ການນໍາພັກ-ລັດຮ່ວມປ່ອຍປາໃນໂອກາດວັນປ່ອຍປາ ແລະ ອະນຸລັກສັດນໍ້າ-ສັດປ່າແຫ່ງຊາດ

- advert banner 728 90 728x90 - ການນໍາພັກ-ລັດຮ່ວມປ່ອຍປາໃນໂອກາດວັນປ່ອຍປາ ແລະ ອະນຸລັກສັດນໍ້າ-ສັດປ່າແຫ່ງຊາດ

ໃນວັນທີ 13 ກໍລະກົດນີ້, ການນໍາຂັ້ນສູງພັກ-ລັດນໍາໂດຍທ່ານປະ ທານປະເທດ ບຸນຍັງ ວໍລະຈິດ, ໄດ້ໃຫ້ກຽດເຂົ້າຮ່ວມພິທີປ່ອຍປາລົງສາຍນໍ້າງື່ມຈຸດຂົວທ່າງ່ອນ, ເມືອງໄຊທານີ, ນະຄອນຫລວງວຽງຈັນ, ເນື່ອງໃນໂອກາດສະເຫລີມສະຫລອງວັນອານຸລັກສັດນໍ້າ ແລະ ສັດປ່າແຫ່ງຊາດ 13 ກໍລະກົດ ແລະ ໃນມື້ດຽວກັນທ່ານນາຍົກລັດຖະມົນຕີ ທອງລຸນ ສີສຸລິດ ກໍໄດ້ໃຫ້ກຽດເຂົ້າຮ່ວມປ່ອຍປາລົງສູ່ແມ່ ນໍ້າຂອງຢູ່ຈຸດທ່າເຮືອຫລັກ 4 ເມືອງສີສັດຕະນາກ, ນະຄອນຫລວງວຽງຈັນ, ນອກຈາກນີ້ຢູ່ຫລາຍທ້ອງຖິ່ນກໍໄດ້ຈັດພິທີປ່ອຍປາລົງສູ່ ແຫລ່ງນໍ້າທໍາມະຊາດເຊັ່ນດຽວເພື່ອສະຫລອງວັນດັ່ງກ່າວໃຫ້ເປັນຂະບວນຟົດຟືນ, ໂດຍປີນີ້ລັດຖະບານ ກໍຄືກະຊວງກະສິກໍາ-ປ່າໄມ້ຕັ້ງເປົ້າປ່ອຍປາລົງສູ່ແຫລ່ງນໍ້າທໍາມະຊາດຕ່າງໆໃນຂອບເຂດທົ່ວປະເທດໃຫ້ໄດ້ຫລາຍກວ່າ 40 ລ້ານໂຕ.

- new3 - ການນໍາພັກ-ລັດຮ່ວມປ່ອຍປາໃນໂອກາດວັນປ່ອຍປາ ແລະ ອະນຸລັກສັດນໍ້າ-ສັດປ່າແຫ່ງຊາດ

 

- 19911728 1988101061409848 1294722371 o 1024x682 - ການນໍາພັກ-ລັດຮ່ວມປ່ອຍປາໃນໂອກາດວັນປ່ອຍປາ ແລະ ອະນຸລັກສັດນໍ້າ-ສັດປ່າແຫ່ງຊາດ

- lattana 1 - ການນໍາພັກ-ລັດຮ່ວມປ່ອຍປາໃນໂອກາດວັນປ່ອຍປາ ແລະ ອະນຸລັກສັດນໍ້າ-ສັດປ່າແຫ່ງຊາດ

ກະຊວງກະສິກໍາ-ປ່າໄມ້ ໃຫ້ຮູ້ວ່າ: ໂດຍເຫັນໄດ້ຄວາມໝາຍສຳຄັນຂອງສັດນໍ້າ ແລະ ສັດປ່າ ກໍຄືຊີວະນາໆພັນຕໍ່ການພັດທະນາເສດຖະກິດ-ສັງຄົມແຫ່ງຊາດ, ທັງປັບປຸງຊີວິດການເປັນຢູ່ ແລະ ແກ້ໄຂຄວາມທຸກຍາກຂອງປະຊາຊົນບັນດາເຜົ່າ ກໍຄືການປົກປັກຮັກສາຊີວະນາໆພັນໃຫ້ຍືນຍົງນັ້ນ, ໃນປີ 1996 ສະພາແຫ່ງຊາດໄດ້ຮັບຮອງເອົາກົດໝາຍປ່າໄມ້ ແລະ ໄດ້ກໍານົດເອົາວັນທີ 13 ກໍລະກົດຂອງທຸກໆປີເປັນວັນອະນຸລັກສັດນໍ້າ ແລະ ສັດປ່າແຫ່ງຊາດ ແລະ ປີນີ້ແມ່ນຄົບຮອບ 20 ປີພໍດີ. ນອກຈາກນີ້ໃນປີ 2007 ສະພາແຫ່ງຊາດກໍໄດ້ຮັບຮອງເອົາກົດໝາຍວ່າດ້ວຍສັດນໍ້າ ແລະ ສັດປ່າ ແລະ ກົດໝາຍວ່າດ້ວຍການປະມົງ, ເຊິ່ງເປັນນິຕິກຳພື້ນຖານໃນການຄຸ້ມຄອງ, ປົກປັກຮັກສາ, ພັດທະນາ ແລະ ນຳໃຊ້ສັດນໍ້າ ແລະ ສັດປ່າໃນລາວ, ອັນສໍາຄັນອີກດ້ານໜຶ່ງ ການກຳນົດເອົາວັນທີ 13 ກໍລະກົດເປັນວັນອະນຸລັກສັດນໍ້າ ແລະ ສັດປ່າແຫ່ງຊາດ ກໍເພື່ອເປັນການຈາລຶກຄຸນງາມຄວາມດີ ແລະ ຜົນງານອັນໃຫຍ່ຫລວງຂອງປະທານ ສຸພານຸວົງ ທີ່ໄດ້ອຸທິດໃຫ້ແກ່ພາລະກິດແຫ່ງການຕໍ່ສູ້ກູ້ຊາດ ກໍຄືການປົກປັກຮັກສາ ແລະ ສ້າງສາພັດທະນາປະເທດຊາດພວກເຮົາ ເພື່ອປູກຈິດສຳນຶກໃຫ້ອະນຸຊົນ, ເຍົາວະຊົນຂອງຊາດ ກໍຄືລູກຫລານຜູ້ເກີດໃໝ່ໃຫຍ່ລຸນ ແລະ ທົ່ວສັງຄົມໃຫ້ມີສະຕິຮັກ ແລະ ຫວງແຫນສັດນໍ້າ-ສັດປ່າ, ທັງເປັນການປຸກລະດົມທົ່ວປວງຊົນເຂົ້າຮ່ວມໃນການຄຸ້ມຄອງ, ປົກປັກຮັກສາ, ພັດທະນາ ແລະ ນຳໃຊ້ສັດນໍ້າ-ສັດປ່າ ແນໃສ່ເຮັດໃຫ້ປະຊາກອນສັດນັບມື້ມີຄວາມອຸດົມສົມບູນ ທັງເປັນການສືບສານຮີດຄອງປະເພນີໃນຊ່ວງເຂົ້າພັນສາໃຫ້ມີຄວາມໝາຍສຳຄັນຍິ່ງຂຶ້ນ.

error: Content is protected !!