ບໍ່ຄືໃຜ ! ໂລງສົບສາລະພັດແບບແດ່ຜູ້ລ່ວງລັບ ໃນງານສົບຂອງຊາວການາ

- 167467752 2718306671795541 7661833306196397892 n - ບໍ່ຄືໃຜ ! ໂລງສົບສາລະພັດແບບແດ່ຜູ້ລ່ວງລັບ ໃນງານສົບຂອງຊາວການາ
- Untitled design - ບໍ່ຄືໃຜ ! ໂລງສົບສາລະພັດແບບແດ່ຜູ້ລ່ວງລັບ ໃນງານສົບຂອງຊາວການາ

ວັນ​ທີ 4 ​ເມສາ ​ໃນ​ປີຜ່ານມາ ຫລາຍ​ຄົນ​ທົ່ວ​ໂລກ​ໄດ້​ຮູ້ຈັກ​ປະ​ເພນີ “ການ​ເຕັ້ນ​ຫາບ​ໂລງ​ສົບ” ຂອງ​ປະ​ເທດ​ກາ​ນາ ​ເຊິ່ງສະ​ແດງ​ໃຫ້​ເຫັນ​ວ່າ: ​ໃນ​ໂລກ​ນີ້​ຍັງ​ມີ​ການຈັດ​ງານ​ສົບ​ທີ່​ບໍ່​ໄດ້​ມີ​ແຕ່​ຄວາມ​ໂສກ​ເສົ້າ, ​ແຕ່​ບໍ່​ພຽງ​ເທົ່າ​ນັ້ນ ງານ​ສົບ​ຂອງ​ພວກ​ເຂົາ​ຍັງ​ມີ​ຫຍັງ​ທີ່​ໂດດ​ເດັ່ນ​ບໍ່​ໜ້ອຍ​ໄປ​ກວ່າ​ນີ້.

ພວກ​ເຮົາ​ຄິດ​ວ່າ​ຜູ້​ອ່ານ​ອາດ​ບໍ່​ເຄີຍ​ເຫັນ​ສິ່ງ​ເຫລົ່າ​ນີ້​ໃນ​ປະ​ເທດ​ໃດ​ມາ​ກ່ອນ ​ເພາະ​ນີ້​ຄື​ໂລງ​ສົບ​ຮູບ​ປາ, ສາລີ ​ເຊິ່ງສ້າງສັນ​ຂຶ້ນ​ໂດຍ Lawrence Anang ຊ່າງ​ເຮັດ​ໂລງ​ສົບ ອາຍຸ 22 ປີ ​ແລະ ​ເພື່ອນ​ຮ່ວມ​ງານ​ຂອງ​ລາວ.

Anang ກ່າວ​ວ່າ: ຮູບ​ລັກສະນະ​ຂອງ​ໂລງ​ສົບ​ບົ່ງ​ຊີ້​ອາຊີບ​ຂອງ​ຜູ້​ເສຍ​ຊີວິດ​ເຊັ່ນ: ​ໂລງ​ສົບ​ຮູບ​ປາ ສື່​ເຖິງ​ອາຊີບ​ຊາວ​ປະມົງ, ຮູບ​ສາລີ ສື່​ເຖິງ​ກະສິກອນ, ຮູບ​ລົດຍົນ ສື່​ເຖິງ​ຄົນ​ຂັບ​ລົດ ຫລື ຕົວ​ແທນ​ຈຳໜ່າຍ​ລົດຍົນ.

ຊາວ​ກາ​ນາ​ເຊື່ອ​ວ່າ: ຄວາມ​ຕາຍ​ເປັນ​ຈຸດ​ເລີ່​ມຕົ້ນຂອງ​ຊີວິດ​ໃໝ່​ໃນ​ອີກ​ໂລກ​ໜຶ່ງ. Anang ກ່າວ​ວ່າ: ​ໂລງ​ສົບ​ເຫລົ່າ​ນີ້​ຖື​ກສ້າງ​ຂຶ້ນ​ເພື່ອ​ໃຫ້​ຄອບຄົວ​ໄດ້​ລະນຶກ​ເຖິງ​ຜູ້​ເສຍ​ຊີວິດ “ຊາວ​ກາ​ນາ​ເຊື່ອ​ວ່າ​ຜູ້​ທີ່​ເສຍ​ຊີວິດ​ໄປ​ຈະ​ຍັງ​​ເຮັດ​ອາຊີບ​ເກົ່າ​ຂອງ​ເຂົາ​​ໃນ​ອີກ​ໂລກ​ໜຶ່ງ”.

