ໂຮງໝໍມິດຕະພາບ ສະຫລຸບແຜນພັດທະນາປະຈຳປີ 2020

- 1693 - ໂຮງໝໍມິດຕະພາບ ສະຫລຸບແຜນພັດທະນາປະຈຳປີ 2020
- Untitled design - ໂຮງໝໍມິດຕະພາບ ສະຫລຸບແຜນພັດທະນາປະຈຳປີ 2020

ພິທີສະຫລຸບຕີລາຄາປະເມີນຜົນການຈັດຕັ້ງປະຕິບັດ ແຜນພັດທະນາຂອງໂຮງໝໍມິດຕະພາບ ປະຈໍາປີ 2020 ແລະ ຜ່ານແຜນການປີ 2021 ໂຮງໝໍມິດຕະພາບໄດ້ຈັດຂຶ້ນໃນວັນທີ 7 ເມສານີ້ ທີ່ໂຮງໝໍດັ່ງກ່າວ, ໂດຍການເປັນປະທານຂອງ ທ່ານ ສະໜອງ ທອງຊະນະ ຜູ້ອຳນວຍການໂຮງໝໍມິດຕະພາບ.

ໃນພິທີ, ທ່ານ ສອນໄຊ ລາດຊະລົງ ຮອງຜູ້ອຳນວຍການໂຮງໝໍ ມິດຕະພາບ ໃຫ້ຮູ້ວ່າ: ພະນັກງານແພດໝໍ ໄດ້ພ້ອມກັນຜ່ານຜ່າເຮັດໜ້າທີ່ການເມືອງ ແລະ ໜ້າທີ່ວິຊາສະເພາະຂອງຕົນຕາມການມອບໝາຍຂອງການຈັດຕັ້ງ, ດ້ານວິຊາການໄດ້ກວດ ແລະ ປິ່ນປົວຄົນເຈັບຢູ່ຫ້ອງກວດເຂດນອກໄດ້ 143.823 ເທື່ອ/ຄົນ, ກວດເຂດນອກ ໂຮງໝໍພາກຂະຫຍາຍ 39.356 ເທື່ອ/ຄົນ, ຮັບຄົນເຈັບສຸກເສີນ 51.976 ຄົນ, ຮັບຄົນເຈັບເຂົ້ານອນ 18.369 ຄົນ, ເດັກເກີດໃໝ່ 1.471 ຄົນ, ຜ່າຕັດທັງໝົດ 8.102 ກໍລະນີ, ຟອກໄຂ່ຫຼັງ 6.027 ເທື່ອ/ຄົນ, ອັດຕາການໝູນໃຊ້ຕຽງ 103,73%, ຄົນເຈັບສາຍແສງປິ່ນປົວມະເຮັງ 4.525 ເທື່ອ/ຄົນ.

- 1499 n 300x200 - ໂຮງໝໍມິດຕະພາບ ສະຫລຸບແຜນພັດທະນາປະຈຳປີ 2020

- Wave100S AD to Website 2020 0 - ໂຮງໝໍມິດຕະພາບ ສະຫລຸບແຜນພັດທະນາປະຈຳປີ 2020

ພ້ອມນັ້ນ, ກໍໄດ້ຖືກແຕ່ງຕັ້ງຈາກຄະນະສະເພາະກິດໃຫ້ເປັນບ່ອນກັ່ນກອງ, ຊອກຄົ້ນ ແລະ ຮັບຄົນເຈັບນອນປິ່ນປົວເຊື້ອພະຍາດ COVID-19, ໃນນັ້ນໄດ້ເກັບຕົວຢ່າງຄົນເຈັບທີ່ເຂົ້າກໍລະ ນີສົງໄສທັງໝົດ 1.089 ຄົນ ແລະ ປິ່ນປົວຄົນເຈັບທີ່ຕິດເຊື້ອພະຍາດ COVID-19 ທັງໝົດ 31 ຄົນ ຍິງ 15 ຄົນ, ໃນ 1 ປີໄດ້ປະຕິບັດນະໂຍບາຍວຽກງານປະກັນສຸຂະພາບ ມີຜູ້ປະກັນຕົນມາຮັບບໍລິການທັງ ໝົດ 62.125 ຄົນ ແລະ ໄດ້ນະໂຍບາຍການປິ່ນປົວໂດຍບໍ່ເສຍຄ່າແກ່ຜູ້ທຸກຍາກອານະຖາ, ນັກບວດ, ນັກຮຽນ-ນັກສຶກສາ ແລະ ນະໂຍບາຍຫຼຸດຄ່າຟອກເລືອດໃຫ້ຄົນເຈັບຜູ້ທຸກຍາກ ຊຶ່ງລວມນະໂຍບາຍເປັນເງິນທັງໝົດ 369 ກວ່າລ້ານກີບ.

ນອກນີ້, ໂຮງໝໍຍັງໄດ້ຖືເອົາວຽກງານສຳຄັນຂອງການສຶກສາອົບຮົມແນວຄິດຂອງພະນັກງານ, ຈັນຍາບັນແພດ, ຈັນຍາບັນພະຍາບານ, ໄດ້ປຸກລະດົມຂະບວນການແຂ່ງຂັນຮັກຊາດ-ພັດທະນາ, ປະຕິບັດວິໄສທັດຂອງໂຮງໝໍ ແລະ ນະໂຍບາຍ 5 ດີ 1 ພໍໃຈ ທີ່ກະຊວງສາທາລະນະສຸກວາງອອກ ເຂົ້າໃນວຽກງານຕົວຈິງຂອງຕົນ, ພ້ອມຜ່ານແຜນການປີ 2021 ຊຶ່ງໄດ້ກວມເອົາການເມືອງແນວຄິດ, ວຽກງານວິຊາສະເພາະ, ວຽກການພົວພັນຕ່າງປະເທດ ແລະ ອື່ນໆ.

- WhatsApp Image 2020 05 27 at 5 - ໂຮງໝໍມິດຕະພາບ ສະຫລຸບແຜນພັດທະນາປະຈຳປີ 2020
- WhatsApp Image 2020 05 27 at 5 - ໂຮງໝໍມິດຕະພາບ ສະຫລຸບແຜນພັດທະນາປະຈຳປີ 2020
No comments yet! You be the first to comment.

Leave a Reply

Your email address will not be published.

This site uses Akismet to reduce spam. Learn how your comment data is processed.

error: Alert: ເນື້ອຫາຂ່າວມີລິຂະສິດ !!