ກິນກຸ້ງ ໄດ້ປະໂຫຍດຫລາຍກ່ວາທີ່ທ່ານຄິດ
- ກຸ້ງເປັນແຫ່ລງໂປຣຕິນທີ່ດີຊະນິດໜຶ່ງ ເປັນອາຫານທີ່ມີໂປຣຕິນຫລາຍບໍ່ໜ້ອຍໄປກ່ວາຊີ້ນສັດປະເພດອື່ນ ໂດຍກົດອະມິໂນໃນກຸ້ງເປັນກົດອະມິໂນທີ່ຈຳເປັນຕໍ່ຮ່າງກາຍ ຫລື essential aminoacid ທີ່ຮ່າງກາຍຂາດບໍ່ໄດ້ ເນື່ອງຈາກກຸ້ງເປັນສັດນ້ຳທີ່ມີຄໍເລສເຕີໂຣນໜ້ອຍ, ໂປຣຕິນຫລາຍ ຈຶ່ງເຮັດໃຫ້ກົດອະມິໂນທີ່ໄດ້ຈາກກຸ້ງເປັນຊະນິດຍ່ອຍງ່າຍ ຮ່າງກາຍເອົາໄປໃຊ້ປະໂຫຍດໄດ້ທັນທີ ເມື່ອປຽບທຽບກັບໂປຣຕິນທີ່ໄດ້ຈາກສັດຊະນິດອື່ນ.
- ປະໂຫຍດຂອງກຸ້ງຊ່ວຍຫລຸດຄວາມຕຸ້ຍໄດ້ : ຫລາຍຄົນຄົງສົງໄສວ່າກຸ້ງມີສ່ວນຊ່ວຍໃນການຫລຸດຄວາມຕຸ້ຍໄດ້ແນວໃດ ? ຄຳຕອບກໍຄື ພາກສ່ວນເປືອກຂອງກຸ້ງຈະມີສານທີ່ເອີ້ນວ່າ ໄຄຕິນ ເຊິ່ງໃນທາງການແພດລະບຸວ່າ ໄຄຕິນ ເປັນສານທີ່ບໍ່ດູດຊຶມເຂົ້າຮ່າງກາຍ ທັງຍັງມີສ່ນຊ່ວຍໃນການເຄື່ອນໂຕຂອງກາກອາຫານໃນລຳໄສ້ ຄ້າຍຄືກັບອາຫານຈຳພວກໄຟເບີ. ດັ່ງນັ້ນ ກໍລະນີຜູ້ທີ່ຂັບຖ່າຍບໍ່ດີຫາກກິນກຸ້ງທີ່ມີຂະໜາດບໍໃຫຍ່ຫລາຍ ຈຶ່ງຄວນຫຍ້ຳໝົດເປືອກ ໂດຍນອກຈາກຈະມີສ່ວນຊ່ວຍໃນການຂັບຖ່າຍແລ້ວ ໄຄຕິນໃນເປືອກກຸ້ງຍັງມີຄວາມສາມາດໃນການຈັບຄໍເລສເຕີໂຣນ ແລະ ໄຂມັນ (ຈາກການກິນອາຫານໃນແຕ່ລະມື້) ກ່ອນທີ່ຮ່າງກາຍຈະດູດຊຶມສານອາຫານເຫລົ່ານັ້ນໄປໃຊ້ ເຊິ່ງປັດຈຸບັນ ໄຄຕິນ ຈາກເປືອກກຸ້ງໄດ້ຖືກເອົາມາເປັນສ່ວນປະສົມໃນຢາເສີມອາຫານປະເພດຫລຸດນ້ຳໜັກຢ່າງແຜ່ຫລາຍ.
- ປະໂຫຍດຂອງກຸ້ງຊ່ວຍເສີມສ້າງພັດທະນາການຂອງລູກໃນທ້ອງ : ເນື່ອງຈາກກຸ້ງເປັນສັດນ້ຳທີ່ມີສານອາຫານຫລາກຫລາຍ ບໍ່ວ່າໂປຣຕິນ, ຄໍເລສເຕີໂຣນຊະນິດດີ ລວມໄປເຖິງໂປຕັສຊຽມ ໂດຍສະເພາະໃນກຸ້ງຂາວທີ່ມີປະໂຫຍດຕໍ່ແມ່ຍິງຖືພາຫລາຍ ເພາະສານອາຫານເຫລົ່ານີ້ຈະມີສ່ວນເພີ່ມການພັດທະນາດ້ານສະໝອງ ແລະ ສະຕິປັນຍາຂອງລູກໃນທ້ອງ.
