ຄຸນ​ຄ່າ​ທາງ​ສາ​ນ​ອາ​ຫານ​ຂອງ​ໄຂ່​ມົດ​ສົ້ມ

- 021802 2021 - ຄຸນ​ຄ່າ​ທາງ​ສາ​ນ​ອາ​ຫານ​ຂອງ​ໄຂ່​ມົດ​ສົ້ມ
- Untitled design - ຄຸນ​ຄ່າ​ທາງ​ສາ​ນ​ອາ​ຫານ​ຂອງ​ໄຂ່​ມົດ​ສົ້ມ
  • ສຳ​ລັບ​ຄຸນ​ຄ່າ​ທາງ​ອາ​ຫານ​ຂອງ​ໄຂ່​ມົດ​ສົ້ມ​ຕາມ​ໂຕ​ເລກ​ແມ່ນ​ມີ​ໂປ​ຣ​ຕິນ​ຫລາຍ 8,2 ກ​ຣາມ​ຕໍ່ໄຂ່​ມົດ​​ສົ້ມ 1 ຂີດ (100 ກ​ຣາມ) ຖື​ວ່າ​ມີ​ຫລາຍ​ພໍ​ສົມ​ຄວນ. ສ່ວນ​ໄຂ​ມັນ​ໃນ​ໄຂ່​ມົດ​ສົ້ມ​ຈ​ະ​ໜ້ອຍ​ກ່​ວາ​ໃນ​ໄຂ່​ໄກ່ ມີ​ພຽງ 2,6 ກ​ຣາມ​ເທົ່າ​ນັ້ນ ທຽບ​ໃສ່​ກັບ​ໃນ​ໄຂ່​ໄກ່ ເຊິ່ງ​ມີ​ຫລາຍ​ເຖິງ 11,7 ກ​ຣາມ ກາ​ລໍ​ຣີ​ຈາກ​ໄຂ່​ມົດ​ສົ້ມຈຶ່ງ​ໜ້ອຍ​ກ່​ວາ​ໄຂ່​ໄກ່.
  • ະ​ໂຫຍ​ດ​ຂອງໄຂ່​ມົດ​ສົ້ມ ສະ​ຫລຸບ​ເປັນ​ຂໍ້ໆ​ໄດ້​ດັ່ງ​ນີ້ :

