ສິງກະໂປ ຍອມຮັບບັດ ອີເລັກໂຕຣນິກ ໂຄວິດ-19 ເພື່ອການເດີນທາງ
ຊາວຕ່າງປະເທດທີ່ເດີນທາງເຂົ້າໄປໃນ ສິງກະໂປ ດ້ວຍທາງອາກາດສາມາດນຳໃຊ້ບັດ ອີເລັກໂຕຣນິກໂຄວິດ-19 ຈາກສະມາຄົມຂົນສົ່ງທາງອາກາດສາກົນ(IATA) ໄດ້ ນັບແຕ່ວັນທີ 1 ພຶດສະພາເປັນຕົ້ນໄປ. ນີ້ຄືຄຳຢືນຢັນຈາກອົງການການບິນພົນລະເຮືອນຂອງ ສິງກະໂປ(CAAS) ໃນເມື່ອວັນທີ 5 ເມສາຜ່ານມາ.
ສຳນັກຂ່າວ Channel News Asia ໃຫ້ຮູ້ວ່າ ສິງກະໂປ ຈະຮັບເອົາແຕ່ຜູ້ໂດຍສານທີ່ມີບັດອີເລັກໂຕຣນິກ ໂຄວິດ-19, ໄດ້ຮັບການກວດຫາເຊື້ອ ແລະ ສັກວັກຊີນປ້ອງກັນໂຄວິດບ19 ເທົ່ານັ້ນ. ນີ້ມັນແມ່ນການຮ່ວມມືລະຫວ່າງ CAAS ແລະ IATA.
ສິງກະໂປ ເປັນປະເທດແຖວໜ້າໃນການພັດທະນາ ແລະ ນຳໃຊ້ເທັກໂນໂລຊີ ເຂົ້າໃນການຕ້ານໂຄວິດ-19. ສິງກະໂປ ມີຄວາມຫວັງວ່າ ຢາກເປັນໜຶ່ງໃນບັນດາປະເທດແຖວໜ້າ.
ປັດຈຸບັນ, ຜູ້ໂດຍສານສ່ວນໃຫ່ຍຂອງບັນດາປະເທດຕ່າງໆ ລ້ວນແຕ່ໄດ້ຮັບການກວດຫາເຊື້ອໂຄວິດ-19 ເປັນເວລາ 72 ຊົ່ວໂມງກ່ອນຈະອອກເດີນທາງໄປໃນສິງກະໂປ ແລະ ຈະຕ້ອງມີໃບຢັ້ງຢືນການກວດຫາເຊື້ອສະແດງຕໍ່ເຈົ້າໜ້າທີ່ສະໜາມບິນ.
