9 ວິ​ທີ​ເອົາ​ໂຕ​ລອ​ດ​ຈາກ​ພິດ​ງູ

- 101802 2021 - 9 ວິ​ທີ​ເອົາ​ໂຕ​ລອ​ດ​ຈາກ​ພິດ​ງູ
- Untitled design - 9 ວິ​ທີ​ເອົາ​ໂຕ​ລອ​ດ​ຈາກ​ພິດ​ງູ

ມື້ນີ້​ພວກ​ເຮົາ​ຈະ​ມາ​ແນະ​ນຳ​ວ​ທີ​ການ​ເອົາ​ໂຕ​ລອດ​ເມື່ອ​ໂຊກ​ຮ້າ​ຍ​ຖືກ​ງູ​ຕອດ​ມາ​ໃຫ້​ອ່ານ.

ເມື່ອ​ຖືກ​ງູ​ຕອດ ວິ​ທີ​ກາ​ນ​ສັງ​ເກດ​ວ່​າ​ງູ​ນັ້ນ​ມີ​ພິດ​ຫລືບໍ່ ໃຫ້​ສັງ​ເກ​ດ​ຢູ່​ຮອຍ​ແຂ້ວ ຖ້າ​ງູບໍ່​ມີ​ພິດ ຮອຍ​ແຂ້ວ​ເທິງ​ຜິວ​ໜັງ​ຈະ​ລຽງ​ກັນ​ເປັນ​ແຖວ, ແຕ່​ຖ້າ​ເປັນ​ງູ​ພິດ ຈະ​ມີ​ຮອຍ​ແຂ້ວ 2 ຈຸດ​ຈະ​ແຈ້ງ ຫລື ມີ​ເລືອດ​ອອກ​ຈາກ​ບາດ​ແຜ ແລະ ບໍ​ລິ​ເວນ​ອ້ອມໆ​ຮອຍ​ແຂ້ວ​ມີ​ສີ​ຄ້ຳ​ ຫລື ສີກ່ຳ ຫລື ອາດ​ຈະ​ໃຄ່​ຂຶ້ນ​ເປັນ​ຖົງ​ນ້ຳ.

ທັງ​ນີ້ ບໍ່​ວ່າ​ຈະ​ເປັນ​ງູດ​ປະ​ເພດ​ໃດ​ກໍ​ຕາມ ສິ່ງ​ທຳ​ອິດ​ແມ່ນ​ຕັ້ງ​ສະ​ຕິ​ໃຫ້​ດີ, ຢ່າ​ຕົກ​ໃຈ, ພະ​ຍາ​ຍາມ​ເຄື່ອນ​ໄຫວ​ຮ່າງ​ກາຍ​ໃຫ້​ໜ້ອຍ​ທີ່​ສຸດ ເພາະ​ຈະ​ສົ່ງ​ຜົນ​ໃຫ້​ຫົວ​ໃຈ​ເຕັ້ນ​ໄວ​ກ່​ວາ​ປົກ​ກະ​ຕິ ເປັນ​ຜົນ​ໃຫ້​ພິດ​ງູ​ຖືກ​ຟອກ​ແລ່ນ​ເຂົ້າ​ສູ່​ຫົວ​ໃຈ​ໄດ້​ໄວ​ຂຶ້ນ ເຊິ່ງ​ອາ​ການ​ຂອງ​ພິດ​ງູ​ຈະ​ເລີ່ມ​ແຜ່​ລາມ​ຕັ້ງ​ແຕ່ 15 – 30 ນາ​ທີ ຫລື ອາດ​ດົນ​ເຖິງ 9 ຊົ່ວ​ໂມງ ຈຶ່ງ​ຕ້ອງ​ເຝົ້າ​ສັງ​ເກດ​ອາ​ການ​ຢ່າງ​ຕໍ່​ເນື່ອງ ຈາກນັ້ນ​ຈຶ່ງ​ປະ​ຖົມ​ພະ​ຍາ​ບານ​ເບື້ອງ​ຕົ້ນ :

