໝ X, XI, XII, XIII; ສະມາຊິກສະພາຊຸທີ XI, XIII, XIV.

ປີ 2006 ທ່ານໄດ້ຮັບເລືອກເຂົ້າໃນກຳມະການສູນກາງພັກເປັນຄັ້ງທຳອິດ ໃນຂະນະທີ່ອາຍຸໄດ້ 52 ປີ, ເຂົ້າໃນກົມການເມືອງຄັ້ງທຳອິດໃນປີ 2011, ໃນຂະນະທີ່ອາຍຸໄດ້ 57 ປີ.

- Wave100S AD to Website 2020 0 - ມື້ນີ້ ທີ 5 ເມສາ 2021, ທ່ານ ຫງວຽນຊວັນຟຸກ ຖືກເລືອກໃຫ້ດຳລົງຕຳແໜ່ງປະທານປະເທດ ຂອງສາທາລະນະລັດສັງຄົມນິຍົມ ຫວຽດນາມ

ໃນຂະບວນວິວັດແຫ່ງການເຄື່ອນໄຫວວຽກງານ, ທ່ານຫງວຽນຊວັນຟຸກ ໄດ້ຜ່ານຕຳແໜ່ງຕ່າງໆເຊັ່ນ: ເປັນເຈົ້າແຂວງໆ ກວາງນາມ, ຮອງປະທານກວດສອບແຫ່ງລັດ, ລັດຖະມົນຕີ ຫົວໜ້າຫ້ອງວ່າການລັດຖະບານ.

ປີ 2011 ທ່ານຖືກເລືອກໃຫ້ດຳລົງຕຳແໜ່ງຮອງນາຍົກລັດຖະມົນຕີ, ປີ 2016 ຂຶ້ນເປັນນາຍົກລັດຖະມົນຕີ ສະໃໝ 2011-2016.

ໃນກອງປະຊຸມຄັ້ງທີ 1 ຂອງສະພາແຫ່ງຊາດຊຸດທີ 14 ທ່ານ ໄດ້ຮັບເລືອກຕັ້ງຄືນໃຫ້ດຳລົງຕຳແໜ່ງເປັນນາຍົກລັດຖະມົນຕີສະໃໝ 2016-2021.

ເດືອນ ມັງກອນ 2021 ທ່ານໄດ້ເຂົ້າຢູ່ໃນກຳມະການສູນກາງພັກສະໃໝທີ 3  ແລະ ຖືກເລືອກເຂົ້າຢູ່ໃນກົມການເມືອງສະໃໝ 2021-2026.

ຕອນເຊົ້າວັນທີ 2 ເມສານີ້, ສະພາໄດ້ຮັບຮອງເອົາມະຕິຕົກລົງ ຢຸດຕິບົດບາດເປັນນາຍົກລັດຖະມົນຕີຂອງທ່ານຫງວຽນຊວັນຟຸກສະໃໝ 2016-2021 ຢ່າງເປັນທາງກັານ.

- WhatsApp Image 2020 05 27 at 5 - ມື້ນີ້ ທີ 5 ເມສາ 2021, ທ່ານ ຫງວຽນຊວັນຟຸກ ຖືກເລືອກໃຫ້ດຳລົງຕຳແໜ່ງປະທານປະເທດ ຂອງສາທາລະນະລັດສັງຄົມນິຍົມ ຫວຽດນາມ
- WhatsApp Image 2020 05 27 at 5 - ມື້ນີ້ ທີ 5 ເມສາ 2021, ທ່ານ ຫງວຽນຊວັນຟຸກ ຖືກເລືອກໃຫ້ດຳລົງຕຳແໜ່ງປະທານປະເທດ ຂອງສາທາລະນະລັດສັງຄົມນິຍົມ ຫວຽດນາມ
No comments yet! You be the first to comment.

Leave a Reply

Your email address will not be published.

This site uses Akismet to reduce spam. Learn how your comment data is processed.

error: Alert: ເນື້ອຫາຂ່າວມີລິຂະສິດ !!