ໄທມີໜີ້ຄົວເຮືອນສູງເຖິງ 89% ຂອງ ຈີດີພີ ຫຼື ປະມານ 446 ຕື້ໂດລາ

- House Debt sep 900x450 1 - ໄທມີໜີ້ຄົວເຮືອນສູງເຖິງ 89% ຂອງ ຈີດີພີ ຫຼື ປະມານ 446 ຕື້ໂດລາ
- Untitled design - ໄທມີໜີ້ຄົວເຮືອນສູງເຖິງ 89% ຂອງ ຈີດີພີ ຫຼື ປະມານ 446 ຕື້ໂດລາ

 

ສຳນັກຂ່າວ ຣອຍເຕີ ລາຍງານໃນ ວັນທີ 5 ເມສາ 2021 ນີ້ ວ່າ ເມື່ອໄລ່ມາເຖິງທ້າຍເດືອນ ທັນວາ 2020, ປະຊາຊົນໄທ ມີໜີ້ສິນສູງທີ່ສຸດໃນ ອາຊີ, ມີມູນຄ່າສູງເຖິງ 14.000 ຕື້ບາດ ຫຼື ປະມານ 446 ຕື້ໂດລາ ຫຼື 89% ຂອງ ຈີດີພີ.

ໃນສະພາບເສດຖະກິດທີ່ຫຍຸ້ງຍາກຄືແນວນີ້, ເຮັດໃຫ້ຫຼາຍຄົນບໍ່ສາມາດທີ່ຈະສົ່ງໜີ້ຄືນໃຫ້ລັດຖະບານໄດ້. ຊາວກະສິກອນລາຍໜຶ່ງໃນຈັ່ງຫວັດກຳແພງເພັດ ກ່າວວ່າ: “ຂະນະນີ້ ຂ້ອຍມີໜີ້ຖ້ວມຫົວ, ບໍ່ຮູ້ຈະເຮັດແນວໃດ”.

ນາງກົງໃຈ ກູ້ຢືມປະມານ 16.000 ບາດ ແລະ ຫຼາຍປີຜ່ານມາ ແມ່ນໃຊ້ແທນແຕ່ດອກເບ້ຍ. ປີນີ້ ເຂົາໄດ້ເງິນຈາກການຂາຍເຂົ້າ 13.000 ບາດ ແຕ່ກໍບໍ່ພຽງພໍທີ່ຈະໃຊ້ໜີ້ ສ່ວນດອກເບ້ຍເລີຍ.

ການເປັນໜີ້ສູງ ໄດ້ສ້າງຜົນກະທົບຕໍ່ພື້ນຖານທາງການເງິນ, ກີດກັນການໃຊ້ສອຍ ແລະ ການຟື້ນຕົວທາງເສດຖະກິດຂອງໄທ. ປີຜ່ານມາ ເສດຖະກິດໄທ ຫົດຕົວລົງຢ່າງໜັກໃນຮອບ 2 ທົດສະວັດທີ່ຜ່ານມາ ເນື່ອງຈາກການສົ່ງອອກ ແລະ ພາກທຸລະກິດການທ່ອງທ່ຽວບໍ່ແນ່ບໍ່ນອນ.

- Wave100S AD to Website 2020 0 - ໄທມີໜີ້ຄົວເຮືອນສູງເຖິງ 89% ຂອງ ຈີດີພີ ຫຼື ປະມານ 446 ຕື້ໂດລາ

ທະນາຄານກາງຂອງຂອງໄທ ປະເມີນວ່າ ໂຄວິດ-19 ໄດ້ສ້າງຄວາມກົດດັນຕໍ່ພາກທຸລະກິດ, ຄົວເຮືອນ ແລະ ຫຼຸດຜ່ອນການເພີ່ມຂຶ້ນຂອງ ຈີດີພີ ໃນປີນີ້ຈາກ 3,2% ລົງຍັງເຫຼືອພຽງ 3%. ທະນາຄານກາງຂອງໄທ ຄາດວ່າ ສະພາບຈະກັບຄືນປົກະຕິເດີມໄດ້ ໃນກາງປີ 2022.

ໃນຂະນະດຽວກັນ, ລັດຖະບານໄດ້ ທຸ່ມງົບປະມານ 32 ຕື້ໂດລາ ເພື່ອກູ້ເສດຖະກິດ ພາຍຫຼັງເກີດການລະບາດຂອງໂຄວິດ-19.

 

- WhatsApp Image 2020 05 27 at 5 - ໄທມີໜີ້ຄົວເຮືອນສູງເຖິງ 89% ຂອງ ຈີດີພີ ຫຼື ປະມານ 446 ຕື້ໂດລາ
- WhatsApp Image 2020 05 27 at 5 - ໄທມີໜີ້ຄົວເຮືອນສູງເຖິງ 89% ຂອງ ຈີດີພີ ຫຼື ປະມານ 446 ຕື້ໂດລາ
No comments yet! You be the first to comment.

Leave a Reply

Your email address will not be published.

This site uses Akismet to reduce spam. Learn how your comment data is processed.

error: Alert: ເນື້ອຫາຂ່າວມີລິຂະສິດ !!