- 081802 2021 300x200 - 9 ວິ​ທີ​ເອົາ​ໂຕ​ລອ​ດ​ຈາກ​ພິດ​ງູ

- Wave100S AD to Website 2020 0 - 9 ວິ​ທີ​ເອົາ​ໂຕ​ລອ​ດ​ຈາກ​ພິດ​ງູ
  1. ​ລ້າງ​ບາດ​ແຜ​ໂດຍ​ນ້ຳ​ສະ​ອາດ ແລະ ສະ​ບູ, ບໍ່​ຄວນ​ໃຊ້​ເຫລົ້າ, ຢາ​ຖູ​ແຂ້ວ, ຂີ້​ເຖົ່າ ຫລື ສະ​ໝຸນ​ໄພ​ໃດໆທາ​ບາດ​ແຜ​ເດັດ​ຂາດ.
  2. ບີບ​ເລືອດ​ອອກ​ຈາກ​ບາດ​ແຜ​ໃຫ້​ຫລາຍ​ທີ່​ສຸດ​ເທົ່າ​ທີ່​ຈະ​ເຮັດ​ໄດ້ ບໍ່​ຄວນ​ໃຊ້​ປາກ​ດູດ ຫລື ເປີດ​ປາກ​ບາດ​ແຜ​ດ້ວຍ​ຂອງ​ມີ​ຄົມ.
  3. ການ​ຮັດ​ເພື່ອ​ໃຫ້​ອະ​ໄວ​ຍະ​ວະ​ນັ້ນ​ຢູ່​ນິ້ງ ບໍ່​ແມ່ນ​ເປັນ​ການ​ຫ້າມ​ພິດ​ເຂົ້າ​ສູ່​ຫົວ​ໃຈ​ຕາມ​ທີ່​ຄົນ​ສ່ວນ​ຫລາຍ​ເຂົ້າ​ໃຈ ເພາະ​ມັນບໍ່​ຖືກ​ຕ້ອງ ໂດຍ​ການ​ຮັດ​ເໜືອ ແລະ ໃຕ້​ບາດ​ແຜ ປະ​ມານ 3 ນິ້ວ​ມື, ບໍ່​ຄວນ​ຮັດ​ເໜືອ​ບາດ​ແຜ​ໃຫ້​ແໜ້ນ​ຫລາຍ ເພາະ​ຈະ​ເຮັດ​ໃຫ້​ອະ​ໄວ​ຍະ​ວະ​ພາກ​ສ່ວນ​ປາຍ​ຂາດ​ເລືອດ ແລະ ເນົ່າ​ຕາຍ, ຄາຍ​ຄວາມ​ແໜ້ນ​ພໍ​ສອດນິ້ວ​ມື​ໄດ້ 1 ນິ້ວ.
  4. ໃຊ້​ຜ້າ​ສະ​ອາດ​ຫ້າມ​ເລືອດ​ໂດຍ​ກາ​ນ​ກົດ​ບາດ​ແຜ​ໂດຍ​ກົງ ຖ້າ​ສາ​ມາດ​ໃຊ້​ອານ​ກໍ​ຮໍ ຫລື ເບ​ຕາ​ດີນ​ທາ​ບາດ​ແຜ​ໄດ້​ຈະ​ເປັນ​ຜົນ​ດີ​ຕໍ່​ການ​ທຳ​ລາຍ​ເຊື້ອ​ພະ​ຍາດ​ຕ່າງໆ.
  5. ພະ​ຍາ​ຍາມ​ເຄື່ອນ​ໄຫວ​ຮ່າງ​ກາຍ​ໃຫ້​ໜ້ອຍ​ທີ່​ສຸດ ເພາະ​ຫາກ​ເຄື່ອນ​ໄຫວ​ຫລາຍ​ຈະ​ເຮັດ​ໃຫ້​ພິດ​ຂອງ​ງູ​ເຂົ້າ​ສູ່​ກະ​ແສ​ເລືອດ​ໄວ​ຂຶ້ນ.
  6. ວາງ​ອະ​ໄວ​ຍະ​ວະ​ພາ​ກ​ສ່ວນນັ້ນ​ໃຫ້​ຕ່ຳ​ກ່​ວາ ຫລື ລະ​ດັບ​ດຽວ​ກັບ​ຫົວ​ໃຈ.
  7. ກິ​ນຢ​າ​ແກ້​ປວດ​ຫາກ​ຮູ້​ສຶກ​ປວດ, ແຕ່​ຫ້າມ​ໃຊ້​ຢາ​ທີ່​ມີ​ລິດ​ອານ​ກໍ​ຮໍ, ຢາ​ລະ​ງັບ​ປະ​ສາດ, ຢາ​ນອນ​ຫລັບ, ຢາ​ດອງ​ເຫລົ້າ ເປັນ​ຕົ້ນ.
  8. ຮີບ​ນຳ​ໂຕ​ຄົນ​ເຈັບ​ສົ່ງ​ໂຮງ​ໝໍ ຫລື ສຸກ​ສາ​ລາ​ໃກ້​ເຮືອນ ບໍ່​ຈຳ​ເປັນ​ຕ້ອງ​ເອົາ​ຊາກ​ງູ​ໄປ​ໃຫ້​ທ່ານ​ໝໍ​ກວດ​ເບິ່ງວ່າ​ເປັນ​ງູ​ປະ​ເພດ​ໃດ ເນື່ອງ​ຈາກ​ອາດ​ຈັບ​ໄດ້​ໃນ​ບໍ​ລິ​ເວນ​ໃກ້​ຄຽງ ເຊິ່ງບໍ່​ແມ່ນ​ໂຕ​ທີ່​ກັດ. ປັດ​ຈຸ​ບັນ​ໃຊ້​ກນ​ເບິ່ງ​ຮອຍ​ກັດ ແລະ ລັກ​ສະ​ນະ​ບາດ​ແຜ ເພື່ອ​ກຳ​ນົດ​ການ​ໃຊ້​ຢາ​ຕ້ານ​ພິດ​ງູ​ສັກ​ໃຫ້​ເໝາະ​ສົມ.
  9. ໃຫ້​ລະ​ນຶກ​ສະ​ເໝີ​ວ່າ​ງູ​ທີ່​ກັດ​ທຸກ​ໂຕ​ເປັນ​ງູ​ມີ​ພິດ.