- 061802 2021 300x225 - ຄຸນ​ຄ່າ​ທາງ​ສາ​ນ​ອາ​ຫານ​ຂອງ​ໄຂ່​ມົດ​ສົ້ມ

  1. ໃຊ້​ເປັນ​ອາ​ຫານ ໄດ້​ຈາກ​ໄຂ່ ແລະ ໂຕ​ມົດ​ສົ້ມ : ມົດ​ສົ້ມ​ມີ​ກົດ​ນ້ຳ​ສົ້ມ ໃຫ້​ລົ​ດ​ຊາດ​ສົ້ມ, ມີ​ຄຸນ​ສົມ​ບັດ​ເປັນ​ກົດ ໃຊ້​ແທນ​ນ້ຳ​ໝາກ​ນາວ ຫລື ນ້ຳ​ສົ້ມ​ສາຍ​ຊູ ໃຫ້​ລົດ​ຊາດ​ແຊບ. ລາຍ​ການ​ອາ​ຫານ​ທີ່​ໄດ້​ຈາກ​ໄຂ່​ມົດ​ສົ້ມ ໄດ້​ແກ່ : ຍຳໄຂ່​ມົດ​ສົ້ມ, ກ້ອຍໄຂ່​ມົດ​ສົ້ມ, ຕົ້ມ​ຍຳ​ປາ​ຄໍ່​ໃສ່ໄຂ່​ມົດ​ສົ້ມ, ແກງ​ຜັກ​ຂີ້​ເຫລັກ​ໃສ່ໄຂ່​ມົດ​ສົ້ມ, ຈືນ​ໄຂ່​ຍັດ​ໄສ້ໄຂ່​ມົດ​ສົ້ມ ເປັນ​ຕົ້ນ.
  2. ໄຂ່​ມົດ​ສົ້ມໃຊ້​ເປັນ​ສະ​ໝຸນ​ໄພ​ປິ່ນ​ປົວ​ພະ​ຍາດ​ໄດ້​ ຄື :
  • ໃຊ້​ສືບ​ດົມ ແກ້​ອາ​ການ​ວິນ​ວຽນ, ໜ້າ​ມືດ​ເປັນ​ວິນ, ຕາ​ລາຍ ໂດຍ​ເອົາ​ມົດ​ສົ້ມ​ມາ​ຍ່ອງ​ແລ້ວ​ສືບ​ດົມ.
  • ແກ້​ອາ​ການ​ຖອກ​ທ້ອງ ໂດຍ​ເອົາ​ຊີ້ນ​ໄກ່​ບ້ານ​ມາ​ແຍ່​ເຂົ້າ​ໄປ​ໃນ​ຮັງ​ມົດ​ສົ້ມ ເມື່ອ​ມົດ​ສົ້ມ​ກັດ​ຊີ້ນ​ໄກ່​ໄດ້​ປະ​ລິ​ມານ​ຫລາຍ ຈຶ່ງ​ດຶງ​ອອກ​ມາ​ແລ້ວ​ໃຊ້​ມື​ຍ່ອງ ເອົາ​ໄປ​ປີ້ງ​ໃຫ້​ສຸກ ກິນ​ໃນ​ຂະ​ນະ​ທີ່​ຍັງ​ອຸ່ນໆ ອາ​ການ​ຖອກ​ທ້ອງ​ຈະ​ຫລຸດ​ຜ່ອນ​ລົງ ແລະ ເຊົາ​ໄດ້.
  • ແກ້​ອາ​ການ​ຍື່ງ​ທ້ອງ ແລະ ຖ່າຍ​ຍາກ ໂດຍ​ເອົາ​ມົດ​ສົ້ມ​ມາ​ຕົ້ມ​ໃສ່​ນ້ຳ ໃຫ້​ໄດ້​ນ້ຳ 1 – 2 ຖ້ວຍ​ນ້ອຍ ເມື່​ອ​ຟົດ​ແລ້ວ​ປົງ​ໝໍ້​ລົງ, ປຸງ​ແຕ່ງ​ລົດ​ຊາດ​ໂດຍ​ໃຊ້​ເກືອ​ພໍ​ສົມ​ຄວນ, ກອງ​ເອົາ​ແຕ່​ນ້ຳ​ໂດຍ​ໃຊ້​ຜ້າ​ຂາວ​ບາງ ແລ້ວ​ດື່ມ​ນ້ຳ​ທັນ​ທີ.
  • ໃຊ້​ລົບ​ຮອຍ​ຂີ້​ແມງວັນ ຫລື ໄຝ ໂດ​ຍ​ຈັບ​ເອົາ​ໂຕ​ມົດ​ສົ້ມ​ມາ​ກັດ​ບ່ອນ​ຂີ້​ແມງວັນ ຫລື ໄຝ ໃຫ້​ມັນ​ຍ່ຽວ​ໃສ່ ຖ້າ​ຂີ້​ແມງວັນ ຫລື ໄຝ​ເມັດ​ໃຫຍ່​ໃຫ້​ກັດ​ຫລາຍ​ໂຕ​ພ້ອມ​ກັນ ໂດຍ​ລິດ​ຂອງ​ນ້ຳ​ກົດ ຂີ້​ແມງວັນ ຫລື ໄຝ​ຂອງ​ທ່ານ​ຈະ​ໃຄ່​ບ​ວມ ແລະ ເປື່ອຍ ລະ​ລາຍ​ເອົາ​ຂີ້​ແມງວັນ ແລະ ໄຝ​ສີ​ດຳ​ໄຫລ​ອອກ​ມາ ເມື່ອ​ບາດ​ແຜ​ເຊົ​າ​ຈະ​ບໍ່​ປະ​ກົດ​ຂີ້​ແມງວັນ ແລະ ໄຝ​ອີກ ມີ​ພຽງ​ຮອຍ​ແປ້ວ​ເລັກ​ນ້ອຍ​ເທົ່າ​ນັ້ນ.
  • ໃຊ້​ແກ້​ອາ​ການ​ເປັນ​ວິນ​ໜ້າ​ມືດ ໂດຍ​ເອົາ​ຮັງ​ມົດ​ສົ້ມ​ຮ້​າງ​ທີ່​ເກີດ​ຈາກ​ຕົ້ນ​ຄູນ​ມາ​ໃສ່​ໝໍ້​ໜຶ້ງ ຕົ້ມ​ໃຫ້​ຟົດ ແລ້ວ​ໃຊ້​ຜ້າ​ຄຸມ​ຫົວ​ຮົມ​ເອົາ​ອາຍ​ນ້ຳ​ຮ້ອນ​ຈາກ​ຮັງ​ມົດ​ສົ້ມ, ສືບ​ດົມ​ອາຍ​ນ້ຳ​ຮ້ອນນີ້​ເປັນ​ປະ​ຈຳ ຈະ​ຊ່ວຍ​ໃຫ້​ອາ​ການ​ເປັນ​ວິນ​ໜ້າ​ມືດ​ຫາຍ​ໄປ ແລະ ເຊົາ​ໄດ້​ໃນ​ທີ່​ສຸດ.

