ເກີດເຫດລະເບີດຂ້າຕົວຕາຍໂຈມຕີນີເຊຣີ ແລະ ກາເມີຣຸນ ມີຜູ້ເສຍຊີວິດ 39 ຄົນ

- advert banner 728 90 728x90 - ເກີດເຫດລະເບີດຂ້າຕົວຕາຍໂຈມຕີນີເຊຣີ ແລະ ກາເມີຣຸນ ມີຜູ້ເສຍຊີວິດ 39 ຄົນ

- Nigeria Boko Haram 33830 - ເກີດເຫດລະເບີດຂ້າຕົວຕາຍໂຈມຕີນີເຊຣີ ແລະ ກາເມີຣຸນ ມີຜູ້ເສຍຊີວິດ 39 ຄົນ

- lattana 1 - ເກີດເຫດລະເບີດຂ້າຕົວຕາຍໂຈມຕີນີເຊຣີ ແລະ ກາເມີຣຸນ ມີຜູ້ເສຍຊີວິດ 39 ຄົນ

ທີ​ມມື​ລະ​ເບີດ​ຂ້າ​ຕົວ​ຕາຍ 6 ຄົນ ລວມທັງ​ຜູ້ຍິງ​ຢ່າງ​ໜ້ອຍ 4 ຄົນ ບຸກ​ໂຈມ​ຕີ​ນີ​ເຊຣີ ​ແລະ ກາ​ເມີຣຸນ ​ໃນ​ຄືນ​ວັນ​ທີ 11 ​ແລະ 12 ກໍລະກົດ ​ເຮັດ​ໃຫ້​ມີ​ຜູ້​ເສຍ​ຊີວິດ​ຢ່າງ​ໜ້ອຍ 39 ຄົນ, ບາດ​ເຈັບ​ຫລາຍ​ກວ່າ 60 ຄົນ ​ເຊື່ອ​ເປັນ​ຝີ​ມື​ກຸ່ມ​ໂບ​ໂກ​ຮາຣາມ​.

ສຳນັກ​ຂ່າວ AFP ​ແລະ ​ເພີລາ​ຍງານ​ຈາກ​ເມືອງ​ໄມ​ດູ​ກູຣີ ປະ​ເທດ​ນີ​ເຊຣີ ​ໃນ​ວັນ​ທີ 13 ກໍລະກົດ​ນີ້​ວ່າ: ມື​ລະ​ເບີດ​ຂ້າ​ຕົວ​ຕາຍ​ຜູ້ຍິງ 4 ຄົນ ປົນ​ກັບ​ປະຊາຊົນ​ທີ່​ກຳລັງ​ຮ່ວມ​ພິທີ​ສົບ ຢູ່​ບ້ານ​ເຂດ​ຊານ​ເມືອງ​ໂມ​​ໄລ ​ໂຄ​ເລ​ມາຣີ ​ໃກ້​ເມືອງ​ໃຫຍ່​ໄມ​ດູ​ກູຣີ ​ໃນ​ລັດ​ບໍ​ໂນ ທາງ​ພາກ​ຕາ​ເວັນ​ອອກສຽງ​ເໜືອ​ຂອງ​ນີຊາຣີ ​ໃນ​ຄືນ​ວັນ​ທີ 12 ກໍລະກົດ ກ່ອນ​ຈະ​ສວຍ​ໂອກາດ​ດຶງ​ສະ​ນວນ​ລະ​ເບີດ​​ໂຈມ​ຕີ ​ເຮັດ​ໃຫ້​ມີ​ຜູ້​ເສຍ​ຊີວິດ 19 ຄົນ, ບາດ​ເຈັບ​ອີກ 23 ຄົນ ​ແລະ ກຸ່ມ​ຄົນ​ຮ້າຍ​ເສຍ​ຊີວິດ​ທັງ​ໝົດ ລວມຜູ້​ເສຍ​ຊີວິດ​ໃນ​ເຫດການ 23 ຄົນ.