ຮ້ານ​ຂອງ Anang ຕັ້ງຢູ່​ໃນ​ເຂດ​ໃຈກາງ​ນະຄອນຫລວງ​ອັກ​ກຣາ ຂອງ​ກາ​ນາ ​ໂດຍ​ເປັນ​ອາຄານ​ສອງ​ຊັ້ນ ​ແລະ ມີ​ພື້ນທີ່​ໂລ່ງ ທາງ​ຫລັງ​ເປັນ​ສະຖານ​ທີ່​ເຮັດ​ໂລງ​ສົບ ​ເຈົ້າຂອງ​ຮ້ານ​ຄື Seth ຜູ້​ລ່ວງ​ລັບ​ໄປ​ແລ້ວ, ​ແຕ່​ວ່າ​ທັກ​ສະ​ງານ​ຝີ​ມື​ການ​ສ້າງສັນ​ໂລງ​ສົບ​ຂອງ Seth ​ໄດ້​ຖື​ກສົ່ງ​ຕໍ່​ຈາກ​ລຸ້ນສູ່​ລຸ້ນພາຍ​ໃນ​ຕະກູນ​ນີ້ ​ເປັນ​ເວລາ​ກວ່າ 70 ປີ​​ແລ້ວ.

- Wave100S AD to Website 2020 0 - ບໍ່ຄືໃຜ ! ໂລງສົບສາລະພັດແບບແດ່ຜູ້ລ່ວງລັບ ໃນງານສົບຂອງຊາວການາ

​ເຖິງ​ວ່າ​ສຸດ​ທ້າຍ​ແລ້ວ ຈຸດໝາຍ​ປາຍທາງ​ຂອງ​ໂລງ​ສົບ​ເຫລົ່າ​ນີ້​ຄື​ການ​ຖືກ​ຝັງ​ໄປ​ພ້ອມ​ກັບ​ສົບ​ຂອງ​ຜູ້​ເສຍ​ຊີວິດ, ​ແຕ່ Anang ​ແລະ ໝູ່ຄູ່​ຍັງ​​ເຮັດ​ໂລງ​ສົບ​ຢ່າງ​ພິຖີ​ພິຖັນ.

ງານ​ສົບ​ໃນ​ກາ​ນາ​ມັກ​ຈັດ​ຂຶ້ນ​ເປັນ​ເວລາ​ສາມ​ວັນ ​ໂດຍ​ວັນ​ສຸກ​ຈະ​ເປັນ​ວັນ​ທີ່​ຍາດ​ພີ່ນ້ອງ ​ແລະ ​ເພື່ອນ​ມິດ​ສະຫາຍ​ຮ່ວມ​ໄວ້ອາ​ໄລ​ແດ່​ຜູ້​ເສຍ​ຊີວິດ, ວັນ​ເສົາ​ຈະ​ມີ​ປະ​ເພນີ​ຫາບ​ໂລງ​ສົບ ​ແລະ ການ​ຝັງ, ສ່ວນ​ວັນ​ອາທິດ​ເປັນ​ວັນ​ທີ່​ສະມາຊິກ​ຄອບຄົວ​ຂອງ​ຜູ້​ເສຍ​ຊີວິດ​ຈະ​ສະ​ແດງ​ຄວາມ​ຂອບ​ໃຈ​ແຂກ​ທີ່​ມາ​​ໃນ​ງານ​ສົບ.

ປັດຈຸບັນ ຮ້ານ​ຂາຍ​ໂລງ​ສົບ​ທັງ​ນ້ອຍ​ໃຫຍ່​ທີ່​ຕັ້ງຢູ່​ໃນ​ນະຄອນຫລວງ​ອັກ​ກຣາ ບໍ່​ພຽງ​ໄດ້​ຮັບ​ການ​ສະໜັບສະໜູນ​ຈາກ​ຄົນ​ທ້ອງ​ຖິ່ນ​ເທົ່າ​ນັ້ນ, ​ແຕ່​ຍັງ​ມີ​ນັກ​ທ່ອງ​ທ່ຽວ ​ແລະ ນັກ​ສະ​ສົມ​ຄົນ​ຕ່າງປະ​ເທດ​ທີ່​ສົນ​ໃຈ​ວັດທະນະທຳ​ໂລງ​ສົບ ​ແລະ ຊື້​ເພື່ອ​ສົ່ງ​ໄປ​ເປັນ​ງານ​ສະ​ສົມ​ໃນ​ພິພິທະ​ພັນ​ຕ່າງປະ​ເທດນຳ​ອີກ.

ອ້າງ​ອີງ: ສຳນັກ​ຂ່າວ​ຊິນ​ຮົວ

- WhatsApp Image 2020 05 27 at 5 - ບໍ່ຄືໃຜ ! ໂລງສົບສາລະພັດແບບແດ່ຜູ້ລ່ວງລັບ ໃນງານສົບຂອງຊາວການາ
- WhatsApp Image 2020 05 27 at 5 - ບໍ່ຄືໃຜ ! ໂລງສົບສາລະພັດແບບແດ່ຜູ້ລ່ວງລັບ ໃນງານສົບຂອງຊາວການາ
No comments yet! You be the first to comment.

Leave a Reply

Your email address will not be published.

This site uses Akismet to reduce spam. Learn how your comment data is processed.

error: Alert: ເນື້ອຫາຂ່າວມີລິຂະສິດ !!