6 ຂໍ້​ດີ​ຂອງ​ການ​ມີ​ເພື່ອນ​ເປັນ​ຄົນ​ຕ່​າງ​ສັນ​ຊາດ

- 011502 2021 - 6 ຂໍ້​ດີ​ຂອງ​ການ​ມີ​ເພື່ອນ​ເປັນ​ຄົນ​ຕ່​າງ​ສັນ​ຊາດ
- Untitled design - 6 ຂໍ້​ດີ​ຂອງ​ການ​ມີ​ເພື່ອນ​ເປັນ​ຄົນ​ຕ່​າງ​ສັນ​ຊາດ

ຄວາມ​ຈິງ​ແລ້ວ ການ​ມີ​ໝູ່​ເພື່ອນ​ເປັນ​ຄົນ​ຕ່າງ​ສັນ​ຊາດບໍ່​ພຽງ​ແຕ່​ຈະ​ເຮັດ​ໃຫ້​ທັກ​ສະ​ທາງ​ດ້ານ​ພາ​ສາ​ຕ່າງ​ປະ​ເທດ​ຂອງ​ທ່ານ​ພັດ​ທະ​ນາ ຍັງ​ຊ່ວຍ​ໃຫ້​ທ່ານ​ສາ​ມາດ​ເຂົ້າ​ໃຈ​ວັດ​ທະ​ນະ​ທຳ​ໃໝ່ໆ ແລະ ຊ່ວຍ​ເປີດ​ໂລກ​ກະ​ທັດ​ຂອງ​ທ່ານ​ໃຫ້​ກ້​ວາງ​ໄກ​ຂຶ້ນ​ຕື່ມ.

