ໝາທີ່ມີຂົນຕາຍາວງາມ
ໝາຂົນຕາຍາວງາມໂຕນີ້ຊື່ວ່າ: “ວອລ” ອາຍຸ 10 ເດືອນ ເຈົ້າຂອງທີ່ຊື້ມາບອກວ່າຫລົງຮັກຕັ້ງແຕ່ທຳອິດທີ່ເຫັນ ເພາະໝາໂຕນີ້ມີຂົນຕາທີ່ຍາວ ງອນສວຍງາມ.
ໂຄລອີ້ ຊໍ ເຈົ້າຂອງໝາໂຕນີ້ອາໄສຢູ່ໃນອັງກິດ ບອກວ່າ: ເວລາພາມັນອອກໄປຍ່າງຫລິ້ນ ຈະຕ້ອງມີຄົນເຂົ້າມາທັກ ເຂົ້າມາຂໍຫລິ້ນນຳ ແລະ ຈະຍ້ອງສະເໝີວ່າຂົນຕາຂອງ ວອລ ງົດງາມຫລາຍ, ແຕ່ກໍມີຫລາຍຄົນມັກຈະຖາມວ່າ: ເປັນຂົນຕາປອມ ຫລື ບໍ່ ເພາະຄືມັນຕໍ່ຂົນຕາມາ, ແຕ່ບໍ່ແມ່ນ ຂົນຕານີ້ຄືຂອງແທ້ທີ່ມາກັບໝາໂຕນີ້ເລີຍ.
ນອກຈາກນີ້ ຍັງມີໝາສາຍພັນອື່ນໆທີ່ມີຂົນຕາຍາວເຊັ່ນ: ພັນຢອກເຊຍ, ພັນເທີເຣຍ, ພັນມອລທີສ ເປັນຕົ້ນ.
ເມື່ອປີ 2014 ເຄີຍມີການບັນທຶກສະຖິຕິໝາທີ່ມີຂົນຕາຍາວທີ່ສຸດໃນໂລກມາແລ້ວ ເປັນໝາກພັນອອສເຕຣເລຍລາບຣາດໍເດິລ ຊື່ “ຣັນມາຣຸ” ຢູ່ໂຕກຽວ ປະເທດຍີ່ປຸ່ນ ວ່າໝາໂຕນີ້ມີຂົນຍາວເຖິງ 17 ຊັງຕີແມັດ.
