ໄທມີຜູ້ຕິດເຊື້ອໃໝ່ ສູງເປັນເປັນປະຫວັດການ ເກືອບແຕະ 4 ຕົວເລກ

ສຳນັກຂ່າວສານ Bangkok Post ວັນທີ 12 ເມສານີ້ ໃຫ້ຮູ້ວ່າ ລັດຖະບານລາຍງານວ່າ ພົບຜູ້ຕິດເຊື້ອໂຄວິດ-19 ລາຍໃໝ່ກ່ອນໜ້ານັ້ນ 967 ກໍລະນີ ຊຶ່ງສູງເປັນປະຫວັດການນັບແຕ່ມື້ມີພະຍາດລະບາດຂຶ້ນມາ.

ວັນທີ 12 ເມສາ Bangkok Post ຍັງໃຫ້ຮູ້ວ່າ ມີຜູ້ຕິດເຊື້ອໃໝ່ 980 ຄົນຈາກຊຸມຊົນ, ເຮັດໃຫ້ຕົວເລກຜູ້ຕິດເຊື້ອສະສົມເຖິງ 33.610 ຄົນ ແລະ ເສຍຊີວິດ 97 ຄົນ. ໄທກຳລັງປະເຊີນກັບການລະບາດຮອບທີ 3 ໂດຍຕິດເຊື້ອມາຈາກຮ້ານເຫຼົ້າເຂດ ທອງຫຼໍ່ ກຸງເທບ ແລະ ແພ່ລາມອອກໄປເຖິງ 70 ແຂວງ ໃນທົ່ວປະເທດ. ໃນນັ້ນມີເຈົ້າໜ້າທີ່ຕຳຫຼວດ 113 ຄົນ.

ໃນຂະນະດຽວ, ຜູ້ບັງຄັບບັນຊາຕຳຫຼວດຂອງໄທ ທ່ານ Suwat Jangyodsuk ຮຽກຮ້ອງໃຫ້ເຈົ້າໜ້າທີ່ຕຳຫຼວດ ປະຕິບັດມາດຕະການປ້ອງກັນໂຄວິດ-19 ໃຫ້ເຂັ້ມງວດກວ່າເກົ່າ ແລະ ມີຄວາມລະມັດລະວັງເວລາມີການໃກ້ສິດກຸ່ມຄົນທີ່ມີຄວາມສ່ຽງສູງ ໂດຍສະເພາະແມ່ນໃນໂອກາດຫຼີ້ນບຸນປີໃໝ່ ແຕ່ວັນທີ 10-15 ເມສານີ້.