ອາເມລິກາຈະສືບຕໍ່ໃຫ້ການຊ່ວຍເຫລືອເກັບກູ້ລະເບີດບໍ່ທັນແຕກຢູ່ລາວ

- advert banner 728 90 728x90 - ອາເມລິກາຈະສືບຕໍ່ໃຫ້ການຊ່ວຍເຫລືອເກັບກູ້ລະເບີດບໍ່ທັນແຕກຢູ່ລາວ

ໃນໂອກາດທີ່ທ່ານນາງ ຣີນາ ບິດເຕີ (Rena Bitter) ເອກອັກຄະລັດຖະທູດສະຫະລັດອາເມລິກາປະຈຳລາວ, ພ້ອມດ້ວຍຄະນະ ໄດ້ຢ້ຽມຢາມ ແລະ ພົບປະກັບທ່ານ ສົມກົດ ມັງໜໍ່ເມກ ເຈົ້າແຂວງຊຽງຂວາງ ເມື່ອບໍ່ດົນມານີ້, ໄດ້ມີການຕີລາຄາວ່າ: ແຂວງຊຽງຂວາງໄດ້ພະຍາຍາມສຸມໃສ່ການແກ້ໄຂຄວາມທຸກຍາກຂອງປະຊາຊົນ, ໂດຍໄດ້ຖືເອົາວຽກງານການສຶກສາ, ສາທາລະນະສຸກ ແລະ ການເກັບກູ້ທຳລາຍລະເບີດບໍ່ທັນແຕກທີ່ຕົກຄ້າງເປັນບູລິມະສິດສຳຄັນ, ຜ່ານມາສະຫະລັດອາເມລິກາ ໄດ້ຊ່ວຍເຫລືອໃນ 3 ຂົງເຂດດັ່ງກ່າວ, ຊຶ່ງມາຮອດປັດຈຸບັນ ໄດ້ຮັບການຊ່ວຍເຫລືອລ້າຫລາຍກວ່າ 15 ລ້ານໂດລາສະຫະລັດ.

- new3 - ອາເມລິກາຈະສືບຕໍ່ໃຫ້ການຊ່ວຍເຫລືອເກັບກູ້ລະເບີດບໍ່ທັນແຕກຢູ່ລາວ

ໃນໂອກາດນີ້ ທ່ານທູດອາເມລິກາ ໄດ້ສະແດງຄວາມຍິນດີຕໍ່ການພັດທະນາຂອງແຂວງຊຽງຂວາງ ແລະ ຈະຄົ້ນຄວ້າການເພີ່ມທຶນຊ່ວຍເຫລືອໃນການເກັບກູ້ລະເບີດໃຫ້ຫລາຍຂຶ້ນ, ພ້ອມທັງຫາຊ່ອງທາງຄວາມເປັນໄປໄດ້ໃນການຮ່ວມມືກັນໃນຫລາຍຂົງເຂດໃນຕໍ່ໜ້າ.

- lattana 1 - ອາເມລິກາຈະສືບຕໍ່ໃຫ້ການຊ່ວຍເຫລືອເກັບກູ້ລະເບີດບໍ່ທັນແຕກຢູ່ລາວ

ສປປ ລາວ ໄດ້ຮັບຜົນກະທົບຈາກລູກລະເບີດໃນປາງສົງຄາມໂດຍສະເລ່ຍມີລະເບີດປະມານ 2 ລ້ານກວ່າໂຕນທີ່ຖືກຖິ້ມໃສ່ ສປປ ລາວ ໃນປາງສົງຄາມ ຈົນເຖິງປັດຈຸບັນນີ້ ລະເບີດຕົກຄ້າງຍັງສືບຕໍ່ຂ້າຊີວິດຂອງປະຊາຊົນລາວເປັນປະຊາຊົນຈຳນວນບໍ່ໜ້ອຍ.

error: Content is protected !!