ເກົາຫຼີເໜືອ ສຳເລັດການຕໍ່ເຮືອດຳນໍ້າ ຍິງລູກສອນໄຟ ຂີປານະວຸດ

ສຳນັກຂ່າວຕ່າງປະເທດລາຍງານເມື່ອວັນທີ 11 ເມສານີ້ ວ່າ ໜ່ວຍຂ່າວກອງຂອງ ເກົາຫຼີເໜືອ ແລະ ຂອງສະຫະລັດຕີລາຄາວ່າ ເກົາຫຼີເໜືອສຳເລັດການຕໍ່ເຮືອດຳນໍ້າຍິງລູກສອນໄຟຂີປະນະວຸດມີຄວາມໜັກ 3.000 ໂຕນ ຊຶ່ງເຄີຍເຜີຍແຜ່ອອກໃນເດືອນ ກໍລະກົດ 2019. ໜ່ວຍຂ່າວກອງ ຢືນຢັນວ່າ ພຽງຢາງກຳລັງພິຈາລະນາເວລາທີ່ເໝາະສົມ ເພື່ອດຳເນີນການຂະຫຍາຍເຮືອດຳນໍ້າດັ່ງກ່າວເຂົ້າໃນແຜນຍຸດທະສາດຂອງການເຄື່ອນໄຫວ, ໃນນັ້ນເປົ້າໝາຍແມ່ນແນໃສ່ສະຫະລັດອາເມລິກາ.

ສຳນັກຂ່າວດັ່ງກ່າວຍັງໃຫ້ຮູ້ວ່າ ລັດຖະບານ ພຽງຢາງ ອາດຈະເປີດເຜີຍໃຫ້ເຫັນຕົວຕົນ ເຮືອລຳດັ່ງກ່າວໃນຂະນະທີ່ຈະປ່ອຍມັນລົງໃນທະເລ. ກ່ອນໜ້ານັ້ນ, ໂຄງການ Beyond Parallel ທີ່ຂຶ້ນກັບສູນກາງຄົ້ນຄວ້າ ຍຸດທະສາດ ແລະ ສາກົນ ໃຫ້ຮູ້ວ່າ ຫວ່າງມໍ່ໆ ມານີ້ ເກົາຫຼີເໜືອ ໄດ້ເຄື່ອນຍ້າຍ ຖານຍິງທົດລອງລູກສອນໄຟ ຂີປະນະວຸດໃຕ້ນໍ້າຈາກໂຮງງານຕໍ່ເຮືອ Sinpo South ໃນເຂດຊາຍຝັ່ງທະເລທິດຕາເວັນອອກແລ້ວ, ພ້ອມກັນນັ້ນ ກໍຢືນຢັນວ່າ ທ່າທີດັ່ງກ່າວແມ່ນເພື່ອກະກຽມໃຫ້ແກ່ການທົດລອງ SLBM ໃນຕໍ່ໜ້າ.