EU ທຸ້ມງົບກວ່າ 100 ລ້ານເອີໂຣ ເລັ່ງວິໄຈໂຄວິດກາຍພັນ

EU ທຸ້ມງົບກວ່າ 100 ລ້ານເອີໂຣ ເລັ່ງວິໄຈໂຄວິດກາຍພັນ - P043685 780155 - EU ທຸ້ມງົບກວ່າ 100 ລ້ານເອີໂຣ ເລັ່ງວິໄຈໂຄວິດກາຍພັນ
EU ທຸ້ມງົບກວ່າ 100 ລ້ານເອີໂຣ ເລັ່ງວິໄຈໂຄວິດກາຍພັນ - Untitled design - EU ທຸ້ມງົບກວ່າ 100 ລ້ານເອີໂຣ ເລັ່ງວິໄຈໂຄວິດກາຍພັນ

ສະຫະພາບ​ເອີຣົບທຸ້ມງົບປະມານ 123 ລ້ານ​ເອີ​ໂຣ ສຳລັບ​ໂຄງການ​ວິ​ໄຈ​ດ້ານ​ການ​ກາຍພັນ​ຂອງ​ໄວຣັສ​ໂຄ​ວິດ-19.

ວັນ​ທີ 9 ​ເມສາ 2021, ຄະນະ​ກຳມາ​ທິການ​ເອີຣົບ (EC) ​ໄດ້​ຈັດ​ສັນ​ງົບປະມານ 123 ລ້ານ​ເອີ​ໂຣ ​ໃຫ້​ໂຄງການ​ວິ​ໄຈ​ຮີບ​ດ່ວນ​ເພື່ອ​ສຶກສາ​ເລື່ອງ​ການ​ກາຍພັນ​ຂອງ​ໄວຣັສ​ໂຄ​ວິດ-19.

ງົບປະມານ​ດັ່ງກ່າວ​ຖື​ເປັນ​ເງິນ​ຈຳນວນ​ທຳ​ອິດ​ທີ່​ຖືກ​ຈັດ​ສັນ​ຜ່ານ​ໂຄງການ​ຮໍຣິຊອນ​ເອີຣົບ (Horizon Europe) ​ເຊິ່ງ​ເປັນ​ໂຄງການ​ຮ່ວມ​ມື​ດ້ານ​ການ​ວິ​ໄຈ ​ແລະ ນະ​ວັດຕະ​ກຳ​ຂອງ​ສະຫະພາບ​ເອີຣົບ (EU).

​ເງິນ​ຈຳນວນ​ນີ້​ຈະ​ຖືກ​ນຳ​ໄປ​ຊ່ວຍ​ສະໜັບສະໜູນ​ການ​ວິ​ໄຈ ​ແລະ ນະ​ວັດຕະ​ກຳ​ເພື່ອ​ຕໍ່ສູ້​ກັບ​ພະຍາດ​ໂຄ​ວິດ-19 ລວມທັງ​ການ​ດຳ​ເນີນ​ງານ​ໂດຍ​ລວມຂອງ​ຄະນະ​ກຳມາ​ທິການ​ໃນ​ການ​ປ້ອງ​ກັນ​, ບັນ​ເທົາ ​ແລະ ຮັບ​ມື​ຜົນ​ກະທົບ​ຈາກ​ໄວຣັສຊະນິດ​ກາຍພັນ.

ການ​ວິ​ໄຈ​ຮີບ​ດ່ວນ​ກ່ຽວ​ກັບ​ເຊື້ອ​ໄວຣັສຊະນິດ​ກາຍພັນ​ນີ້ ຈະ​ເກື້ອໜູນ​ການ​ດຳ​ເນີນ​ງານ​ກ່ອນ​ໜ້າ​ນີ້​ທີ່​ມຸ້ງ​ພັດທະນາ​ການ​ປິ່ນປົວ ​ແລະ ວັກ​ຊີ​ນຜ່ານ​ການຈັດຕັ້ງ ​ແລະ ດຳ​ເນີນ​ການ​ທົດ​ລອງ​ທາງ​ຄລີ​ນິກ ​ເພື່ອ​ພັດທະນາ​ແນວທາງ​ການ​ປິ່ນປົວ ​ແລະ ວັກ​ຊີ​ນ​ໃຫ້​ກ້າວໜ້າ​ຍິ່ງ​ຂຶ້ນ.

EU ທຸ້ມງົບກວ່າ 100 ລ້ານເອີໂຣ ເລັ່ງວິໄຈໂຄວິດກາຍພັນ - Wave100S AD to Website 2020 0 - EU ທຸ້ມງົບກວ່າ 100 ລ້ານເອີໂຣ ເລັ່ງວິໄຈໂຄວິດກາຍພັນ

ຄະນະ​ກຳມາ​ທິການ ກ່າວ​ວ່າ: ການ​ດຳ​ເນີນ​ການ​ຮີບ​ດ່ວນ​ຄັ້ງນີ້​ຈະ​ຊ່ວຍ​ແກ້​ໄຂ​​ໄພ​ຄຸກ​ຄາມ​ໄລຍະ​ສັ້ນ​ເຖິງ​ໄລຍະ​ກາງ ​ຕະຫລອດ​ຈົນ​ກຽມ​ຄວາມ​ພ້ອມ​ສຳລັບ​ອະນາຄົດ ​ເພື່ອ​ຊ່ວຍ​ໃຫ້​ສະຫະພາບ​ເອີຣົບສາມາດ​ຄາດ​ຄະ​ເນ ​ແລະ ຮັບ​ມື​ການລະບາດ​ໃຫຍ່​ໃນ​ອະນາຄົດ​ໄດ້​ດີ​ຂຶ້ນ.

ອ້າງ​ອີງ:

https://europeansting.com/…/coronavirus-commission…/

https://www.xinhuathai.com/high/191865_20210408

EU ທຸ້ມງົບກວ່າ 100 ລ້ານເອີໂຣ ເລັ່ງວິໄຈໂຄວິດກາຍພັນ - WhatsApp Image 2020 05 27 at 5 - EU ທຸ້ມງົບກວ່າ 100 ລ້ານເອີໂຣ ເລັ່ງວິໄຈໂຄວິດກາຍພັນ
EU ທຸ້ມງົບກວ່າ 100 ລ້ານເອີໂຣ ເລັ່ງວິໄຈໂຄວິດກາຍພັນ - WhatsApp Image 2020 05 27 at 5 - EU ທຸ້ມງົບກວ່າ 100 ລ້ານເອີໂຣ ເລັ່ງວິໄຈໂຄວິດກາຍພັນ
error: Alert: ເນື້ອຫາຂ່າວມີລິຂະສິດ !!