ບຣູໄນສະເໜີນັດຜູ້ນຳປະເທດອາຊຽນ ຫາລືກ່ຽວກັບສະຖານະການມຽນມາ

- medium 2021 04 05 02d62f0f9e - ບຣູໄນສະເໜີນັດຜູ້ນຳປະເທດອາຊຽນ ຫາລືກ່ຽວກັບສະຖານະການມຽນມາ
- Untitled design - ບຣູໄນສະເໜີນັດຜູ້ນຳປະເທດອາຊຽນ ຫາລືກ່ຽວກັບສະຖານະການມຽນມາ

ບຣູ​ໄນ-ມາ​ເລ​ເຊຍ ອອກ​ຖະ​ແຫລ​ງການ​ຮ່ວມ ນັດ​ໝາຍ​ຜູ້ນຳ​ຂອງ​ປະ​ເທດ​ໃນ​ອາ​ຊຽນ ​ເພື່ອ​ເຈລະຈາ​ເຖິງ​ຄວາມ​ຮຸນ​ແຮງ​ຢູ່​ມຽນມາ.

ວັນ​ທີ 5 ​ເມສາ 2021, ສຳນັກ​ຂ່າວຣອຍ​ເຕີ (Reuters) ລາຍ​ງານ​ວ່າ: ບຣູ​ໄນ ​ໃນ​ຖານະ​ປະທານ​ອາ​ຊຽນ ​ໄດ້​ອອກ​ຖະ​ແຫລ​ງການ ​ເພື່ອ​ສະໜັບສະໜູນ​ໃຫ້​ມີ​ກອງ​ປະຊຸມ​ລະດັບ​ຜູ້ນຳ​ໃນ​ພາກພື້ນ ​ເພື່ອ​ເຈລະຈາ​ເຖິງ​ການ​ເຄື່ອນ​ໄຫວ​ຫລ້າ​ສຸດ​ໃນ​ມຽນມາ ທີ່​ກຳລັງ​ຜະ​ເຊີນ​ວິ​ກິດ​ຄວາມ​ຮຸນ​ແຮງ​ຈົນ​ມີ​ຜູ້​ເສຍ​ຊີວິດ​ແລ້ວ​ຢ່າງ​ໜ້ອຍ 557 ຄົນ.

ພາຍຫລັງ​ກອງ​ປະຊຸມ​ລະຫວ່າງ ທ່ານ ສຸລະ​ຕ່າ​ນ ຮຳ​ຊາ​ນັດ ​ໂບນ​ເກ​ຍ ຂອງ​ບຣູ​ໄນ ​ແລະ ນາຍົກລັດຖະມົນຕີ ມູຢິດດິນ ຢັດ​ຊິນ ຂອງ​ມາ​ເລ​ເຊຍ ທັງ​ສອງ​ປະ​ເທດ​ໄດ້​ອອກ​ຖະ​ແຫລ​ງການ​ຮ່ວມ ​ໂດຍ​ຕົກລົງ​ໃຫ້​ຈັດ​ກອງ​ປະຊຸມ​ຂອງ​ຜູ້ນຳ​ປະ​ເທດ​ໃນ​ອາ​ຊຽນຂຶ້ນ, ​ແຕ່​ຍັງ​ບໍ່​ໄດ້​ລະບຸ​ວ່າ​ຈະ​ຈັດ​ຂຶ້ນ​ເມື່ອ​ໃດ.

ຂະນະ​ດຽວ​ກັນ ກໍ​ມີ​ການ​ເຈລະຈາ​ເຖິງ​ສະຖານະ​ການ​ໃນ​ມຽນມາ ​ໂດຍ​ຮຽກຮ້ອງ​ໃຫ້​ທຸກ​ຝ່າຍ​ໃຊ້​ຄວາມ​ອົດ​ກັ້ນ​​ເພື່ອ​ບໍ່​ໃຫ້​ເກີດ​ຄວາມ​ຮຸນ​ແຮງ​ເພີ່ມ​ຂຶ້ນ.

- Wave100S AD to Website 2020 0 - ບຣູໄນສະເໜີນັດຜູ້ນຳປະເທດອາຊຽນ ຫາລືກ່ຽວກັບສະຖານະການມຽນມາ

ອ້າງ​ອີງ: https://www.reuters.com/…/asean-leaders-to-meet-over…

- WhatsApp Image 2020 05 27 at 5 - ບຣູໄນສະເໜີນັດຜູ້ນຳປະເທດອາຊຽນ ຫາລືກ່ຽວກັບສະຖານະການມຽນມາ
- WhatsApp Image 2020 05 27 at 5 - ບຣູໄນສະເໜີນັດຜູ້ນຳປະເທດອາຊຽນ ຫາລືກ່ຽວກັບສະຖານະການມຽນມາ
No comments yet! You be the first to comment.

Leave a Reply

Your email address will not be published.

This site uses Akismet to reduce spam. Learn how your comment data is processed.

error: Alert: ເນື້ອຫາຂ່າວມີລິຂະສິດ !!