5 ປີຜ່ານມາ ເສດຖະກິດແຂວງຫລວງນໍ້າທາ ຂະຫຍາຍຕົວສະເລ່ຍ 8,56% ຕໍ່ປີ

- 169525399 2774368872873656 164960631032277570 n - 5 ປີຜ່ານມາ ເສດຖະກິດແຂວງຫລວງນໍ້າທາ ຂະຫຍາຍຕົວສະເລ່ຍ 8,56% ຕໍ່ປີ
- Untitled design - 5 ປີຜ່ານມາ ເສດຖະກິດແຂວງຫລວງນໍ້າທາ ຂະຫຍາຍຕົວສະເລ່ຍ 8,56% ຕໍ່ປີ

ໄລຍະ 5 ປີ (2016-2020 ) ຜ່ານມາ ເສດຖະກິດແຂວງຫລວງນໍ້າທາຂະຫຍາຍຕົວຢ່າງຕໍ່ເນື່ອງ ແລະ ຖືກທິດ ໃນລະດັບສະເລ່ຍ 8,56% ຕໍ່ປີ, ທຽບໃສ່ແຜນການທີ່ວາງໄວ້ປະຕິບັດໄດ້ 90,11% ລວມຍອດຜະລິດຕະພັນພາຍໃນ ຫລື GDP ບັນລຸ 3.114,42 ຕື້ກີບ, ທຽບໃສ່ 5 ປີກ່ອນເພີ່ມຂຶ້ນ 958,2 ຕື້ກີບ, ສະເລ່ຍລາຍຮັບຕໍ່ຫົວຄົນໄດ້ 1.897,51 ໂດລາສະຫະລັດ, ທຽບໃສ່ປີ 2015 ເພີ່ມຂຶ້ນ 403,51 ໂດລາສະຫະລັດ, ໃນນີ້ຂົງເຂດກະສິກຳ-ປ່າໄມ້ຂະຫຍາຍຕົວໃນລະດັບ 8,84% ກວມເອົາ 49,95%, ຂົງເຂດອຸດສາຫະກຳ 7,87% ກວມເອົາ 20,38% ແລະ ຂົງເຂດບໍລິການ 3,10% ກວມເອົາ 28,15% ຂອງ GDP.

- 169848260 2774368876206989 1130778347761755648 n 300x251 - 5 ປີຜ່ານມາ ເສດຖະກິດແຂວງຫລວງນໍ້າທາ ຂະຫຍາຍຕົວສະເລ່ຍ 8,56% ຕໍ່ປີ

ທ່ານ ຄໍາໄຫລ ສີປະເສີດ ເຈົ້າແຂວງຫລວງນໍ້າທາ ໃຫ້ຮູ້ວ່າ: 5 ປີຜ່ານມາ ເສດຖະກິດ-ສັງຄົມຂອງແຂວງຫລວງນໍ້າທາ ໄດ້ຮັບການພັດທະນາຢ່າງຕໍ່ເນື່ອງ ແລະ ມີຫລາຍດ້ານພົ້ນເດັ່ນ, ໃນນີ້ ສາມາດລະດົມທຶນໄດ້ 236 ໂຄງການ, ມີ 2.005 ຫົວໜ່ວຍ ມູນຄ່າ 7.306,61 ຕື້ກີບ ກວມ 55% ຂອງ GDP ລື່ນແຜນການທີ່ວາງໄວ້ 20%, ທຽບໃສ່ 5 ປີກ່ອນ ເພີ່ມຂຶ້ນ 81%, ການເກັບລາຍຮັບບັນລຸ 2.113,38 ຕື້ກີບ, ການແກ້ໄຂຄວາມທຸກຍາກ ຖ້າປະເມີນຕາມດໍາລັດ 348/ລບ ທົ່ວແຂວງຍັງເຫລືອບ້ານທຸກຍາກ 143 ບ້ານ ເທົ່າກັບ 39,5%, ຄອບຄົວທຸກຍາກ 9.965 ຄອບຄົວ ເທົ່າກັບ 24,42%, ເມືອງທຸກຍາກ 4 ເມືອງ, ບ້ານພັດທະນາ 4 ບ້ານ, ຄອບຄົວພັດທະນາ 22.457 ຄອບຄົວ ກວມເອົາ 55,05%, ບ້ານໄດ້ໃຊ້ໄຟຟ້າ 299 ບ້ານ ເທົ່າກັບ 83,51% ແລະ ຄົວເຮືອນໄດ້ໃຊ້ໄຟຟ້າກວມເອົາ 89,95%, ສ່ວນອັດຕາການປົກຄຸມຂອງຕາໜ່າງເສັ້ນທາງກວມເອົາ 100% (ທຽວໄດ້ຕະຫລອດປີກວມ 64,7%) ມີນັກທ່ອງທ່ຽວເຂົ້າຜ່ານແດນ ແລະ ທ່ອງທ່ຽວຢູ່ແຂວງຫລວງນໍ້າທາ 3,29 ລ້ານຄົນ, ສາມາດສ້າງລາຍຮັບທາງກົງ-ທາງອ້ອມໄດ້ 136,29 ລ້ານໂດລາສະຫະລັດ ແລະ ອື່ນໆ.

ເຈົ້າແຂວງຫລວງນໍ້າທາ ໃຫ້ຮູ້ຕື່ມວ່າ: ຄຽງຄູ່ກັບຜົນສໍາເລັດທີ່ປະຕິບັດໄດ້ ການພັດທະນາເສດຖະກິດ-ສັງຄົມຢູ່ແຂວງຫລວງນໍ້າທາຍັງມີບາງຂໍ້ຄົງຄ້າງທີ່ຕ້ອງໄດ້ສືບຕໍ່ແກ້ໄຂໃຫ້ດີຂຶ້ນ ເປັນຕົ້ນ ພື້ນຖານໂຄງລ່າງບໍ່ທັນຕອບສະໜອງໄດ້ກັບຄວາມຕ້ອງການຂອງການພັດທະນາ: ລາຍຮັບບໍ່ໝັ້ນທ່ຽງ, ການລົງທຶນເອກະຊົນພາຍໃນ ແລະ ຕ່າງປະເທດຄຸນນະພາບບໍ່ສູງ, ການຜະລິດບໍ່ເຂັ້ມແຂງ ແລະ ບໍ່ມີຈຸດສຸມ ແລະ ອື່ນໆ.

- Wave100S AD to Website 2020 0 - 5 ປີຜ່ານມາ ເສດຖະກິດແຂວງຫລວງນໍ້າທາ ຂະຫຍາຍຕົວສະເລ່ຍ 8,56% ຕໍ່ປີ
- WhatsApp Image 2020 05 27 at 5 - 5 ປີຜ່ານມາ ເສດຖະກິດແຂວງຫລວງນໍ້າທາ ຂະຫຍາຍຕົວສະເລ່ຍ 8,56% ຕໍ່ປີ
- WhatsApp Image 2020 05 27 at 5 - 5 ປີຜ່ານມາ ເສດຖະກິດແຂວງຫລວງນໍ້າທາ ຂະຫຍາຍຕົວສະເລ່ຍ 8,56% ຕໍ່ປີ
No comments yet! You be the first to comment.

Leave a Reply

Your email address will not be published.

This site uses Akismet to reduce spam. Learn how your comment data is processed.

error: Alert: ເນື້ອຫາຂ່າວມີລິຂະສິດ !!