- ສານອາຫານໃນກຸ້ງຊ່ວຍຫລຸດລະດັບຄໍເລສເຕີໂຣນໃນເລືອດ ຊ່ວຍປິ່ນປົວອາຫານຫືດ, ຂໍ້ອັກເສບ ແລະ ຄວາມຈື່ຈຳເສື່ອມໄດ້.
- ກິນກຸ້ງແນວໃດໃຫ້ໄດ້ຄຸນປະໂຫຍດ ແລະ ບໍ່ເກີດໂທດຕໍ່ຮ່າງກາຍ ?
ແນວໃດກໍຕາມ, ໄລຍະຫລັງມານີ້ຈະມີການເຜີຍແຜ່ກ່ຽວກັບອັນຕະລາຍໃນການກິນກຸ້ງອອກມາໃຫ້ໄດ້ຮັບຮູ້ກັນຫລາຍ, ແຕ່ກໍບໍ່ໄດ້ເຮັດໃຫ້ປະລິມານການບໍລິໂພກຊີ້ນສັດປະເພດນີ້ຫລຸດລົງແຕ່ຢ່າງໃດ ເຖິງວ່າໃນກຸ້ງຈະມີສານອາຫານທີ່ມີປະໂຫຍດຈຳນວນຫລາຍກໍຕາມ, ແຕ່ການກິນໃນປະລິມານທີ່ຫລາຍເກີນໄປນັ້ນຍ່ອມສົ່ງຜົນຮ້າຍຫລາຍກ່ວາຜົນດີ ໂດຍສະເພາະຫາກກິນຄູ່ກັບວິຕາມິນ C ໃນທາງການແພດແລ້ວ ສັດທີ່ມີເປືອກອ່ອນ ເຊັ່ນ : ກຸ້ງ ຈະມີສານອາເຊນິກເຂັ້ມຂຸ້ນ ໂດຍສານປະເພດນີ້ຈະບໍ່ເປັນອັນຕະລາຍຕໍ່ຮ່າງກາຍຫາກບໍ່ກິນຄູ່ກັບວິຕາມິນ C ຊະນິດເມັດ ຫລື ຊະນິດສັກ ເນື່ອງຈາກຫາກກິນກຸ້ງໃນປະລິມານຫລາຍໃນໄລຍະທີ່ໄດ້ຮັບວິຕາມິນ C ຈະເຮັດໃຫ້ເກີດປະຕິກິລິຍາທາງເຄມີທີ່ປ່ຽນວິຕາມິນ C ແລະ ອາເຊນິກໃຫ້ກາຍເປັນສານໜູ ເຊິ່ງສົ່ງຜົນຕໍ່ການເຮັດວຽກໃນເສັ້ນເລືອດຝອຍ ເຮັດໃຫ້ເກີດເລືອດກ້າມໃນຫົວໃຈ, ຕັບ ແລະ ລຳໄສ້ ຈົນເຮັດໃຫ້ເສຍຊີວິດໄດ້.
- ນອກຈາກນີ້, ການກິນກຸ້ງດິບໃນຮູບແບບກຸ້ງແຊ່ນ້ຳປາ ຫລື ຮູບແບບດິບອື່ນໆກໍອາດມີການປົນເປື້ອນຂອງເຊື້ອວິບຣິໂອ ແລະ ພາຣາຮິໂມໄລຄັສ ທີ່ກິນໄປແລ້ວຈະເຮັດໃຫ້ຖອກທ້ອງຢ່າງຮຸນແຮງໃນບາງຄົນ ອາດເກີດອາການເຈັບທ້ອງ, ທ້ອງບິດຮຸນແຮງ, ເຈັບຫົວ, ປຸ້ນທ້ອງປວດຮາກ ຫລື ມີໄຂ້. ແນວໃດກໍຕາມ ເຊື້ອພະຍາດດັ່ງກ່າວຖືກທຳລາຍໄດ້ງ່າຍໂດຍຄວາມຮ້ອນ. ດັ່ງນັ້ນ, ຄວນກິນກຸ້ງແບບສຸກໆ ຫລື ຫາກຢາກກິນດິບຕ້ອງໝັ້ນໃຈວ່າຜ່ານການເຮັດຄວາມສະອາດເປັນຢ່າງດີແລ້ວ. ນອກຈາກນັ້ນ ຄວນໃສ່ນ້ຳແຈ່ວທີ່ມີຄວາມສົ້ມຈາກໝາກນາວເທິງໂຕກຸ້ງດົນພໍສົມຄວນເພື່ອໃຫ້ກົດໃນໝາກນາວຫລຸດຄວາມຮຸນແຮງຂອງເຊື້ອລົງ.
