ປູຕິນ ລົງນາມຮ່າງກົດໝາຍໃຫ້ຕົນເອງສະໝັກປະທານາທິບໍດີ ໄດ້ອີກ 2 ສະໄໝ ເປີດຊ່ອງທາງຄອງອຳນາດຮອດປີ 2036

- 1264137 - ປູຕິນ ລົງນາມຮ່າງກົດໝາຍໃຫ້ຕົນເອງສະໝັກປະທານາທິບໍດີ ໄດ້ອີກ 2 ສະໄໝ ເປີດຊ່ອງທາງຄອງອຳນາດຮອດປີ 2036
- Untitled design - ປູຕິນ ລົງນາມຮ່າງກົດໝາຍໃຫ້ຕົນເອງສະໝັກປະທານາທິບໍດີ ໄດ້ອີກ 2 ສະໄໝ ເປີດຊ່ອງທາງຄອງອຳນາດຮອດປີ 2036

ຜູ້ນຳຣັດ​ເຊຍ​ລົງ​ນາມຜ່ານ​ຮ່າງ​ກົດໝາຍ​ໃນ​ຂັ້ນຕອນ​ສຸດ​ທ້າຍ ​ເພື່ອ​ເຮັດ​ໃຫ້ການ​ດຳລົງ​ຕຳ​ແໜ່​ງກ່ອນ​ໜ້າ​ນີ້ ບໍ່​ຂັດ​ຕໍ່​ຄຸນສົມບັດ​ຖ້າ​ລົງ​ເລືອກ​ຕັ້ງ​ໃນ​ອີກ 2 ຄັ້ງຕໍ່​ໄປ.

ວັນ​ທີ 5 ​ເມສາ 2021, ສຳນັກ​ຂ່າວ AFP ລາຍ​ງານ​ວ່າ: ປະທານາທິບໍດີ ວະ​ລາ​ດິ​ເມຍ ປູ​ຕິນ ຂອງຣັດ​ເຊຍ ລົງ​ນາມ​ເພື່ອ​ບັງຄັບ​ໃຊ້​ກົດໝາຍ​ສຳລັບ​ການ​ຕໍ່​ອາຍຸ​ໃຫ້​ຕົນ​ເອງ​ສາມາດ​ລົງ​ສະໝັກ​ຮັບ​ເລືອກ​ຕັ້ງປະທານາທິບໍດີ​ຕໍ່​ໄດ້​ອີກ 2 ສະ​ໄໝ ກ່ອນ​ວາລະ​ປັດຈຸບັນ​ຈະ​ໝົດ​ລົງ​ໃນ​ອີກ 3 ປີ​ຕໍ່ໜ້າ.

ຮ່າງ​ກົດໝາຍ​ສະບັບ​ນີ້​ເກີດ​ຂຶ້ນຫລັງ​ຈາກຣັດ​ເຊຍ​ເປີດ​ໃຫ້​ປະຊາຊົນ​ລົງ​ປະຊາ​ມະຕິ​ເມື່ອ​ທ້າຍ​ເດືອນ​ມິຖຸນາ-ຕົ້ນ​ເດືອນ​ກໍລະກົດ​ປີຜ່ານມາ, ໜຶ່ງ​ໃນ​ນັ້ນ​ເປັນ​ຂໍ້​ສະ​ເໜີ​ໃຫ້​ມີ​ການ​ຕັດ​ຄຳ​ວ່າ: “ຕິດ​ຕໍ່​ກັນ” ​ໃນ​ໝວດ​ທີ່​ກ່ຽວຂ້ອງ​ກັບ​ການ​ຈຳກັດ​ວາລະ​ດຳລົງ​ຕຳ​ແໜ່​ງປະທານາທິບໍດີ​ອອກ​ໄປ ​ແລະ ​ເຮັດ​ໃຫ້ການ​ດຳລົງ​ຕຳ​ແໜ່​ງປະທານາທິບໍດີ ປູ​ຕິນ ກ່ອນ​ໜ້າ​ນີ້ ຖືກ​ນັບ​ໜຶ່ງ​ໃໝ່​ທັນທີ​ເມື່ອ​ມີ​ການ​ແກ້​ໄຂ.

ຈາກ​ເຫດ​ທີ່​ກ່າວ​ມາ​ນີ້ ​ເຮັດ​ໃຫ້ການ​ດຳລົງ​ຕຳ​ແໜ່​ງປະທານາທິບໍດີ ປູ​ຕິນ ກ່ອນ​ໜ້າ​ນີ້​ໃນ​ປີ 2000-2008 ​ແລະ 2012-ປັດຈຸບັນ ຈະ​ບໍ່​ຖືກ​ນຳ​ມາ​ປະ​ເມີນ​ຖ້າ​ທ່ານ​ຕັດສິນ​ໃຈ​ລົງ​ສະໝັກ​ຮັບ​ເລືອກ​ຕັ້ງ​ເທື່ອ​ໜ້າ.

- Wave100S AD to Website 2020 0 - ປູຕິນ ລົງນາມຮ່າງກົດໝາຍໃຫ້ຕົນເອງສະໝັກປະທານາທິບໍດີ ໄດ້ອີກ 2 ສະໄໝ ເປີດຊ່ອງທາງຄອງອຳນາດຮອດປີ 2036

​ເທົ່າ​ກັບ​ວ່າ​ປະທານາທິບໍດີ ປູ​ຕິນ ຈະ​ສາມາດ​ລົງ​ເລືອກ​ຕັ້ງ​ໄດ້​ອີກ 2 ສະ​ໄໝ ​ແຕ່​ລະສະ​ໄໝ​ມີ​ວາລະ​ດຳລົງ​ຕຳ​ແໜ່​ງ 6 ປີ ​ເຮັດ​ໃຫ້​ທ່ານ ປູ​ຕິນ ​ອາຍຸ 68 ປີ ມີ​ໂອກາດ​ຢູ່​ໃນ​ຕຳ​ແໜ່​ງ​ໄປ​ຈົນ​ຮອດ​ປີ 2036 ຖ້າ​ໄດ້​ຮັບ​ເລືອກ​ທັງ​ສອງ​ສະ​ໄໝ ​ເຊິ່ງຈະ​ເຮັດ​ໃຫ້​ທ່ານ​​ໄດ້​ເປັນ​ຜູ້ນຳ​ປະ​ເທດ​ໄປ​ຈົນ​ຮອດ​ອາຍຸ 83 ປີ.

ອ້າງ​ອີງ: https://www.ndtv.com/…/russian-president-vladimir-putin…

- WhatsApp Image 2020 05 27 at 5 - ປູຕິນ ລົງນາມຮ່າງກົດໝາຍໃຫ້ຕົນເອງສະໝັກປະທານາທິບໍດີ ໄດ້ອີກ 2 ສະໄໝ ເປີດຊ່ອງທາງຄອງອຳນາດຮອດປີ 2036
- WhatsApp Image 2020 05 27 at 5 - ປູຕິນ ລົງນາມຮ່າງກົດໝາຍໃຫ້ຕົນເອງສະໝັກປະທານາທິບໍດີ ໄດ້ອີກ 2 ສະໄໝ ເປີດຊ່ອງທາງຄອງອຳນາດຮອດປີ 2036
No comments yet! You be the first to comment.

Leave a Reply

Your email address will not be published.

This site uses Akismet to reduce spam. Learn how your comment data is processed.

error: Alert: ເນື້ອຫາຂ່າວມີລິຂະສິດ !!