Starbucks ກຽມຍົກເລີກຈອກແບບໃຊ້ເທື່ອດຽວຖິ້ມ ເລີ່ມຢູ່ ສ.ເກົາຫລີ ພາຍໃນປີ 2025

- Starbucks Reusable Cups scaled - Starbucks ກຽມຍົກເລີກຈອກແບບໃຊ້ເທື່ອດຽວຖິ້ມ ເລີ່ມຢູ່ ສ.ເກົາຫລີ ພາຍໃນປີ 2025
- Untitled design - Starbucks ກຽມຍົກເລີກຈອກແບບໃຊ້ເທື່ອດຽວຖິ້ມ ເລີ່ມຢູ່ ສ.ເກົາຫລີ ພາຍໃນປີ 2025

ສະ​ຕາ​ບັກ ສ.​ເກົາຫລີ ປະກາດ​ເລີ່​ມຕົ້ນຫລຸດ​ການ​ໃຊ້​ຈອກ​ເຈ້ຍ ປ່ຽນ​ເປັນ​ຈອກ​ແບບ​​ເອົາກັບ​ມາ​ໃຊ້​ໃໝ່​ທັງ​ໝັດ.

ວັນ​ທີ 6 ​ເມສາ 2021, ສຳນັກ​ຂ່າວ Bloomberg ລາຍ​ງານ​ວ່າ: ສະ​ຕາ​ບັກ (Starbucks) ວາງ​ແຜນ​ຈະ​ຢຸດ​ເອົາ​ຈອກ​ເຈ້ຍ​ແບບ​ໃຊ້​ແລ້ວ​ຖິ້ມມາ​ໃຫ້​ບໍລິການ​ລູກ​ຄ້າ​ໃນ ສ.​ເກົາຫລີ ພາຍ​ໃນ​ປີ 2025 ​ເພື່ອ​ເປັນ​ການ​ຫລຸດ​ຂີ້​ເຫ​ຍື້ອ ​ແລະ ກາກ​ບອນ​ຟຸດ​ພຣິ້ນລົງ.

ພາຍ​ໃຕ້​ນະ​ໂຍບາຍ​ໃໝ່​ນີ້ ລູກ​ຄ້າ​ຈະ​ຕ້ອງ​ຈ່າຍ​ຄ່າ​ມັດ​ຈຳ​ເລັກ​ໜ້ອຍ​ສຳລັບ​ຈອກ​ແບບ​ເອົາ​ກັບ​ມາ​ໃຊ້​ໃໝ່​ໄດ້ ​ໂດຍ​ຈະ​ໄດ້​ເງິນ​ມັດ​ຈຳ​ຄືນ​ເມື່ອ​ເອົາ​ຈອກ​ໄປ​ວາງ​ໃນ​ຈຸດ​ທີ່​ກຳນົດ​ໄວ້.

ປີຜ່ານມາ ສະ​ຕາ​ບັກ​ໄດ້​ຫ້າມ​ເອົາ​ຈອກ​ສ່ວນ​ຕົວ​ມາ​ໃຊ້​ຊົ່ວຄາວ ​ເພື່ອ​ຢັບຢັ້ງການລະບາດ​ຂອງ​ພະຍາດ​ໂຄ​ວິດ-19, ​ແຕ່​ກຳລັງ​ຈະ​ກັບ​ມາ​ອະນຸຍາດ​ໃຫ້​ລູກ​ຄ້າ​ໃນ ສ.​ເກົາຫລີ ​ເອົາ​ຈອກ​ຕົນ​ເອງ​ມາ​ໃຊ້​ໄດ້​ອີກ.

- Wave100S AD to Website 2020 0 - Starbucks ກຽມຍົກເລີກຈອກແບບໃຊ້ເທື່ອດຽວຖິ້ມ ເລີ່ມຢູ່ ສ.ເກົາຫລີ ພາຍໃນປີ 2025

ສ.​ເກົາຫລີ ຖື​ເປັນ​ຕະຫລາດ​ໃຫຍ່​ທີ່​ສຸດ​ອັນ​ດັບ 5 ຂອງ​ສະ​ຕາ​ບັກ, ປັດຈຸບັນ​ມີ​ຮ້ານ​ຫລາຍ​ກວ່າ 1.500 ສາຂາ ​ແລະ ມີ​ແຜນ​ຈະ​ເພີ່ມ​ຈຳນວນ​ພະນັກງານ​ປະມານ 30% ​ເຊິ່ງຈະ​ເປັນ​ການ​ເພີ່ມ​ຕຳ​ແໜ່​ງງານ 5.500 ກວ່າ​ຕຳ​ແໜ່​ງ ​ໂດຍ​ເນັ້ນ​ໃສ່​ນັກຮຽນ​ຈົບ​ໃໝ່, ຜູ້​ສູງ​ອາຍຸ ​ແລະ ຜູ້​ພິການ.

ລັດຖະບານ ສ.​ເກົາຫລີ ​ໄດ້​​ເອົາ​ຈິງ​ເອົາ​ຈັງ​ກ່ຽວ​ກັບ​ເລື່ອງ​ການ​ປ່ຽນ​ແປງ​ຂອງ​ສະພາບ​ອາກາດ ມີ​ການ​ຕັ້ງ​ເປົ້າວ່າ​ຈະ​ຫລຸດ​ການ​ປ່ອຍ​ແກັສທີ່​ສົ່ງ​ຜົນ​ເຮັດ​ໃຫ້​ອຸນຫະພູມ​ໂລກ​ສູງ​ຂຶ້ນ​ເປັນ 0 ພາຍ​ໃນ​ປີ 2050 ຫລັງ​ຈາກ​ເດືອນ​ກຸມພາ​ຜ່ານ​ມາ ຫາ​ກໍ​ອອກ​ກົດໝາຍ​ໃໝ່​ເພື່ອ​ຈຳກັດ​ການ​ໃຊ້​ປລາສຕິກ ​ແລະ ບັນຈຸ​ພັນ​ແບບ​ໃຊ້​ເທື່ອ​ດຽວ​ຖິ້ມຕາມ​ຮ້ານ​ຄ້າ, ບໍລິການ​ສົ່ງ​ອາຫານ ​ແລະ ​ໂຮງ​ແຮມ​ຕ່າງໆ.

ອ້າງ​ອີງ: https://www.bloomberg.com/…/starbucks-to-eliminate…

- WhatsApp Image 2020 05 27 at 5 - Starbucks ກຽມຍົກເລີກຈອກແບບໃຊ້ເທື່ອດຽວຖິ້ມ ເລີ່ມຢູ່ ສ.ເກົາຫລີ ພາຍໃນປີ 2025
- WhatsApp Image 2020 05 27 at 5 - Starbucks ກຽມຍົກເລີກຈອກແບບໃຊ້ເທື່ອດຽວຖິ້ມ ເລີ່ມຢູ່ ສ.ເກົາຫລີ ພາຍໃນປີ 2025
No comments yet! You be the first to comment.

Leave a Reply

Your email address will not be published.

This site uses Akismet to reduce spam. Learn how your comment data is processed.

error: Alert: ເນື້ອຫາຂ່າວມີລິຂະສິດ !!