ສະຫະລັດຕັດສິນໃຈຖອນກຳລັງສູ້ຮົບທີ່ຍັງເຫຼືອຢູ່ໃນ ອີຣັກ ອອກໃຫ້ໝົດ

ຂ່າວຕ່າງປະເທດ ເມື່ອວັນທີ 8 ເມສານີ້ ໃຫ້ຮູ້ວ່າ ເຈົ້າໜ້າທີ່ສະຫະລັດ ໄດ້ຕັດສິນໃຈຖອນກຳລັງສູ້ຮົບທີ່ຍັງເຫຼືອຢູ່ໃນ ອີຣັກ ອອກໃຫ້ໝົດ ເພື່ອປະຕິບັດຂໍ້ຕົກລົງຂອງສອງຝ່າຍ.

ສຳນັກຂ່າວ ອາທີ ຂັດຄຳຖະແຫຼງການຮ່ວມຂອງລັດຖະມົນຕີການຕ່າງປະເທດສະຫະລັດ Antony Blinken ແລະ ຄູ່ຮ່ວມຕຳແໜ່ງຂອງ ອີຣັກ Fuad Hussein ໃນວັນທີ 7 ເມສາວ່າ: “ກຳລັງທະຫານຂອງສະຫະລັດອາເມລິກາ ທີ່ມີໜ້າຢູ່ໃນ ອີຣັກ , ໂດຍປະຕິບັດຕາມຄຳສະເໜີຂອງລັດຖະບານສະຫະລັດປັດຈຸບັນ, ໂດຍອີງໃສ່ການຕໍ່ສູ້ຕ້ານກຳລັງກໍ່ການຮ້າຍ IS ແລະ ບົນພື້ນຖານກຳລັງຄວາມສາມາດສູ້ຮົບ ນັບມື້ເພີ່ມຂຶ້ນຂອງ ISF ສອງຝ່າຍຈຶ່ງໄດ້ຕົກລົງກັນວ່າ ໜ້າທີ່ຂອງກອງທັບສະຫະລັດ ແລະ ພັນທະມິດໃນ ອີຣັກ ໃນຂະນະນີ້ ແມ່ນຈະສຸມໃສ່ ຝຶກແອບ ແລະ ເປັນທີ່ປຶກສາເທົ່ານັ້ນ”. ເຊິ່ງໃນຂະນະນີ້ ກຳລັງທະຫານຂອງສະຫະລັດທີ່ຍັງຢູ່ໃນ ອີຣັກ ຍັງປະມານ 2.500 ນາຍ.