5 ເຄັ​ດ​ລັບ​ກຳ​ຈັດ​ຄວາມ​ເຄັ່ງ​ຄຽດ​ເພື່ອ​ຊີ​ວິດ​ທີ່​ເປັນ​ສຸກ

5 ເຄັ​ດ​ລັບ​ກຳ​ຈັດ​ຄວາມ​ເຄັ່ງ​ຄຽດ​ເພື່ອ​ຊີ​ວິດ​ທີ່​ເປັນ​ສຸກ - 041902 2021 - 5 ເຄັ​ດ​ລັບ​ກຳ​ຈັດ​ຄວາມ​ເຄັ່ງ​ຄຽດ​ເພື່ອ​ຊີ​ວິດ​ທີ່​ເປັນ​ສຸກ
5 ເຄັ​ດ​ລັບ​ກຳ​ຈັດ​ຄວາມ​ເຄັ່ງ​ຄຽດ​ເພື່ອ​ຊີ​ວິດ​ທີ່​ເປັນ​ສຸກ - Untitled design - 5 ເຄັ​ດ​ລັບ​ກຳ​ຈັດ​ຄວາມ​ເຄັ່ງ​ຄຽດ​ເພື່ອ​ຊີ​ວິດ​ທີ່​ເປັນ​ສຸກ

ເມື່ອ​ມີ​ຄວາມ​ເຄັ່ງ​ຄຽດ​ໂຮມ​ເຂົ້າ​ມາ ບາງ​ຄົນ​ກໍ​ສາ​ມາດ​ຮັບ​ມື ແລະ ຜ່ານ​ມັນ​ໄປ​ໄດ້​ຢ່າງ​ໄຮ້​ບັນ​ຫາ, ແຕ່​ບາງ​ຄົນ​ຊ້ຳ​ພັດ​ບໍ່​ສາ​ມາດ​ຈັດ​ການ​ກັບ​ຄວາມ​ເຄັ່ງ​ຄຽດ​ເຫລົ່າ​ນັ້ນ​ໄດ້ ຈົນ​ສົ່ງ​ຜົນ​ເສຍ​ຕໍ່​ສະ​ພາບ​ຈິດ​ໃຈ ແລະ ສະ​ພາ​ບ​ຮ່າງ​ກາຍ​ຕາມ​ມາ. ທ່ານ​ໃດ​ທີ່​ກຳ​ລັງ​ເປັນ​ແບບນັ້ນ​ຢູ່ ລອງ​ເຮັດ​ຕາມ​ຄຳ​ແນະ​ນຳ​ຕໍ່​ໄປ​ນີ້ :

