ປະເທດເອີຣົບຈຳກັດການໃຊ້ ວັກຊີນແອສຕຣາເຊນເນກາ

- 000 8ZQ66F 728x485 1 - ປະເທດເອີຣົບຈຳກັດການໃຊ້ ວັກຊີນແອສຕຣາເຊນເນກາ
- Untitled design - ປະເທດເອີຣົບຈຳກັດການໃຊ້ ວັກຊີນແອສຕຣາເຊນເນກາ

ຫລາຍ​ປະ​ເທດ​ໃນ​ເອີຣົບອອກ​ຂໍ້​ຈຳກັດ​ການ​ນຳ​ໃຊ້ວັກ​ຊີ​ນ​ແອ​ສຕຣາ​ເຊ​ນ​ເນ​ກາ ກັງວົນ​ຜົນ​ຂ້າງຄຽງ ຫລັງ EMA ຢືນຢັນ​ມີ​ສ່ວນ​ເຮັດ​​ໃຫ້​ເກີດ​ຫລອດ​ເລືອດ​ອຸດ​ຕັນ.

ວັນ​ທີ 8 ​ເມສາ 2021, ປະ​ເທດ​ຕ່າງໆ​ໃນ​ເອີຣົບສະ​ແດງ​ຄວາມ​ກັງວົນ ຫລັງ​ຈາກ​ອົງການ​ຢາ​ແຫ່ງ​ສະຫະພາບ​ເອີຣົບ (EMA) ​ໄດ້​ອອກ​ມາ​ເປີດ​ເຜີຍ​ວ່າ: ມີ​ຄວາມ​ເປັນ​ໄປ​ໄດ້​ທີ່​ວັກ​ຊີ​ນປ້ອງ​ກັນ​ພະຍາດ​ໂຄ​ວິດ-19 ​ເຊິ່ງພັດທະນາ​ໂດຍ​ບໍລິສັດ​ແອ​ສຕຣາ​ເຊ​ນ​ເນ​ກາ ​ແລະ ມະຫາວິທະຍາ​ໄລ​ອອກ​ຟອດ ມີ​ສ່ວນ​ເຮັດ​ໃຫ້​ເກີດ​ອາການ​ຫລອດ​ເລືອດ​ອຸດ​ຕັນ ​ໂດຍ​ຫລາຍ​ປະ​ເທດ​ໄດ້​ອອກ​ຂໍ້​ຈຳກັດ​ໃຫ້​ໃຊ້​ວັກ​ຊີ​ນດັ່ງກ່າວ​ສຳລັບ​ປະຊາຊົນ​ໃນ​ຊ່ວງ​ອາຍຸ​ທີ່​ກຳນົດ​ໄວ້​ເທົ່າ​ນັ້ນ.

ພາຍຫລັງ​ການ​ເປີດ​ເຜີຍ​ຂອງ EMA ໜ່ວຍ​ງານ​ທີ່​ປຶກສາ​ດ້ານ​ວັກ​ຊີ​ນຂອງ​ອັງກິດ ​ໄດ້​ອອກ​ມາ​ແນະນຳ​ໃຫ້​ຜູ້​ທີ່​ມີ​ອາຍຸ​ຕໍ່າ​ກວ່າ 30 ປີ ຫລີກ​ລ່ຽງ​ໄປ​ໃຊ້​ວັກ​ຊີ​ນຊະນິດ​ອື່ນ. ຂະນະ​ດຽວ​ກັນ ຝຣັ່ງ ​ແລະ ​ເບ​ລຢ້ຽມ ​ໄດ້​ມີ​ການ​ກຳນົດ​ໃຫ້​ສັກ​ວັກ​ຊີ​ນຂອງ​ແອ​ສຕຣາ​ເຊ​ນ​ເນ​ກາ​ໃຫ້​ຜູ້​ທີ່​ມີ​ອາຍຸ 55 ປີ​ຂຶ້ນ​ໄປ.

ສ່ວນ​ປະ​ເທດ​ອື່ນໆ​ເຊັ່ນ: ອິຕາ​ລີ, ​ເຢຍລະ​ມັນ, ສະ​ເປ​ນ, ​ເອສ​ໂຕ​ເນຍ ​ແລະ ​ເນ​ເທີ​ແລນ ມີ​ການ​ກຳນົດ​ໃຫ້​ຜູ້​ທີ່​ໄດ້​ຮັບ​ວັກ​ຊີ​ນ​ແອ​ສຕຣາ​ເຊ​ນ​ເນ​ກາ​ຈະ​ຕ້ອງ​ມີ​ອາຍຸ​ຫລາຍ​ກວ່າ 60 ປີ​ຂຶ້ນ​ໄປ.

ສ່ວນ​ສະ​ວີ​ເດັນຈະ​ສັກ​ວັກ​ຊີ​ນດັ່ງກ່າວ​ໃຫ້​ຜູ້​ທີ່​ມີ​ອາຍຸ 65 ປີ​ຂຶ້ນ​ໄປ ​ແລະ ​ໄອ​ແລນ​ໄດ້​ກຳນົດ​ອາຍຸ​ຂອງ​ຜູ້​ທີ່​ຈະ​ໄດ້​ຮັບ​ການ​ສັກ​ວັກ​ຊີ​ນຂອງ​ແອ​ສຕຣາ​ເຊ​ນ​ເນ​ກາ​ໄວ້​ວ່າ​ຈະ​ຕ້ອງ​ບໍ່​ຕໍ່າ​ກວ່າ 70 ປີ.

- Wave100S AD to Website 2020 0 - ປະເທດເອີຣົບຈຳກັດການໃຊ້ ວັກຊີນແອສຕຣາເຊນເນກາ

ຂະນະ​ທີ່​ເດນ​ມາກ ​ແລະ ນໍ​ເວ​ຍັງ​ຢຸດ​ການ​ສັກ​ວັກ​ຊີ​ນຂອງ​ແອ​ສຕຣາ​ເຊ​ນ​ເນ​ກາ​ໄວ້​ຊົ່ວຄາວ.

​ເຖິງ​ຢ່າງ​ໃດ​ກໍ​ຕາມ, EMA ຍັງ​ຢືນຢັນ​ວ່າ: ການ​ສັກ​ວັກ​ຊີ​ນປ້ອງ​ກັນ​ໂຄ​ວິດ-19 ຂອງ​ແອ​ສຕຣາ​ເຊ​ນ​ເນ​ການັ້ນມີ​ປະ​ໂຫຍ​ດຫລາຍ​ກວ່າ​ຄວາມ​ສ່ຽງ​ຈາກ​ອາການ​ຂ້າງຄຽງ​ບໍ່​ເພິ່ງ​ປະສົງ​ທີ່​ອາດ​ຈະ​ເກີດ​ຂຶ້ນ.

- WhatsApp Image 2020 05 27 at 5 - ປະເທດເອີຣົບຈຳກັດການໃຊ້ ວັກຊີນແອສຕຣາເຊນເນກາ
- WhatsApp Image 2020 05 27 at 5 - ປະເທດເອີຣົບຈຳກັດການໃຊ້ ວັກຊີນແອສຕຣາເຊນເນກາ
No comments yet! You be the first to comment.

Leave a Reply

Your email address will not be published.

This site uses Akismet to reduce spam. Learn how your comment data is processed.

error: Alert: ເນື້ອຫາຂ່າວມີລິຂະສິດ !!