ຄະນະຜູ້ແທນແພດທະ​ຫານ​​ອາ​ຊຽນຫາລືວຽກງານມະນຸດສະທຳ

- advert banner 728 90 728x90 - ຄະນະຜູ້ແທນແພດທະ​ຫານ​​ອາ​ຊຽນຫາລືວຽກງານມະນຸດສະທຳ

​ກອງ​ປະຊຸມ​ຫົວໜ້າ​ແພດ​ທະຫານ​ອາ​ຊຽນຄັ້ງ​ທີ 7 ​ແລະ ກອງ​ປະຊຸມ​ແລກປ່ຽນ​ແພດ​ທະຫານ​ໜຸ່ມ​ອາ​ຊຽນໄດ້ຈັດຂຶ້ນ​ໃນ​ວັນ​ທີ 13 ກໍລະກົດນີ້ທີ່ນະຄອນຫລວງ​ວຽງ​ຈັນ, ໂດຍ​ພາຍໃຕ້ການ​ເປັນ​ປະທານ​ຂອງ​ທ່ານພັນ​ເອກ ບົວ​ສິງ ອິນ​ທະ​ວົງ ຫົວໜ້າ​ກົມ​ເສນາ​ຮັກກົມ​ໃຫຍ່​ພະລາທິການ​ຂອງ​ກອງທັບ​ປະຊາຊົນ​ລາວ, ພ້ອມດ້ວຍຄະນະຜູ້ແທນ​ແພດ​ທະຫານ​ຂອງ​ກອງທັບ​ບັນດາ​ປະ​ເທດ​ສະມາຊິກ​ອາ​ຊຽນ​ເຂົ້າ​ຮ່ວມ​.

- new3 - ຄະນະຜູ້ແທນແພດທະ​ຫານ​​ອາ​ຊຽນຫາລືວຽກງານມະນຸດສະທຳ

​ ​ທ່ານພັນ​ເອກ ບົວ​ສິງ ອິນ​ທະ​ວົງ ​ກ່າວ​ວ່າ: ກອງ​ປະຊຸມ​ຫົວໜ້າ​ແພດ​ທະຫານ​ອາ​ຊຽນມີການ​​ເຕີບ​ໃຫຍ່​ຂະຫຍາຍຕົວ​​ຕໍ່​ເນື່ອງ​ນັບ​ແຕ່​ໄດ້​​ສ້າງ​ຕັ້ງ​ຂຶ້ນ​ໃນ​ປີ 2011 ທີ່​​ຮ່າ​ໂນ້ຍ, ສສ.ຫວຽດນາມ, ​ເຊິ່ງສະ​ແດງ​ອອກ​ໃນ​ຄວາມ​ເອົາ​ໃຈ​ໃສ່ ​ແລະ ການ​ປະກອບສ່ວນ​ຢ່າງ​ຕັ້ງໜ້າ​ຂອງ​ບັນດາ​ສະ​ຖາ​ບັນ​ແພດ​ທະຫານ​ຂອງ​ປະ​ເທດ​ສະມາຊິກ​ອາ​ຊຽນ​ໃນ​ການ​ເປັນ​ເຈົ້າພາບ ​ແລະ ການ​ເປັນ​ປະທານ​ຈັດ​ກອງ​ປະຊຸມ​ຫົວໜ້າ​ແພດ​ທະຫານ​ອາ​ຊຽນ ​ແລະ ກິດຈະກຳ​ອື່ນໆ​ທີ່​ກ່ຽວຂ້ອງ, ​ອັນ​ໄດ້ປິກອບສ່ວນເຂົ້າ​ໃນ​ການ​ສ້າງ​ຂີດ​ຄວາມ​ສາມາດ​ດ້ານ​ຕ່າງໆ​ໂດຍ​ຜ່ານ​ເວທີ​ການ​ປຶກສາ​ຫາລື, ການ​ແລກປ່ຽນ​ຄວາມ​ຮູ້​ຄວາມ​ສາມາດ, ການ​ສຶກສາ​ຄົ້ນຄວ້າ ​ແລ​ະ ປະສົບ​ການ​ໃນ​ການ​ພົວພັນ​ຮ່ວມ​ມື​​ແພດ​ທະຫານ.

