5 ສິ່ງທີ່ບອກວ່າຄວາມຮັກຂອງທ່ານມາຮອດທາງຕັນແລ້ວ

5 ສິ່ງທີ່ບອກວ່າຄວາມຮັກຂອງທ່ານມາຮອດທາງຕັນແລ້ວ - 021612 2020 - 5 ສິ່ງທີ່ບອກວ່າຄວາມຮັກຂອງທ່ານມາຮອດທາງຕັນແລ້ວ
5 ສິ່ງທີ່ບອກວ່າຄວາມຮັກຂອງທ່ານມາຮອດທາງຕັນແລ້ວ - Untitled design - 5 ສິ່ງທີ່ບອກວ່າຄວາມຮັກຂອງທ່ານມາຮອດທາງຕັນແລ້ວ

     “ບໍ່ມີສິ່ງໃດໃນໂລກທີ່ຈະທ່ຽງແທ້ຕະຫລອດໄປ” ຄຳເວົ້ານີ້ສາມາດໃຊ້ໄດ້ກັບທຸກເລື່ອງ ບໍ່ເວັ້ນແມ່ນແຕ່ເລື່ອງຂອງຄວາມຮັກ,  ຫາກສັງເກດຊີວິດຮັກຂອງຫລາຍຄົນ ເລີ່ມຕົ້ນຄວາມຮັກມັກຫວານຊຶ້ງປານວ່າຈະບໍ່ມີມື້ພາກຈາກກັນໄປໄດ້, ແຕ່ເມື່ອເວລາຜ່ານໄປຊຳ້ພັດໝົດຮັກກັນໄດ້ຢ່າງບໍ່ໜ້າເຊື່ອ. ຫາກທ່ານກັບຄົນຮັກເປັນຄູ່ທີ່ກຳລັງຢູ່ໃນຈຸດອັນຕະລາຍວ່າຈະເລີກລາ ຫລື ຈະຍັງຮັກກັນຕໍ່ ແນະນຳວ່າຄວນໃຊ້ສະຕິໃນການແກ້ໄຂບັນຫາ ແລະ ຟັງສຽງຫົວໃຈຕົນເອງຈະດີທີ່ສຸດ ແລະ ຕໍ່ໄປນີ້ແມ່ນສັນຍານບົ່ງບອກວ່າຄວາມຮັກຂອງທ່ານອາດມາຮອດທາງຕັນແລ້ວ.

5 ສິ່ງທີ່ບອກວ່າຄວາມຮັກຂອງທ່ານມາຮອດທາງຕັນແລ້ວ - 031612 2020 300x200 - 5 ສິ່ງທີ່ບອກວ່າຄວາມຮັກຂອງທ່ານມາຮອດທາງຕັນແລ້ວ

