ຣັດເຊຍ-ອິນເດຍ ເພີ່ມການຮ່ວມມືດ້ານການຜະລິດອາວຸດ

- 1082555279 0 132 1720 1100 1200x0 80 0 1 367d1e4195dcfb3acd02c574d1d929db - ຣັດເຊຍ-ອິນເດຍ ເພີ່ມການຮ່ວມມືດ້ານການຜະລິດອາວຸດ
- Untitled design - ຣັດເຊຍ-ອິນເດຍ ເພີ່ມການຮ່ວມມືດ້ານການຜະລິດອາວຸດ

ສຳນັກ​ຂ່າວ AP ລາຍ​ງານ​ໃນ​ວັນ​ທີ 7 ​ເມສາ​ວ່າ: ທ່ານ ​ເຊີ​ເກ ລາບຣອບ ລັດຖະມົນຕີ​ຕ່າງປະ​ເທດຣັດ​ເຊຍ ​ໄດ້​ຢ້ຽມຢາມ​ນະຄອນຫລວງ​ນິວ​ເດ​ລີ ​ໃນ​ວັນ​ທີ 6 ​ເມສາ ​ໂດຍ​ມີ​ການ​ພົບ​ປະ​ຫາລື​ກັບ​ລັດຖະມົນຕີ​ຕ່າງປະ​ເທດ​ຂອງ​ອິນ​ເດຍ, ຫລັງ​ຈາກ​ນັ້ນ​ໄດ້​ມີ​ການ​ເປີດ​ເຜີຍ​ວ່າ: ທັງ​ສອງ​ປະ​ເທດ​ເຫັນ​ພ້ອມ​ຮ່ວມ​ກັນ​ໃນ​ຫລັກການ ວ່າ​ດ້ວຍ​ການ​ຍົກ​ລະດັບ ​ແລະ ຂະຫຍາຍ​ຂອບ​ເຂດ​ການ​ຮ່ວມ​ມື​ດ້ານ​ປ້ອງ​ກັນ​ປະ​ເທດ ​ໂດຍ​ສະ​ເພາະ​ໃນ​ດ້ານ​ການ​ຜະລິດ​ອາວຸດ​ຍຸດ​ໂທ​ປະກອນ.

​ເຖິງ​ຢ່າງ​ໃດ​ກໍ​ຕາມ, ຍັງ​ບໍ່​ມີ​ຝ່າຍ​ໃດ​ໃຫ້​ຂໍ້​ມູນ​ເບື້ອງຕົ້ນ ວ່າຣັດ​ເຊຍ​ຈະ​ຖ່າຍ​ທອດ​ເຕັກ​ໂນ​ໂລ​ຊີ​ທາງ​ທະຫານ​ດ້ານ​ໃດ​ໃຫ້​ລັດຖະບານ​ນິວ​ເດ​ລີ ​ເພື່ອ​ໃຫ້​ສາມາດ​ຜະລິດ​ອາວຸດ​ຂອງຣັດ​ເຊຍ​ໄດ້​ເອງ​ໃນ​ປະ​ເທດ. ຂະນະ​ທີ່​ທ່ານ ລາບຣອບ ກ່າວ​ພຽງ​ວ່າ: ການ​ຮ່ວມ​ມື​ດັ່ງກ່າວ​ຈະ​ເປັນ​ການ​ລົງ​ນາມ​ໃນ​ຂໍ້​ຕົກລົງ​ລະຫວ່າງ​ລັດຖະບານ​ຕໍ່​ລັດຖະບານ (ຈີ​ທູ​ຈີ).

- Wave100S AD to Website 2020 0 - ຣັດເຊຍ-ອິນເດຍ ເພີ່ມການຮ່ວມມືດ້ານການຜະລິດອາວຸດ

ປັດຈຸບັນ ອິນ​ເດຍຜະລິດ​ເຮືອບິນ​ຂັບ​ໄລ່​ມິກ ​ແລະ ​ເຮືອບິນ​ໂຈມ​ຕີ​ຊູ-30 ຕະຫລອດ​ຈົນ​ໂຄງການ​ພັດທະນາ​ລູກ​ສອນ​ໄຟ “ບຣາມອສ” ​ເຊິ່ງມີ​ຄວາມ​ໄວ​ເໜືອ​ສຽງ​ຫລາຍ​ທີ່​ສຸດ​ໃນ​ໂລກ ທີ່​ເປັນ​ການ​ຮ່ວມ​ມື​ມາ​ດົນ​ແລ້ວ​ລະຫວ່າງຣັດ​ເຊຍ​ກັບ​ອິນ​ເດຍ. ດ້ວຍ​ເຫດ​ນີ້ ຖ້າ​ມີ​ການ​ຍົກ​ລະດັບ​ການຖ່າຍ​ທອດ​ເຕັກ​ໂນ​ໂລ​ຊີ​ທາງ​ທະຫານ​ລັກສະນະ​ນີ້​ອີກ ​ແນ່ນອນ​ວ່າ​ຈະ​ສອດຄ່ອງ​ກັບ​ແຜນ​ຍຸດ​ທະ​ສາດ “​ແມັກ-ອິນ-ອິນ​ເດຍ” ຂອງ​ນາຍົກລັດຖະມົນຕີ ນາ​ເຣນທຣາ ​ໂມ​ດີ ທີ່​ມຸ້ງ​ສົ່ງ​ເສີມ​ໃຫ້​ອິນ​ເດຍ​ເປັນ​ສູນ​ກາງ​ການ​ຜະລິດ​ສິນຄ້າ ທຸກຂະ​ແໜງ​ເທົ່າ​ທີ່​ຈະ​ເປັນ​ໄປ​ໄດ້​ເຂົ້າສູ່​ຕະຫລາດ​ໂລກ.

- WhatsApp Image 2020 05 27 at 5 - ຣັດເຊຍ-ອິນເດຍ ເພີ່ມການຮ່ວມມືດ້ານການຜະລິດອາວຸດ
- WhatsApp Image 2020 05 27 at 5 - ຣັດເຊຍ-ອິນເດຍ ເພີ່ມການຮ່ວມມືດ້ານການຜະລິດອາວຸດ
No comments yet! You be the first to comment.

Leave a Reply

Your email address will not be published.

This site uses Akismet to reduce spam. Learn how your comment data is processed.

error: Alert: ເນື້ອຫາຂ່າວມີລິຂະສິດ !!