ລັດຖະມົນຕີຄົນທຳອິດຂອງໄທຕິດໂຄວິດ-19
April 10, 2021 - 10:16 AM
ສຳນັກຂ່າວໄທ ລາຍງານວ່າ: ທ່ານ ສັກສະຫຍາມ ຊິດຊອບ ລັດຖະມົນຕີວ່າການກະຊວງຄົມມະນາຄົມຂອງໄທ ກາຍເປັນລັດຖະມົນຕີຄົນທຳອິດໃນລັດຖະບານທ່ານ ປະຍຸດ ຈັນໂອຊາ ທີ່ຕິດເຊື້ອໄວຣັສໂຄໂຣນາ 2019 ໂດຍໃນວັນທີ 7 ເມສາ ທ່ານມີອາການໄຂ້ສູງ ແລະ ເຂົ້າຮັບການປິ່ນປົວຢູ່ໂຮງໝໍໃນແຂວງບຸຣີຣຳ.
ທັງນີ້ຍັງບໍ່ມີຄວາມແນ່ນອນວ່າທ່ານ ສັກສະຫຍາມ ຕິດເຊື້ອໄວຣັສໂຄໂຣນາຈາກບ່ອນໃດ, ແຕ່ທ່ານໃຫ້ສຳພາດຕໍ່ນັກຂ່າວວ່າ: ມີທີມງານຢູ່ໜ້າຫ້ອງຕິດໂຄວິດ-19 ຈາກກຸ່ມກ້ອນສະຖານບັນເທີງເຂດທອງຫລໍ່, ພ້ອມປະຕິເສດວ່າທ່ານບໍ່ໄດ້ຕິດຈາກການໄປທ່ຽວສະຖານບັນເທີງກາງຄືນຕາມທີ່ມີການສົ່ງຂໍ້ມູນກັນໃນໂຊຊຽວມີເດຍ.