ກອງ​ປະຊຸມ​​​ໃນ​ຄັ້ງນີ້ຈະ​ໄດ້​ແລກປ່ຽນ​ທັດສະນະ​ກ່ຽວ​ກັບ​ການ​ເສີມ​ສ້າງ​ການ​ຮ່ວມ​ມືຂອງ​ແພດ​ທະຫານ​ອາ​ຊຽນ​ໃນ​ການ​ຊ່ວຍ​ເຫລືອ​ມະນຸດສະທຳ ​ແລະ ບັນ​ເທົາ​ທຸກ​ໄພພິບັດ, ເຊິ່ງໃນ​ປີ​ຜ່ານ​ມາພາກ​ພື້ນ​​ພວກ​ເຮົາ​ແມ່ນ​ຜະເຊີນ​ກັບ​ສິ່ງ​ທ້າ​ທາ​ຍຕໍ່​ຄວາມ​ໝັ້ນຄົງ​ຫລາຍ​ບັນຫາ, ​ໂດຍ​ສະ​ເພາະ​ແມ່ນ​ໄພພິບັດ​ທາງ​ທຳ​ມະ​ຊາດ, ​ໄພ​ຂົ່ມຂູ່​ດັ່ງກ່າວ​ໄດ້​ສົ່ງ​ຜົນ​ກະທົບ​ອັນ​ໃຫຍ່​ຫລວງ​ຕໍ່​ຊີວິດ, ຊັບ​ສິນ​ຂອງ​ປະຊາຊົນ ​ແລະ ການພັດທະນາ​ເສດຖະກິດ-ສັງຄົມ​ຂອງ​ຊາດ ​ແລະ ພາກ​ພື້ນ. ​ການ​ຊ່ວຍ​ເຫລືອ​ມະນຸດສະທຳ ​ແລະ ການ​ບັນ​ເທົາ​ທຸກ​ໄພພິບັດແມ່ນ​ໜຶ່ງ​ໃນ​ຂົງ​ເຂດ​ວຽກ​ງານ​ການ​ຮ່ວມ​ມື​ຂອງ​ກອງ​ປະຊຸມ​ລັດຖະມົນຕີ​ປ້ອງ​ກັນ​ປະ​ເທດ​ອາ​ຊຽນ, ອາ​ຊຽນບວກ ​ແລະ ​ເວດ​ທີ​ພາກ​ພື້ນ​ອາ​ຊຽນ.

- lattana 1 - ຄະນະຜູ້ແທນແພດທະ​ຫານ​​ອາ​ຊຽນຫາລືວຽກງານມະນຸດສະທຳ

​  ກອງ​ປະຊຸມ​​ໃນ​ຄັ້ງ​ນີ້, ຝ່າຍລາວ​ໄດ້​ສະ​ເໜີ 3 ຫົວຂໍ້ ​ຄື: ​ເຫລົ່າ​ຮົບ​ເສນາ​ຮັກ​ຂອງ​ກອງທັບ​ປະຊາຊົນ​ລາວ ​ແລະ ຄວາມ​ພ້ອມ​ໃນ​ການ​ຊ່ວຍ​ເຫ​ລື​ອມະນຸດສະທຳ ​ແລະ ການ​ບັນ​ເທົາ​ທຸກ​ໄພພິບັ​ດ; ການ​ເຝົ້າ​ລະວັງ​ພະຍາດ​ໄຂ້ຍຸງ​ລາຍ​ໃນ​ນະຄອນຫລວງ​ວຽງ​ຈັນ​ຂອງ​ສະ​ຖາ​ບັນ​ອະນາ​ໄມ​ກັນ​ພະຍາດ ​ແລະ ສົ່ງ​ເສີມ​ສຸຂະພາບ​ຂອງ​ກັບ​ທັບ ​ແລະ ບົດ​ຄົ້ນຄວ້າ​ກ່ຽວກັບ​ການກວດ​ອາຈົມ​ເພື່ອ​ຊອກ​ພະຍາດ​ໃບ​ໄມ້​ໃນ​ຕັບ​ໃນ​ໂຮງໝໍ 103. ສໍາລັບກອງ​ປະຊຸມຫົວໜ້າ​ແພດ​ທະຫານ​ອາ​ຊຽນຄັ້ງ​ທີ 8 ​ແມ່ນ​ຈະໄດ້ຈັດຂຶ້ນທີ່ປະ​ເທດ​ສິງກະ​ໂປ​ໃນປີຕໍ່ໄປ.

error: Content is protected !!