ຕາເວັນຕົກສຽງເໜືອຂອງຈີນ ເຕືອນໄພອາກາດຮ້ອນ

- NjpUs24nCQKx5e1HT3DNsOEJLqAK3ou7pjtUkBXgzng - ຕາເວັນຕົກສຽງເໜືອຂອງຈີນ ເຕືອນໄພອາກາດຮ້ອນ
- Untitled design - ຕາເວັນຕົກສຽງເໜືອຂອງຈີນ ເຕືອນໄພອາກາດຮ້ອນ

- 1499929404010 - ຕາເວັນຕົກສຽງເໜືອຂອງຈີນ ເຕືອນໄພອາກາດຮ້ອນ

​ເມືອງ​ທົ່ວ​ພາກ​ຕາ​ເວັນ​ຕົກ​ສຽງ​ເໜືອ​ຂອງ​ຈີນ​ເຕືອນ​ໄພ​ອາກາດ​ຮ້ອນ ​ເນື່ອງ​ຈາກ​ເຂົ້າສູ່​ໄລຍະ​ອາກາດ​ຮ້ອນ​ທີ່​ສຸດ​ຂອງ​ປີ​ຕາມ​ປະຕິທິນ​ຈີນ.

​ເມືອງ​ຫລານ​ໂຈ ​ເມືອງ​ເອກ​ຂອງ​ແຂວງ​ການ​ຊູ ປະກາດ​ເຕືອນ​ໄພ​ອາກາດ​ຮ້ອນ​ລະດັບ​ສີ​ແດງ ​ເຊິ່ງ​ເປັນ​ລະດັບ​ສູງ​ສຸດ ​ໃນ​ວັນ​ທີ 9 ກໍລະກົດ ​ເນື່ອງ​ຈາກ​ອຸນຫະພູມ​ສູງ​ເກີນ 35 ອົງສາ. ອາກາດ​ຮ້ອນ​ເປັນ​ອັນຕະລາຍ​ຕໍ່​ກຳມະກອນ​ກໍ່ສ້າງ​ທີ່​ຕ້ອງ​ເລັ່ງສ້າງ​ລະບົບ​ລົດ​ໄຟ​ໃຕ້​ດິນ​ໃຫ້​ສຳ​ເລັດ​ທັນ​ກຳນົດ​ເສັ້ນຕາຍ, ພວກ​ເຂົາ​ຕ້ອງ​ໃສ່​ຖົງມື​ໜາ​ຈັບ​ທ່ອນ​ເຫລັກ​ເສີມ​ຄອນ​ກີດ​ຮ້ອນ​ເກືອບ 60 ອົງສາ​ ທ່າມກາງ​ແສງ​ແດດ, ຄາດ​ວ່າ​ອຸນຫະພູມ​ຢູ່​ເມືອງ​ຫລານ​ໂຈ​ຈະ​ຮ້ອນ​ໄປ​ຈົນ​ຮອດ​ວັນ​ທີ 19 ກໍລະກົດ ​ເປັນ​ໄລຍະ​ທີ່​ອຸນຫະພູມ​ຂອງ​ເມືອງ​ນີ້​ເຄີຍ​ມີ​ສະຖິຕິ​ຮ້ອນ​ທີ່​ສຸດ 39,8 ອົງສາ.

- Wave100S AD to Website 2020 0 - ຕາເວັນຕົກສຽງເໜືອຂອງຈີນ ເຕືອນໄພອາກາດຮ້ອນ

ສ່ວນ​ຢູ່​ເມືອງ​ຊີ​ອານ ​ເມືອງ​ເອກ​ຂອງ​ແຂວງ​ສານ​ຊີ ອາກາດ​ຮ້ອນ​ແຮງ​ມາ​ແຕ່​ວັນ​ທີ 10 ກໍລະກົດ ອຸນຫະພູມ​ສະ​ເລ່ຍສູງ​ສຸດ 40,9 ອົງສາ, ປະຊາຊົນ​ພາກັນ​ໜີ​ຮ້ອນ​ໄປ​ແອ​ອັດ​ຢູ່​ສູນ​ຕິດ​ແອ​ໃຕ້​ດິນ​ທີ່​ທາງ​ການ​ສ້າງ​ຂຶ້ນ​ເປັນ​ສະຖານ​ທີ່​ສາທາລະນະ, ບາງ​ສ່ວນ​ເລືອກ​​ໄປ​ດັບ​ຮ້ອນ​ຕາມ​ສະນ້ຳ ຫລື ສວນ​ນ້ຳ, ສວນ​ນ້ຳບາງ​ແຫ່ງ​ມີ​ຄົນ​ໄປ​ໃຊ້​ບໍລິການ​ວັນ​ລະ 10.000 ຄົນ. ນັກ​ອຸຕຸນິຍົມ​ວິທະຍາ​ທ້ອງ​ຖິ່ນ​ຄາດ​ການ​ວ່າ: ພາກ​ຕາ​ເວັນ​ຕົກ​ສຽງ​ເໜືອ​ຂອງ​ຈີນ​ຈະ​ມີ​ອຸນຫະພູມ​ບໍ່​ຕໍ່າ​ກວ່າ 40 ອົງສາ ​ເປັນ​ເວລາ​ຢ່າງ​ໜ້ອຍ 1 ອາທິດ.

- WhatsApp Image 2020 05 27 at 5 - ຕາເວັນຕົກສຽງເໜືອຂອງຈີນ ເຕືອນໄພອາກາດຮ້ອນ
- WhatsApp Image 2020 05 27 at 5 - ຕາເວັນຕົກສຽງເໜືອຂອງຈີນ ເຕືອນໄພອາກາດຮ້ອນ
error: Alert: ເນື້ອຫາຂ່າວມີລິຂະສິດ !!