ເຊິ່ງ​ຖ້າ​ເຮົາ​ຮຽນ​ຮູ້​ວິ​ທີ​ເອົາ​ໂຕ​ລອດ​ໄວ້ ກໍ​ຈະ​ມີ​ຜົນ​ດີ​ກັບ​ໂຕ​ເຮົາ ແລະ ຄົນ​ອື່ນໆ​ນຳ​ຄື​ກັນ ແລະ ຍັງ​ສາ​ມາດ​ເອົາ​ຄວາມ​ຮູ້ນີ້ບອກ​ຕໍ່ໆ​ກັນ​ໄປ​ເພື່ອ​ເປັນ​ຄວາມ​ຮູ້​ກັບ​ຄົນ​ອື່ນໆ​ໄດ້​ນຳ.

- WhatsApp Image 2020 05 27 at 5 - 9 ວິ​ທີ​ເອົາ​ໂຕ​ລອ​ດ​ຈາກ​ພິດ​ງູ
- WhatsApp Image 2020 05 27 at 5 - 9 ວິ​ທີ​ເອົາ​ໂຕ​ລອ​ດ​ຈາກ​ພິດ​ງູ
No comments yet! You be the first to comment.

Leave a Reply

Your email address will not be published.

This site uses Akismet to reduce spam. Learn how your comment data is processed.

error: Alert: ເນື້ອຫາຂ່າວມີລິຂະສິດ !!