- 021502 2021 300x200 - 6 ຂໍ້​ດີ​ຂອງ​ການ​ມີ​ເພື່ອນ​ເປັນ​ຄົນ​ຕ່​າງ​ສັນ​ຊາດ
Three happy friends meeting in the street of a big city
  1. ທ່ານ​ຈະ​ໄດ້​ຮຽນ​ຮູ້​ສະ​ພາບ​ແວດ​ລ້ອມ​ທີ່​ຫລາກ​ຫລາຍ : ນັກ​ສຶກ​ສາ​ຕ່າງ​ປະ​ເທດ​ແມ່ນ​ສູນ​ລວມ​ຂອງ​ຄວາມ​ຫລາກ​ຫລາຍ​ໃນ​ສະ​ຖາ​ບັນ​ການ​ສຶກ​ສາ, ພວກ​ເຂົາ​ມັກ​ຫ້າວ​ຫັນ​ທີ່​ຈະ​ແລກ​ປ່ຽນ​ການ​ຮຽນ​ຮູ້ ຕັ້ງ​ແຕ່​ເລື່ອງ​ນ້ອຍໆ​ໄປ​ຈົນ​ເຖິງ​ເລື່ອງ​ໃຫຍ່ໆ ທັງ​ຍັງ​ພ້ອມ​ທີ່​ຈະ​ເປັນ​ເພື່ອນ​ໃໝ່​ກັບ​ທຸກ​ຄົນ.
  2. ທ່າ​ນ​ຈະ​ໄດ້​ຮຽນ​ຮູ້​ວັດ​ທະ​ນະ​ທຳ ແລະ ທັດ​ສະ​ນະ​ຄະ​ຕິ ຫລື ວິ​ໄສ​ທັດ​ໃໝ່ໆ : ນັກ​ສຶກ​ສາ​ໃນ​ແຕ່​ລະ​ປະ​ເທດ​ອາດ​ເອີ້ນ​ໄດ້​ວ່າ​ເປັນ​ໂຕ​ແທນ​ຂອງວັດ​ທະ​ນະ​ທຳ​ທ້ອງ​ຖິ່ນ​ທີ່​ພວກ​ເຂົາ​ເຕີບ​ໃຫຍ່​ມາ ບໍ່​ວ່າ​ຈະ​ເປັນ​ວິ​ໄສ​ທັດ​ທີ່​ມີ​ຕໍ່​ເລື່ອງ​ອ້ອມ​ໂຕ ຫລື ວັດ​ທະ​ນະ​ທຳ​ທີ່​ໜ້າ​ສົນ​ໃຈ ສິ່ງ​ເຫລົ່າ​ນີ້​ຈະ​ຊ່ວຍ​ໃຫ້​ທ່ານ​ເຂົ້າ​ໃຈ​ໂລກ​ໄດ້​ຫລາຍ​ຍິ່ງ​ຂຶ້ນ ແລະ ກາຍ​ເປັນ​ຄົນ​ທີ່​ມີ​ທັດ​ສະ​ນະ​ວິ​ໄສ​ດີ.
  3. ທ່ານ​ຈະ​ໄດ້​ຮຽ​ນ​ຮູ້​ພາ​ສາ​ໃໝ່ໆ : ໜຶ່ງ​ໃນ​ໂອ​ກາດ​ທີ່​ຈະ​ໄດ້​ຮຽນ​ຮູ້​ກັບ​ເຈົ້າ​ຂອງ​ພາ​ສາ​ເລີຍ, ການ​ແລກ​ປ່ຽນ​ພາ​ສາ​ຜ່ານ​ການ​ສົນ​ທະ​ນາ​ໃນ​ກຸ່ມ​ໝູ່​ເພື່ອນ ຍັງ​ເປັນ​ອີກ​ໜຶ່ງ​ການ​ຮຽນ​ທີ່​ຈະ​ຊ່ວຍ​ໃຫ້​ທ່ານ​ກ້າວ​ໜ້າ​ໄດ້​ຢ່າງວ່ອງ​ໄວ.
  4. ທ່ານ​ອາດ​ຈະ​ໄດ້​ຮັບ​ປະ​ສົບ​ການ​ທີ່ບໍ່​ຄິດ​ວ່າ​ຊີ​ວິດນີ້​ຈະ​ໄດ້​ເຮັດ : ເມື່ອ​ຢ່າງ​ຕ່າງ​ແດນ ນັກ​ສຶກ​ສາ​ຕ່າງ​ສັນ​ຊາດ​ສ່ວນ​ຫລາຍ​ມັກ​ຕອບ​ຮັບ​ກັບ​ທຸກ​ປະ​ສົບ​ການ​ທີ່​ທ້າ​ທາຍ​ເພື່ອບໍ່​ໃຫ້​ເສຍ​ໂອ​ກາດ ຫາກ​ທ່ານ​ຮ່ວມ​ລົງ​ຊື່​ໃນ​ກິດ​ຈະ​ກຳ​ເຫລົ່າ​ນັ້ນ​ໄປ​ກັບ​ພວກ​ເຂົາ ທ່ານ​ອາດ​ໄດ້​ຮັບ​ຄວາມ​ກ້າ​ທີ່​ຈະ​ເຮັດ​ຫຍັງ​ທີ່​ທ້າ​ທາຍ​ຈັກ​ເທື່ອ​ໜຶ່ງ​ໃນ​ຊີ​ວິດ ບອກ​ໄດ້​ເລີຍ​ວ່າ​ບາງ​ຢ່າງ​ມັນ​ດີ​ຫລາຍ​ແທ້ໆ.
  5. ທ່ານ​ໄດ້​ລອງ​ຊິມ​ອາ​ຫານ​ລົດ​ຊາດ​ແປກໆ​ຈາກ​ແດນ​ໄກ : ການ​ມີ​ເພື່ອນ​ຕ່າງ​ສັນ​ຊາດ​ທ່ານ​ຈະ​ໄດ້​ຮ​ຽນ​ຮູ້​ເຖິງ​ສິ່ງ​ແປກ​ໃໝ່​ຫລວງ​ຫລາຍ ເຊິ່ງ​ອາ​ຫານ​ກໍ​ເປັນ​ໜຶ່ງ​ໃນ​ນັ້ນ ບາງ​ເທື່ອ​ໃນ​ງານ​ລ້ຽງ​ສັງ​ສັນ ທ່ານ​ອາດ​ໄດ້​ລອງ​ຊິມ​ອາ​ຫານ​ຕ່າງ​ແດນ​ສີ​ມື​ຂອງ​ເພື່ອ​ນ​ຕ່າງ​ສັນ​ຊາດ​ກໍ​ເປັນ​ໄດ້.
  6. ໄດ້​ຮຽນ​ຮູ້​ການ​ເຂົ້າ​ສັງ​ຄົມ : ນອກ​ເໜືອ​ຈາກ​ຄຳ​ທັກ​ທາຍ​ໃນ​ການ​ເຂົ້າ​ຮ່ວມ​ສະ​ມ​າ​ຄົມ​ກັບ​ເພື່ອນ​ຕ່າງ​ສັນ​ຊາດ ທ່ານ​ຍັງ​ສາ​ມາດ​ຮຽນ​ຮູ້​ການ​ເຂົ້າ​ສັງ​ຄົມ​ໃນ​ລະ​ດັບ​ສາ​ກົນ​ໄດ້​ນຳ ເຊິ່ງ​ສິ່ງ​ເຫລົ່າ​ນີ້​ຈະ​ເປັນ​ປະ​ໂຫຍດ​ຢ່າງ​ຫລາຍ​ໃນ​ອະ​ນາ​ຄົດ​ການ​ເຮັດ​ວຽກ​ຂອງ​ທ່ານ.

 

- Wave100S AD to Website 2020 0 - 6 ຂໍ້​ດີ​ຂອງ​ການ​ມີ​ເພື່ອນ​ເປັນ​ຄົນ​ຕ່​າງ​ສັນ​ຊາດ
- WhatsApp Image 2020 05 27 at 5 - 6 ຂໍ້​ດີ​ຂອງ​ການ​ມີ​ເພື່ອນ​ເປັນ​ຄົນ​ຕ່​າງ​ສັນ​ຊາດ
- WhatsApp Image 2020 05 27 at 5 - 6 ຂໍ້​ດີ​ຂອງ​ການ​ມີ​ເພື່ອນ​ເປັນ​ຄົນ​ຕ່​າງ​ສັນ​ຊາດ
No comments yet! You be the first to comment.

Leave a Reply

Your email address will not be published.

This site uses Akismet to reduce spam. Learn how your comment data is processed.

error: Alert: ເນື້ອຫາຂ່າວມີລິຂະສິດ !!