  1. ລະ​ນຶກ​ໄວ້​ສະ​ເໝີ​ວ່າ​ທຸກ​ສິ່ງບໍ່​ໄດ້​ຢູ່​ໃນ​ການ​ຄວບ​ຄຸມ​ສະ​ເໝີ​ໄປ : ເຖິງວ່າ​ເຮົາ​ຈະ​ວາງ​ແຜນ​ມາ​ເປັນ​ຢ່າງ​ດີ ແລະ ມີ​ທັກ​ສະ​ທີ່​ດີ​ເລີດ​ພຽງ​ໃດ, ແຕ່​ສິ່ງ​ທີ່ບໍ່​ຄາດ​ຝັນ ຫລື ບໍ່​ຄາດ​ຄິດ​ກໍ​ສາ​ມາດ​ເກີດ​ຂຶ້ນ​ໄດ້​ທັງ​ໝົດ ສະ​ນັ້​ນ​ແລ້ວ​ຕ້ອງ​ລະ​ນຶກ​ໄວ້​ສະ​ເໝີ​ວ່າ​ທຸກ​ສິ່ງບໍ່​ໄດ້​ຢູ່​ໃນ​ການ​ຄວບ​ຄຸມ​ຂອ​ງ​ເຮົາ​ສະ​ເໝີ​ໄປ ຫາກຍອມ​ຮັບ​ໄດ້​ກໍ​ຈະ​ຊ່ວຍ​ເຮັດ​ໃຫ້​ຈິດ​ໃຈ​ສະ​ຫງົບ​ຂຶ້ນ.
  2. ຢຸດ​ພັກ​ເມື່ອ​ຮູ້​ສຶກວ່າ​ປວດ​ເກັງ​ຢູ່​ທ້ອງ ແລະ ຫົວ​ໃຈ​ເຕັ້ນ​ໄວ : ເມື່ອ​ມີ​ອາ​ການ​ປວດ​ເກັງ​ຢູ່​ທ້ອງ ແລະ ຫົວ​ໃຈ​ເຕັ້ນ​ໄວ ຄວນ​ຈະ​ຢຸດ​ພັກ​ກິດ​ຈະ​ກຳ​ຕ່າງໆ​ທັນ​ທີ ຈາກນັ້ນ​ໃຫ້​ຫາຍ​ໃຈ​ເລິກໆ ແລະ ຊ້າໆ ຈົດ​ຈໍ່​ຢູ່​ກັບ​ລົ​ມ​ຫາຍຍ​ໃຈ ເມື່ອ​ຫາຍ​ໃຈ​ເຂົ້າ​ໃຫ້​ຮູ້​ສຶກວ່າ​ອາ​ກາດ​ເຂົ້າ​ໄປ​ຮອດ​ໃນ​ປອດ​ ແລະ ທ້ອງ​ໃຄ່​ຂຶ້ນ. ຂະ​ນະ​ທີ່​ເວ​ລາ​ຫາຍ​ໃຈ​ອອກ​ກໍ​ຮູ້​ສຶກ​ໄດ້​ເຖິງ​ການ​ເຄື່ອນ​ໄຫວ​ຂອງ​ປອດ ແລະ ທ້ອງ​ທີ່​ແວບ​ລົງ ໂດຍ​ໃຫ້​ເຮັດ​ແບບນີ້​ຊ້ຳໆ 5 – 10 ເທື່ອ ກ່ອນ​ຈະ​ກັບ​ໄປ​ເຮັດ​ວຽກ​ຄືນ​ໃໝ່.
  3. ໃຫ້​ຄວາມ​ສົນ​ໃຈ​ໄປ​ໃສ່​ເລື່ອງ​ດຽວ ຫລີກ​ເວັ້ນ​ການ​ເຮັດ​ຫຍັງ​ຫລາຍ​ຢ່າງ​ພ້ອມ​ກັນ : ການ​ເຮັດ​ວຽກ​ຫລາຍ​ຢ່າງ​ໃນ​ເວ​ລາ​ດຽວ​ກັນ​ເປັນ​ການ​ບັ່​ນ​ທອນ​ພະ​ລັງ​ກຳ​ລັງ ນອກ​ຈາກ​ຈະ​ເຮັດ​ໃຫ້​ຮູ້​ສຶກ​ເມື່ອຍ​ແລ້ວ ຍັງ​ສົ່ງ​ຜົນ​ໃຫ້​ເຮັດ​ວຽກ​ໄດ້​ຢ່າງ​ບໍ່​ເຕັມ​ປະ​ສິ​ດ​ທິ​ພາບ​ນຳ​ອີກ. ດັ່ງ​ນັ້ນ, ຫາກ​ກຳ​ລັງ​ຮູ້​ສຶກວ່າ​ທຸກ​ສິ່ງ​ໂຮມ​ເຂົ້າ​ມາ​ຫາ​ເຮົາ​ຫລາຍ​ຈົນ​ເກີນ​ໄປ ໃຫ້​ເລືອກ​ເຮັດ​ວຽກ​ໃດ​ວຽກ​ໜຶ່ງ​ພຽງ​ຢ່າງ​ດຽວ ແລະ ຈົດ​ຈໍ່​ຢູ່​ກັບ​ສິ່ງນັ້ນ ພ້ອມ​ທັງ​ປິດ​ສຽງ​ແຈ້ງ​ເຕືອນ​ອີ​ເມ​ລ ລວມ​ເຖິງ​ໂລກ​ອອນ​ລາຍ​ທັງ​ຫລາຍ​ນຳ​.
