ວົງການນາງງາມສີລັງກາວຸ້ນ ຢຶດມົງກຸດຄືນກາງເວທີ

- news d5fdd34824 - ວົງການນາງງາມສີລັງກາວຸ້ນ ຢຶດມົງກຸດຄືນກາງເວທີ
- Untitled design - ວົງການນາງງາມສີລັງກາວຸ້ນ ຢຶດມົງກຸດຄືນກາງເວທີ

ຮື​ຮາ​ວົງ​ການ​ນາງ​ງາມ​ໃນ​ຕ່າງປະ​ເທດ ​ເມື່ອ​ເວທີ​ປະ​ກວດ​ນາງ​ງາມ​ຢູ່​ສີ​ລັງກາ ມີ​ການ​ຖອດມົງກຸດ​ນາງ​ງາມ​ຈາກ​ຄົນ​ທີ່​ໄດ້​ຕຳ​ແໜ່​ງກາງ​ເວທີ ​ໄປ​ໃຫ້​ຮອງ​ອັນ​ດັບ 1 ​ແລະ ນາງ​ຍັງ​ອອກ​ມາບ​ອກອີກ​ວ່າ: ນາງ​ມີ​ບາດ​ແຜ​ຢູ່​ຫົວ​ຈາກ​ການ​ຖືກ​ຖອດ​ມົງກຸດ.

​ເວທີ​ດັ່ງກ່າວ​ເປັນ​ການ​ປະ​ກວດ “ມິ​ສຊິດ ​ເວິລ” ​ໃນ​ສີ​ລັງກາ ຫລື ປະ​ກວດ​ຄວາມ​ງາມ​ຂອງ​ຜູ້ຍິງ​ທີ່​ແຕ່ງດອງ​ແລ້ວ ​ເຊິ່ງຫລັງ​ປະ​ກາດ​ຜູ້​ໄດ້​ຄອບ​ຄອງ​ມົງກຸດ ຢູ່​ໆ ນາງ​ງາມ​ປີຜ່ານມາ​ກໍຂຶ້ນ​ເວທີ​ມາ​ປະກາດ​ວ່າ: ຕາມ​ກົດ​ຂອງ​ການ​ປະ​ກວດ ຜູ້​ທີ່​ໄດ້​ຕຳ​ແໜ່​ງຕ້ອງ​ແຕ່ງດອງ​ແລ້ວ ​ແລະ ຍັງ​ບໍ່​ຢ່າ​ຮ້າງ ຈຶ່ງ​ຂໍ​ໃຫ້​ມົງກຸດ​ນີ້​ໄປ​ຕົກ​ກັບ​ນາງ​ງາມ​ຮອງ​ອັນ​ດັບ 1.

ຈາກ​ນັ້ນນາງ​ກໍ​ຍ່າງ​ໄປ​ຖອດ​ມົງກຸດ​ອອກ​ຈາກ​ຫົວ​ຂອງ​ນາງ​ງາມ​ທີ່​ໄດ້​ຕຳ​ແໜ່​ງດ້ວຍ​ຄວາມ​ວຸ້ນວາຍ ​ເພາະ​ມົງກຸດ​ກ້ຽວ​ຜົມ​ຂອງ​ນາງ ທັນທີ​ທີ່​ຖອດ​ອອກ​ມາ​ໄດ້ ນາງ​ງາມ​ທີ່​ຖືກ​ຖອດ​ມົງກຸດ​ກໍ​ຍ່າງ​ອອກ​ໄປ​ຈາກ​ເວທີ ​ແລະ ນາງ​ງາມ​ຮອງ​ອັນ​ດັບ 1 ກໍ​ໄດ້​ຄອງ​ມົງກຸດ​ໄປ​ຄອງ ທ່າມກາງ​ຄວາມ​ມຶນ​ງົງ​ຂອງ​ທຸກ​ຝ່າຍ.

- Wave100S AD to Website 2020 0 - ວົງການນາງງາມສີລັງກາວຸ້ນ ຢຶດມົງກຸດຄືນກາງເວທີ

ກອງ​ປະ​ກວດ​ໄດ້​ຂໍ​ໂທດ​ນາງ ​ເດິ ຊິ​ລວາ ຜູ້​ທີ່​ຖືກ​ຢຶດມົງກຸດ. ຂະນະ​ທີ່​ນາງ​ບອກ​ວ່າ: ນາງ​ພຽງ​ແຍກ​ກັນ​ຢູ່​ກັບ​ຜົວ ບໍ່​ໄດ້​ຢ່າ ​ແລະ ບອກອີກ​ວ່າ: ນາງ​ຕ້ອງ​ໄປ​ໂຮງໝໍ ​ເພາະ​ມີ​ບາດ​ແຜ​ຢູ່​ຫົວ​ຈາກ​ການ​ຖືກ​ຖອດ​ມົງກຸດ ທັງ​ຍັງ​ບອກ​ວ່າ: ນາງ​ຈະ​ດຳ​ເນີນ​ການ​ທາງ​ກົດໝາຍ​ທີ່​ນາງ​ຖືກ​ປະຕິບັດ​ຢ່າງ​ດູ​ໝິ່ນ ​ແລະ ​ໄຮ້​ເຫດຜົນ. ​ໃນ​ສີ​ລັງກາມີ​ແມ່ລ້ຽງ​ດ່ຽວ​ຈຳນວນ​ຫລາຍ​ທີ່​ຕ້ອງ​ເປັນ​ທຸກ​ໃນ​ສັງຄົມ​ນີ້ ນາງ​ຈຶ່ງ​ຂໍ​ໃຫ້​ມົງກຸດ​ນີ້​ເປັນ​ຂອງ​ແມ່ລ້ຽງ​ດ່ຽວ​ທຸກໆ​ຄົນ.

- WhatsApp Image 2020 05 27 at 5 - ວົງການນາງງາມສີລັງກາວຸ້ນ ຢຶດມົງກຸດຄືນກາງເວທີ
- WhatsApp Image 2020 05 27 at 5 - ວົງການນາງງາມສີລັງກາວຸ້ນ ຢຶດມົງກຸດຄືນກາງເວທີ
No comments yet! You be the first to comment.

Leave a Reply

Your email address will not be published.

This site uses Akismet to reduce spam. Learn how your comment data is processed.

error: Alert: ເນື້ອຫາຂ່າວມີລິຂະສິດ !!