- 920x920 - ເກີດເຫດລະເບີດຂ້າຕົວຕາຍໂຈມຕີນີເຊຣີ ແລະ ກາເມີຣຸນ ມີຜູ້ເສຍຊີວິດ 39 ຄົນ

ທ່ານ ດາ​ມຽນ ຊູ​ຄວູ ຜູ້​ບັນຊາ​ການ​ຕຳຫລວດ​ລັດ​ບໍ​ໂນ ກ່າວ​ວ່າ: ​ເຫຍື່ອ​ໂຈມ​ຕີ​ທີ່​ເສຍ​ຊີວິດ 12 ຄົນ​ເປັນ​ພົນລະ​ເຮືອນ​ອາສາ​ສະໝັກ ​ໃນ​ສັງກັດ​ໜ່ວຍ​ປະຕິບັດ​ການ​ພິ​ເສດ​ພົນລະ​ເຮືອນ (CJTF) ທີ່​ຊ່ວຍ​ເຫລືອ​ທະຫານ​ປາບ​ປາມ​ກຸ່ມ​ໂບ​ໂກ​ຮາຣາມ, ສ່ວນ​ອີກ 7 ຄົນ​ເປັນ​ປະຊາຊົນ ​ແລະ ​ເຖິງ​ວ່າ​ຍັງ​ບໍ່​ມີ​ກຸ່ມ​ໃດ​ອອກ​ປະກາດ​ສະ​ແດງ​ຄວາມ​ຮັບຜິດຊອບ, ​ແຕ່​ຈາກ​ລັກສະນະ​ການ​ກໍ່​ເຫດ, ທ່ານ ຊູ​ຄວຼ ​ເຊື່ອ​ວ່າ​ເປັນ​ຝີ​ມື​ຂອງ​ກຸ່ມ​ຕິດ​ອາວຸດ​ຫົວ​ຮຸນ​ແຮງ​ໂບ​ໂກ​ຮາຣາມ ​ແນວ​ຮ່ວມ​ກຸ່ມ IS ທີ່​ມີ​ຖານ​ຢູ່​ລັດ​ບໍ​ໂນ.

ສ່ວນ​ຢູ່​ກາ​ເມີຣຸນ, ​ເຈົ້າໜ້າທີ່​ຄວາມ​ໝັ້ນຄົງ​ເປີດ​ເຜີຍ​ວ່າ: ມື​ລະ​ເບີດ​ຂ້າ​ຕົວ​ຕາຍ 2 ຄົນ​ໂຈມ​ຕີ​ກາງ​ຕະຫລາດ​ຊຸມ​ຊົນ ຢູ່​ເມືອງ​ວາ​ຊາ ​ໃກ້​ເຂດ​ແດນ​ນີ​ເຊຣີ ​ໃນ​ຄືນ​ວັນ​ທີ 12 ກໍລະກົດ ​ແຮງ​ລະ​ເບີດ​ເຮັດ​ໃຫ້​ມີ​ຜູ້​ເສຍ​ຊີວິດ​ຢ່າງ​ໜ້ອຍ 14 ຄົນ ​ແລະ ​ໄດ້​ຮັບ​ບາດ​ເຈັບ​ອີກ​ປະມານ 40 ຄົນ. ຄົນ​ຮ້າຍ​ທັງ​ສອງ​ເສຍ​ຊີວິດ​ໃນ​ຈຸ​ດ​ເກີດ​ເຫດ. ​ເຈົ້າໜ້າ​ທີ່​ກາ​ເມີຣຸນ​ເຊື່ອ​ວ່າ​ເປັນ​ຝີ​ມື​ຂອງ​ກຸ່ມ​ໂບ​ໂກ​ຮາຣາມ ທີ່​ຂ້າມ​ແດນ​ໄປ​ຈາກ​ນີ​ເຊຣີ.

​ໂບ​ໂກ​ຮາ​ຣາມ ​ເຖິງ​ວ່າ​ຈະ​ມີ​ຖານ​ຢູ່​ລັດ​ບໍ​ໂກ​ຂອງ​ນີ​ເຊຣີ, ​ແຕ່​ສົ່ງ​ສະມາຊິກ​ຂ້າມ​ແດນ​ໄປ​ໂຈມ​ຕີ​ໃນ​ຫລາຍ​ປະ​ເທດ​ໃກ້​ຄຽງ ຄື​ກາ​ເມີຣຸນ, ຊາດ ​ແລະ ນີ​ເຈີ ​ເຮັດ​ໃຫ້​ປະ​ເທດ​ເຫລົ່າ​ນີ້​ຮ່ວມ​ກໍ່ຕັ້ງກອງ​ກຳລັງ​ທະຫານ​ກັບ​ນີ​ເຊຣີ ​ເພ່ືອ​ປາບ​ປາມ​ກຸ່ມ​ໂບ​ໂກ​ຮາຣາມ.

- 1 1 - ເກີດເຫດລະເບີດຂ້າຕົວຕາຍໂຈມຕີນີເຊຣີ ແລະ ກາເມີຣຸນ ມີຜູ້ເສຍຊີວິດ 39 ຄົນ
- Tiger Head 728x90 - ເກີດເຫດລະເບີດຂ້າຕົວຕາຍໂຈມຕີນີເຊຣີ ແລະ ກາເມີຣຸນ ມີຜູ້ເສຍຊີວິດ 39 ຄົນ

error: Content is protected !!