  4. ຄວນ​ມີ​ເວ​ລາ​ພັກ 3 – 4 ນາ​ທີ ເພື່ອ​ໃຫ້​ສະ​ໝອງ​ໄດ້​ພັກ​ຜ່ອນ : ຫລັງ​ຈາກ​ເຮັດ​ວຽກ​ຢ່າງ​ເຄັ່ງ​ຄັດ​ໄປ​ຈັກ 20 ນາ​ທີ ຄວນ​ໃຫ້​ເວ​ລາ​ຕົນ​ເອງ​ໄດ້​ພັກ 3 – 4 ນາ​ທີ ລຸກ​ຍ່າງ, ຍືດ​ເສັ້ນ​ຍືດ​ເອັນ, ປ່ຽນ​ທ່າ​ທາງ​ເພື່ອ​ໃຫ້​ຮ່າງ​ກາຍ​ໄດ້​ຜ່ອນ​ຄາຍ ກ່ອນ​ຈະ​ກັບ​ມາ​ເຮັດ​ວຽກ​ຕໍ່, ແຕ່​ຫາກ​ຢາກ​ເຮັດ​ວຽກ​ຢູ່​ກັບ​ໂຕະ​ຕໍ່​ເນື່ອງ​ດົນ​ເຖິງ 50 ນາ​ທີ ກໍ​ຄວນ​ຈະ​ພັກ​ໃຫ້​ດົນ​ຂຶ້ນ​ປະ​ມານ 10 ນາ​ທີ ກ່ອນ​ຈະ​ກັບ​ໄປ​ລຸຍ​ວຽກ​ຄືນ​ໃໝ່.
  5. ອະ​ນາ​ຄົດ​ຈະ​ດີ​ຫລື​ຮ້າຍ ບໍ່​ມີ​ໃຜ​ບອກ​ໄດ້ : ໃນ​ເມື່ອ​ເຮົາ​ບໍ່​ສາ​ມາດບອກ​ໄດ້​ວ່າ​ສິ່ງ​ທີ່​ກຳ​ລັງ​ເຮັດ​ຢູ່​ຈະ​ສົ່ງ​ຜົນ​ແນວ​ໃດ​ໃນ​ອະ​ນາ​ຄົດ ຈາກ​ທີ່​ເຮົາ​ເຄີຍ​ຄິດ​ໃນ​ອະ​ດີດ​ວ່າ​ຈະ​ບໍ່​ດີ ກໍ​ອາດ​ຈະ​ບໍ່​ເປັນ​ດັ່ງ​ທີ່​ຄິດ ບາງ​ເທື່ອ​ມັນ​ອາດ​ຈະ​ດີ​ກ່​ວາ​ທີ່​ຄາດ​ໄວ້​ກໍ​ມີ. ດັ່ງ​ນັ້ນ, ຈຶ່ງບໍ່​ຄວນ​ຄິດ​ເຖິງ​ເລື່ອງ​ລົບ​ໆ​ໄປ​ກ່ອນ​ລ່ວງ​ໜ້າ ຕາບ​ໃດ​ທີ່​ຍັງ​ຢູ່​ກັບ​ປັດ​ຈຸ​ບັນ ແລະ ຕັ້ງ​ໃຈ​ເຮັດ​ສິ່ງ​ທີ່​ເຮັດ​ຢູ່​ຕໍ່​ໜ້າ​ໃຫ້​ດີ​ທີ່​ສຸດ.
5 ເຄັ​ດ​ລັບ​ກຳ​ຈັດ​ຄວາມ​ເຄັ່ງ​ຄຽດ​ເພື່ອ​ຊີ​ວິດ​ທີ່​ເປັນ​ສຸກ - Wave100S AD to Website 2020 0 - 5 ເຄັ​ດ​ລັບ​ກຳ​ຈັດ​ຄວາມ​ເຄັ່ງ​ຄຽດ​ເພື່ອ​ຊີ​ວິດ​ທີ່​ເປັນ​ສຸກ
5 ເຄັ​ດ​ລັບ​ກຳ​ຈັດ​ຄວາມ​ເຄັ່ງ​ຄຽດ​ເພື່ອ​ຊີ​ວິດ​ທີ່​ເປັນ​ສຸກ - WhatsApp Image 2020 05 27 at 5 - 5 ເຄັ​ດ​ລັບ​ກຳ​ຈັດ​ຄວາມ​ເຄັ່ງ​ຄຽດ​ເພື່ອ​ຊີ​ວິດ​ທີ່​ເປັນ​ສຸກ
5 ເຄັ​ດ​ລັບ​ກຳ​ຈັດ​ຄວາມ​ເຄັ່ງ​ຄຽດ​ເພື່ອ​ຊີ​ວິດ​ທີ່​ເປັນ​ສຸກ - WhatsApp Image 2020 05 27 at 5 - 5 ເຄັ​ດ​ລັບ​ກຳ​ຈັດ​ຄວາມ​ເຄັ່ງ​ຄຽດ​ເພື່ອ​ຊີ​ວິດ​ທີ່​ເປັນ​ສຸກ
No comments yet! You be the first to comment.

Leave a Reply

Your email address will not be published.

This site uses Akismet to reduce spam. Learn how your comment data is processed.

error: Alert: ເນື້ອຫາຂ່າວມີລິຂະສິດ !!