- 011802 2021 300x225 - ຄຸນ​ຄ່າ​ທາງ​ສາ​ນ​ອາ​ຫານ​ຂອງ​ໄຂ່​ມົດ​ສົ້ມ

- Wave100S AD to Website 2020 0 - ຄຸນ​ຄ່າ​ທາງ​ສາ​ນ​ອາ​ຫານ​ຂອງ​ໄຂ່​ມົດ​ສົ້ມ
  1. ໃຊ້​ກຳ​ຈັດ​ສັດ​ຕູ​ພືດຕົ້ນ​ໄມ້​ຕ່າງໆ, ພືດ​ຜັກ ເຊັ່ນ : ໝາກບວບ, ໝາກ​ຖົ່ວ, ໝາກ​ແຕງ ຫາກ​ມີ​ມົດ​ສົ້ມ​ອາ​ໄສ​ຢູ່​ຈະ​ປາ​ສະ​ຈາກບົ້ງ, ແມ​ງ​ໄມ້, ເພ້ຍ​ລົບ​ກວນ ເພາະ​ມົດ​ສົ້ມ​ຈະ​ຈັດ​ການ​ເອົາ​ໄປ​ເປັນ​ອາ​ຫານ​ຈົນ​ໝົດ​ກ້ຽງ. ຕົ້ນ​ໝາກ​ມ່ວງ​ທີ່​ມີ​ບັນ​ຫາ​ເພ້ຍ​ຈັກ​ຈັ່ນ, ເພ້ຍ​ແປ້ງ​ໃນ​ຕົ້ນ​ໝາກ​ຂາມ ຫາກ​ເອົາ​ມົດ​ສົ້ມ​ໄປ​ລ້ຽງ​ໄວ້​ຈະ​ໝົດ​ບັນ​ຫານີ້ ເຮັດ​ໃຫ້​ໄດ້​ຜົນ​ຜະ​ລິດ​ເພີ່ມ​ຂຶ້ນ, ຫລຸດ​ຕົ້ນ​ທຶນ​ການ​ກຳ​ຈັດ​ສັ​ດ​ຕູ​ພືດ ແລະ ປອດ​ສານ​ພິດ​ນຳ​ອີກ.
  2. ໃຫ້​ຄວາມ​ເພີດ​ເພີນ : ຜູ້​ທີ່​ລ້ຽງ​ມົດ​ສົ້ມ​ຈະ​ມີ​ຄວາມ​ເພີດ​ເພີນ, ບໍ່​ເຄັ່ງ​ຄຽດ ເພາະ​ມົດ​ສົ້ມ​ຈະ​ຊ່ວຍ​ໃຫ້​ຜ່ອນ​ຄາຍ​ຈາກ​ການ​ເຝົ້າ​ເບິ່ງ​ພຶດ​ຕິ​ກຳ​ການ​ດຳ​ລົງ​ຊີ​ວິດ​ຂອງ​ພວກ​ມັນ ເຊິ່ງ​ຜູ້​ທີ່​ລ້ຽງ​ມົດ​ສົ້ມ​ທຸກ​ຄົນ​ຈະ​ສຳ​ຜັດ​ໄດ້. ນອກ​ຈາກນີ້, ການ​ລ້ຽງ​ມົດ​ສົ້ມ​ເພື່ອ​ເອົາ​ໄປ​ຂາຍ​ກໍ​ເປັນ​ການ​ສ້າ​ງ​ລາຍ​ຮັບ​ໄດ້​ອີກ​ທາງ​ໜຶ່ງ ເພາະ​ລາ​ຄາ​ມົດ​ສົ້ມ​ຕາມ​ທ້ອງ​ຕະ​ຫລາດ​ກໍ​ຖື​ວ່າ​ອ່າວ​ສູງ.
- WhatsApp Image 2020 05 27 at 5 - ຄຸນ​ຄ່າ​ທາງ​ສາ​ນ​ອາ​ຫານ​ຂອງ​ໄຂ່​ມົດ​ສົ້ມ
- WhatsApp Image 2020 05 27 at 5 - ຄຸນ​ຄ່າ​ທາງ​ສາ​ນ​ອາ​ຫານ​ຂອງ​ໄຂ່​ມົດ​ສົ້ມ
No comments yet! You be the first to comment.

Leave a Reply

Your email address will not be published.

This site uses Akismet to reduce spam. Learn how your comment data is processed.

error: Alert: ເນື້ອຫາຂ່າວມີລິຂະສິດ !!