5 ສິ່ງທີ່ບອກວ່າຄວາມຮັກຂອງທ່ານມາຮອດທາງຕັນແລ້ວ - Wave100S AD to Website 2020 0 - 5 ສິ່ງທີ່ບອກວ່າຄວາມຮັກຂອງທ່ານມາຮອດທາງຕັນແລ້ວ
  1. ບໍ່ມີໃຜພະຍາຍາມປັບຄວາມເຂົ້າໃຈຕໍ່ກັນ : ຄູ່ຮັກທຸກຄູ່ຍ່ອມຕ້ອງມີເລື່ອງບາດໝາງ ແລະ ບໍ່ເຂົ້າໃຈກັນແດ່ ສະເໜ່ຂອງການຢູ່ນຳກັນບໍ່ແມ່ນການເຫັນດີເຫັນພ້ອມນຳກັນທຸກເລື່ອງ, ແຕ່ເປັນຄວາມແຕກຕ່າງທາງຄວາມຄິດ ເຊິ່ງທ່ານທັງສອງກໍຍອມຮັບຄວາມແຕກຕ່າງນັ້ນຢ່າງເຂົ້າໃຈ, ແຕ່ຫາກເມື່ອໃດກໍຕາມທີ່ທ່ານທັງສອງຜິດຖຽງກັນແລ້ວບໍ່ມີຝ່າຍໃຜງໍ້ກ່ອນ, ບໍ່ມີໃຜພະຍາຍາມປັບຄວາມເຂົ້າໃຈເຊິ່ງກັນ ແລະ ກັນ ນັ້ນໝາຍຄວາມວ່າຄວາມຮັກຂອງພວກທ່ານມາຮອດຈຸດອັນຕະລາຍແລ້ວ.
  2. ແຜນອະນາຄົດຂ້າງໜ້າແຕກຕ່າງກັນ : ຫລາຍຄົນອາດຈະຄິດວ່າການຄົບກັນແມ່ນການເຮັດປັດຈຸບັນໃຫ້ດີທີ່ສຸດ, ແຕ່ແນວໃດກໍຕາມ ຫາກອະນາຄົດທີ່ທ່ານທັງສອງວາງແຜນໄວ້ນັ້ນແຕກຕ່າງກັນ, ທ່ານວາງແຜນໄວ້ແບບໜຶ່ງ ແລະ ຄົນຮັກຂອງທ່ານວາງແຜນໄວ້ອີກແບບໜຶ່ງ ອາດຈະເປັນສິ່ງທີ່ເຮັດໃຫ້ເສັ້ນທາງຄວາມຮັກຂອງພວກທ່ານບໍ່ຄ່ອງແຄ້ວ, ການຂັດແຍ່ງທາງຄວາມຄິດໃນມື້ນີ້ອາດນຳມາສູ່ຄວາມບາດໝາງແຄງໃຈໃນວັນຂ້າງໜ້າໄດ້.
  3. ບໍ່ສາມາດປັບໂຕເຂົ້າກັບຄອບຄົວຂອງຄົນຮັກໄດ້ : ຄວາມຮັກບໍ່ແມ່ນເລື່ອງຂອງຄົນສອງຄົນ, ແຕ່ເປັນເລື່ອງຂອງຄອບຄົວຂອງອີກຝ່າຍນຳ. ຄອບຄົວຂອງໃຜກໍຍ່ອມມີຄວາມສຳຄັນ ຫາກພໍ່ແມ່ຂອງແຟນບໍ່ມັກທ່ານ ກໍອາດຈະເກີດຄວາມບໍ່ລົງຮອຍກັນ ຫລາຍຄູ່ກໍໄດ້ພິສູດໃຫ້ເຫັນແລ້ວວ່າຮັກແທ້ແພ້ຄອບຄົວ ຫາກຄົນຮັກຂອງທ່ານບໍ່ສາມາດແກ້ບັນຫານີ້ໄດ້ ກໍມີໂອກາດວ່າຄວາມສຳພັນຈະສິ້ນສຸດແນ່ນອນ.
  4. ຜິດຖຽງກັນເລື່ອງເງິນ : ຍຸກນີ້ເປັນຍຸກທຶນນິຍົມ ດັ່ງນັ້ນ ຈຶ່ງບໍ່ແປກໃຈທີ່ຫລາຍຄູ່ຈະເລີກລາກັນດ້ວຍສາເຫດນີ້. ການຈະຮັກກັນໃຫ້ຍືນຍາວ ທັງສອງບໍ່ຄວນເອົາປຽບກັນໃນເລື່ອງເງິນ, ຄ່າໃຊ້ຈ່າຍໃນສ່ວນຕ່າງໆທີ່ທ່ານ ແລະ ຄົນຮັກໃຊ້ຕອນຄົບກັນເປັນສິ່ງທີ່ຕ້ອງຕົກລົງກັນໃຫ້ດີ ເພື່ອບໍ່ໃຫ້ອີກຝ່າຍຮູ້ສຶກເຄືອງໃຈວ່າຕົນເອງເປັນຝ່າຍຈ່າຍຫລາຍກ່ວາ.
  5. ເບື່ອໜ່າຍເລື່ອງເພດສຳພັນ : ຄົນຮັກກັນຍ່ອມຕ້ອງມີຄວາມສຸກໃນເລື່ອງເທິງຕຽງນຳກັນ, ຢາກຢູ່ນຳກັນໝົດເວັນໝົດຄືນ, ແຕ່ຫາກທ່ານ ແລະ ຄົນຮັກບໍ່ມີຄວາມຮູ້ສຶກດຶງດູດເຊິ່ງກັນ ແລະ ກັນ, ເບື່ອໜ່າຍກິດຈະກຳທາງເພດ ລອງພິຈາລະນາໃຫ້ດີວ່າເກີດຈາກບັນຫາທາງສຸຂະພາບ ຫລື ຄວາມເບື່ອໜ່າຍເກີດຂຶ້ນຈາກຈິດໃຈກັນແທ້.
  • ລອງພິຈາລະນາໃຫ້ດີວ່າສັນຍານຕ່າງໆເຫລົ່ານີ້ກົງກັນກັບຄູ່ຂອງທ່ານຫລືບໍ່ ຫາກກວດເບິ່ງແລ້ວມີສັນຍານອັນຕະລາຍກໍເຖິງເວລາແລ້ວທີ່ທ່ານ ແລະ ຄົນຮັກຕ້ອງຫັນມານັ່ງລົມກັນເພື່ອຫາທາງອອກທີ່ດີທີ່ສຸດ.
5 ສິ່ງທີ່ບອກວ່າຄວາມຮັກຂອງທ່ານມາຮອດທາງຕັນແລ້ວ - WhatsApp Image 2020 05 27 at 5 - 5 ສິ່ງທີ່ບອກວ່າຄວາມຮັກຂອງທ່ານມາຮອດທາງຕັນແລ້ວ
5 ສິ່ງທີ່ບອກວ່າຄວາມຮັກຂອງທ່ານມາຮອດທາງຕັນແລ້ວ - WhatsApp Image 2020 05 27 at 5 - 5 ສິ່ງທີ່ບອກວ່າຄວາມຮັກຂອງທ່ານມາຮອດທາງຕັນແລ້ວ
error: Alert: ເນື້ອຫາຂ່າວມີລິຂະສິດ !!