ທ່ານໝໍ ທຸ່ນທ່ຽງຜ່າຕັດໃຫ້ຄົນເຈັບ ໃນທ່າມກາງແປວໄຟລຸກໄໝ້ໂຮງໝໍ

- 55 - ທ່ານໝໍ ທຸ່ນທ່ຽງຜ່າຕັດໃຫ້ຄົນເຈັບ ໃນທ່າມກາງແປວໄຟລຸກໄໝ້ໂຮງໝໍ
- Untitled design - ທ່ານໝໍ ທຸ່ນທ່ຽງຜ່າຕັດໃຫ້ຄົນເຈັບ ໃນທ່າມກາງແປວໄຟລຸກໄໝ້ໂຮງໝໍ

ສຳນັກຂ່າວຕ່າງປະເທດ ລາຍງານເມື່ອວັນທີ 5 ເມສານີ້ວ່າ ທ່ານໝໍຄົນໜຶ່ງຂອງລັດເຊຍ ພ້ອມກັບທີມຜ່າຕັດຂອງເຂົາ ໄດ້ຜ່າຕັດຫົວໃຈໃຫ້ກັບຄົນເຈັບລາຍໜຶ່ງ ດ້ວຍຄວາມທຸ່ນທ່ຽງ ໃນຂະນະທີ່ໄຟໄດ້ລຸກໄໝ້ໂຮງໝໍຢູ່.

ໜັງສືພິມ ອາທີ ອອກຂ່າວວ່າ ເຫດການດັ່ງກ່າວເກີດຂຶ້ນຢູ່ທີ່ ເມືອງ Blagoveshchensk ຢູ່ເຂດຕາເວັນອອກໄກຂອງລັດເຊຍໃນວັນທີ 2 ເມສາທີ່ຜ່ານມາ. ການຜ່າຕັດໄດ້ກາຍເປັນມະຫັນ ໃນຂະນະທີ່ແປວໄຟລຸກໄໝ້ໂຮງໝໍຢູ່ ຊຶ່ງບໍ່ສາມາດທີ່ຈະຢຸດເຊົາການຜ່າຕັດໄດ້ ແລະ ຕ້ອງຜ່າຕັດຕໍ່ຈົນສຳເລັດໃນທ່າມກາງໄຟໄໝ້ດ້ວຍຄວາມເສຍສະຫຼະ ແລະ ພິລະອາດຫານ.

ຈົນມາເຖິງວັນທີ 4 ເມສາ, ຈຶ່ງມີທ່ານໝໍຄົນໜຶ່ງເຜີຍແຜ່ຄລິບວີດີໂອ ທີ່ເຂົາບັນທຶກໄດ້ໃນນາທີລະທຶກ ທີ່ໂຮງໝໍບໍ່ມີໄຟຟ້າ, ເຄື່ອງຈັກວັດແທກລະບົບຕ່າງໆຂອງຄົນເຈັບ ໄດ້ສົ່ງສັນຍານດັງຂຶ້ນທີ່ເປັນອັນຕະລາຍ, ທີມຜ່າຕັດໄດ້ຕິດຈັກໄຟຟ້າສຳຮອງຂຶ້ນ ເພື່ອສືບຕໍ່ການຜ່າຕັດ. ກຳມະຈອນຂອງຄົນເຈັບກໍເລີ່ມເຕັ້ນກັບຄືນມາ, ເປັນເວລາ 1 ຊົ່ວໂມງຕໍ່ມາ ການຜ່າຕັດກໍສຳເລັດເຊັດສີ້ນ.

ໃນຄລິບວີດີໂອນັ້ນ, ບໍ່ມີທ່ານໝໍໃດຕົກສະທ້ານຢ້ານກົວແມ່ນແຕ່ໜ້ອຍດຽວ. ຜູ້ຕາງໜ້າໂຮງໝໍແຫ່ງດັ່ງກ່າວ ຫຼັງຈາກນັ້ນກໍອອກມາປະກາດວ່າ ການຜ່າຕັດແມ່ນສຳເລັດໄປດ້ວຍດີ, ຄົນເຈັບລາຍດັ່ງກ່າວກໍຖືກສົ່ງຍ້າຍໄປໂຮງໝໍອື່ນ ເພື່ອສືບຕໍ່ປິ່ນປົວ.

- Wave100S AD to Website 2020 0 - ທ່ານໝໍ ທຸ່ນທ່ຽງຜ່າຕັດໃຫ້ຄົນເຈັບ ໃນທ່າມກາງແປວໄຟລຸກໄໝ້ໂຮງໝໍ

ເຈົ້າໜ້າທີ່ໃຫ້ຮູ້ວ່າ ເຫດໄຟໄໝ້ຄັ້ງນີ້ ແມ່ນເກີດມາຈາກໄຟຟ້າລັດວົງຈອນ, ເຮັດໃຫ້ຄົນເຈັບ 120 ຄົນ ແລະ ພະນັກງານທ່ານໝໍ ຕ້ອງອົບພະຍົບຮີບດ່ວນອອກຈາກໂຮງໝໍ ດ້ວຍຄວາມປອດໄພ.

 

- WhatsApp Image 2020 05 27 at 5 - ທ່ານໝໍ ທຸ່ນທ່ຽງຜ່າຕັດໃຫ້ຄົນເຈັບ ໃນທ່າມກາງແປວໄຟລຸກໄໝ້ໂຮງໝໍ
- WhatsApp Image 2020 05 27 at 5 - ທ່ານໝໍ ທຸ່ນທ່ຽງຜ່າຕັດໃຫ້ຄົນເຈັບ ໃນທ່າມກາງແປວໄຟລຸກໄໝ້ໂຮງໝໍ
No comments yet! You be the first to comment.

Leave a Reply

Your email address will not be published.

This site uses Akismet to reduce spam. Learn how your comment data is processed.

error: Alert: ເນື້ອຫາຂ່າວມີລິຂະສິດ !!