ນິວຊີແລນ-ອົດສະຕຣາລີ ໄຟຂຽວເດີນທາງແບບບໍ່ກັກຕົວ ເລີ່ມ 19 ເມສານີ້

- get 1 4 - ນິວຊີແລນ-ອົດສະຕຣາລີ ໄຟຂຽວເດີນທາງແບບບໍ່ກັກຕົວ ເລີ່ມ 19 ເມສານີ້
- Untitled design - ນິວຊີແລນ-ອົດສະຕຣາລີ ໄຟຂຽວເດີນທາງແບບບໍ່ກັກຕົວ ເລີ່ມ 19 ເມສານີ້

ວັນ​ທີ 6 ​ເມສາ, ທ່ານ ນາງ ຈາ​ຊິນ​ດາ ອາ​ເດິ​ນ ນາຍົກລັດຖະມົນຕີນິວຊີ​ແລນ ປະກາດ​ວ່າ: ຜົນສຳ​ເລັດ​ຂອງ​ນິວຊີ​ແລນ​ໃນ​ການ​​ແກ້​ໄຂ​ພະຍາດ​ໂຄ​ວິດ-19 ​ເຮັດ​ໃຫ້​ນິວຊີ​ແລນ ​ແລະ ອົດ​ສະຕຣາລີ​ສາມາດ​ເດີນທາງ​ລະຫວ່າ​ງກັນ​ແບບ​ບໍ່​ຕ້ອງ​ກັກ​ຕົວ ​ເລີ່​ມ​ແຕ່​ວັນ​ທີ 19 ​ເມສາ​ເປັນຕົ້ນ​ໄປ ​ເຊິ່ງ​ເປັນ​ໄປ​ຕາມ​ເງື່ອນ​ໄຂ​ການ​ເດີນທາງ​ແບບ​ບໍ່​ກັກ​ຕົວ​ຂອງ​ອົດ​ສະຕຣາລີ.

ອະທິບໍດີ​ສາທາລະນະ​ສຸກ​ພິຈາລະນ​າ​ແລ້ວ​ວ່າ: ຄວາມ​ສ່ຽງ​ຂອງ​ການ​ແຜ່​ເຊື້ອພະຍາດ​ໂຄ​ວິດ-19 ຈາກ​ອົດ​ສະຕຣາລີ​ມາ​ນິວຊີ​ແລນ​ຢູ່​ໃນ​ລະດັບ​ຕໍ່າ ​ແລະ ປອດ​ໄພ​ພໍ​ຈະ​ເລີ່​ມການ​ເດີນທາງ​ແບບ​ບໍ່​ຕ້ອງ​ກັກ​ຕົວ​ໄດ້​ແລ້ວ. ນາງ ອາ​ເດິ​ນ ກ່າວ​ວ່າ: ການ​ເດີນທາງ​ແບບ​ບໍ່​ຕ້ອງ​ກັກ​ຕົວ​ເປີດ​ໂອກາດ​ໃຫ້​ຜູ້​ເດີນທາງ​ໄປ​ພົບ​ປະ​ຄອບຄົວ ​ແລະ ໝູ່​ເພື່ອນ ​ແລະ ກັບ​ມາ​ດຳ​ເນີນ​ໂຄງການ Trans-Tasman ຫລື ພື້ນທີ່​ການທ່ອງທ່ຽວ​ປອດ​ໂຄ​ວິດ-19 ​ໄດ້​ອີກ.

ນາງ ອາ​ເດິ​ນ ຍັງ​ເນັ້ນ​ເຖິງ​ການ​ຟື້ນຟູ​ເສດຖະກິດ ​ແລະ ການ​ກຽມ​ເປີດ​ການ​ເດີນທາງ​ລະຫວ່າງ​ປະ​ເທດ​ຢ່າງ​ປອດ​ໄພ, ພ້ອມ​ກັບ​ການ​ດຳ​ເນີນ​ກົນລະຍຸດ​ກຳຈັດ ​ແລະ ປ້ອງ​ກັນ​​ໂຄ​ວິດ-19, ​ແຕ່​ເຕືອນ​ວ່າ: ປະຊາຊົນ​ຈຳ​ເປັນ​ຕ້ອງ​ມີ​ແຜນ​ສຳຮອງ​ຖ້າ​ການ​ເດີນທາງ​ຢຸດ​ສະ​ງັກຈາກ​ການ​ແຜ່​ລະບາດ​ອີກ.

- Wave100S AD to Website 2020 0 - ນິວຊີແລນ-ອົດສະຕຣາລີ ໄຟຂຽວເດີນທາງແບບບໍ່ກັກຕົວ ເລີ່ມ 19 ເມສານີ້

ທ່ານ ຄຣິສ ຮິບ​ກິນ ລັດຖະມົນຕີ​ດ້ານ​ການ​ຮັບ​ມື​ພະຍາດ​ໂຄ​ວິດ-19 ຂອງ​ນິວຊີ​ແລນ ກ່າວ​ວ່າ: ປະຊາຊົນ​ທີ່​ຈະ​ໄດ້​ຮັບ​ສິດ​ເດີນທາງ​ໄປ ຫລື ອອກ​ຈາກ​ນິວ​ຊີ​ແລນ​ດ້ວຍ​ຖ້ຽວ​ບິນ​ແບບ​ບໍ່​ຕ້ອງ​ກັກ​ຕົວ​ຕ້ອງ​ບໍ່​ມີ​ຜົນ​ກວດ​ພະຍາດ​ເປັນ​ບວກ​ໃນ​ໄລຍະ 14 ວັນ​ກ່ອນ​ໜ້າ ​ແລະ ຕ້ອງ​ບໍ່​ຢູ່​ລະຫວ່າງ​ລໍຖ້າ​ຜົນ​ກວດ​ໃນ​ໄລຍະ 14 ວັນນັ້ນ​ເຊັ່ນ​ກັນ.

ອ້າງ​ອີງ: ສຳນັກ​ຂ່າວ​ຊິນ​ຮົວ

- WhatsApp Image 2020 05 27 at 5 - ນິວຊີແລນ-ອົດສະຕຣາລີ ໄຟຂຽວເດີນທາງແບບບໍ່ກັກຕົວ ເລີ່ມ 19 ເມສານີ້
- WhatsApp Image 2020 05 27 at 5 - ນິວຊີແລນ-ອົດສະຕຣາລີ ໄຟຂຽວເດີນທາງແບບບໍ່ກັກຕົວ ເລີ່ມ 19 ເມສານີ້
No comments yet! You be the first to comment.

Leave a Reply

Your email address will not be published.

This site uses Akismet to reduce spam. Learn how your comment data is processed.

error: Alert: ເນື້ອຫາຂ່າວມີລິຂະສິດ !!