ຖອດບົດຮຽນຈາກຊິລີ-ອິສຣາເອລ ສັກວັກຊີນພຽງພໍແລ້ວ ຫລື ບໍ່ຕໍ່ການປ້ອງກັນໂຄວິດ-19 ?

ຖອດບົດຮຽນຈາກຊິລີ-ອິສຣາເອລ ສັກວັກຊີນພຽງພໍແລ້ວ ຫລື ບໍ່ຕໍ່ການປ້ອງກັນໂຄວິດ-19 ? - UPDATE                                                                                                                                                                                                                               19  WEB - ຖອດບົດຮຽນຈາກຊິລີ-ອິສຣາເອລ ສັກວັກຊີນພຽງພໍແລ້ວ ຫລື ບໍ່ຕໍ່ການປ້ອງກັນໂຄວິດ-19 ?
ຖອດບົດຮຽນຈາກຊິລີ-ອິສຣາເອລ ສັກວັກຊີນພຽງພໍແລ້ວ ຫລື ບໍ່ຕໍ່ການປ້ອງກັນໂຄວິດ-19 ? - Untitled design - ຖອດບົດຮຽນຈາກຊິລີ-ອິສຣາເອລ ສັກວັກຊີນພຽງພໍແລ້ວ ຫລື ບໍ່ຕໍ່ການປ້ອງກັນໂຄວິດ-19 ?

ຫລາຍ​ປະ​ເທດ​ທະຍອຍ​ສັກ​ວັກ​ຊີ​ນ​ໂຄ​ວິດ-19 ​ໃຫ້​ປະຊາຊົນ​ໃນ​ວົງ​ກວ້າງ​ແລ້ວ ​ເຮັດ​ໃຫ້​ເຫັນ​ພາບ​ທີ່​ຈະ​ແຈ້ງ​ຂຶ້ນກ່ຽວ​ກັບ​ປະສິດທິພາບ​ຂອງ​ວັກ​ຊີ​ນ​ໂດຍ​ລວມ​ເມື່ອ​ມີ​ການ​ນຳ​ໃຊ້​ຕົວ​ຈິງ ​ເຊິ່ງສອງ​ກໍລະນີ​ທີ່​ໜ້າ​ສຶກສາຫລາຍ​ທີ່​ສຸດ​ໃນ​ເວລາ​ນີ້​ໜີ​ບໍ່ພົ້ນກໍລະນີ​ສຶກສາຂອງ​ອິສຣາ​ເອລ ​ແລະ ຊິ​ລີ ​ເຊິ່ງຕ່າງ​ມີ​ຄວາມ​ໂດດ​ເດັ່ນ​ໃນ​ແງ່​ຂອງ​ການ​ເດີນ​ໜ້າ​ໂຄງການ​ສັກ​ວັກ​ຊີ​ນ​ໂຄ​ວິດ-19 ​ໃຫ້​ແກ່​ປະຊາຊົນ ​ໂດຍ​ມີ​ອັດຕາ​ການ​ສັກ​ວັກ​ຊີ​ນ​ໃຫ້​ປະຊາຊົນ​ທີ່​ສູງ​ທັງ​ສອງ​ປະ​ເທດ, ​ແຕ່​ພັດ​ມີ​ຜົນ​ໄດ້​ຮັບ​ທີ່​ແຕກ​ຕ່າງ​ກັນ​ຫລາຍ​ໃນ​ແງ່​ຂອງ​ການ​ຄວບ​ຄຸມພະ​ຍາດ.

ຖ້າ​ເບິ່ງ​ຈາກ​ກໍລະນີ​ການ​ຕິດ​ເຊື້ອ​ແລ້ວ​ພົບ​ວ່າ ອິສຣາ​ເອລສາມາດ​ຄວບ​ຄຸມພະ​ຍາດ​ໄດ້​ດີ​ຫລາຍ ​ແລະ ກຳລັງ​ຈະ​ອະນຸຍາດ​ໃຫ້​ກັບ​ມາ​ດຳ​ເນີນ​ກິດຈະກຳ​ຕ່າງໆ​ໃນ​ປະ​ເທດ​ໄດ້​ອີກ​ເຊັ່ນ: ການ​ບັນຍາຍ​ໃນ​ມະຫາວິທະຍາ​ໄລ, ການ​ຫລິ້ນຄອນ​​ເສີດ ​ແລະ ການ​ຊຸມນຸມ​ຂະໜາດ​ໃຫຍ່​ອື່ນໆ ລວມທັງ​ການ​ເປີດ​ຮ້ານ​ອາຫານ ​ແລະ ​ເທັກ. ​ໃນ​ທາງ​ກົງກັນຂ້າມ ຊິ​ລີ​ພັດ​ກຳລັງ​ປະສົບ​ບັນຫາ​ຜູ້​ຕິດ​ເຊື້ອ​ໂຄ​ວິດ-19 ​ເພີ່ມ​ສູງ​ຂຶ້ນ​ເລື້ອຍໆ ​ແລະ ຕ້ອງ​ຜະ​ເຊີນ​ກັບ​ຂໍ້​ຈຳກັດ​ຕ່າງໆ​ຈາກ​ມາດ​ຕະການ​ລັອກດາວ​ຮອບ​ໃໝ່.

ຂະນະ​ທີ່ຢູ່​ອັງກິດ​ພົບ​ວ່າ: ຈຳນວນ​ຜູ້​ເສຍ​ຊີວິດ ​ແລະ ​ເຂົ້າຮັບ​ການ​ປິ່ນປົວ​ຢູ່​ໂຮງໝໍ​ຫລຸດ​ລົງ, ​ແຕ່​ຍັງ​ຕ້ອງ​ເບິ່ງ​ວ່າ​ຈະ​ເກີດ​ຫຍັງ​ຂຶ້ນ​ເມື່ອ​ອັງກິດ​ເລີ່​ມຫລຸດຜ່ອນ​ຂໍ້​ຈຳກັດ​ຈາກ​ການ​ລັອກດາວ​ໃນ​ວັນ​ທີ 12 ​ເມສາ (ສະ​ກອດ​ແລນ, ​ເວລ ​ແລະ ​ໄອ​ແລນ​ເໜືອ​ຕ່າງ​ມີ​ກຳນົດ​ເວລາ​ໃນ​ການ​ຫລຸດຜ່ອນ​ຂໍ້​ຈຳກັດ​ຂອງ​ຕົນ​ເອງ). ອັງກິດ​ຈະ​ຍ່າງ​ຕາມ​ຮອຍ​ຊິ​ລີ​ດ້ວຍ​ການ​ກັບ​ໄປ​ສູ່​ຈຸດ​ທີ່​ຮ້າຍ​ແຮງ​ຂອງ​ການ​ແຜ່​ລະບາດ​ອີກ​ຮອບ ຫລື ຈະ​ປະສົບ​ຜົນສຳ​ເລັດ​ໃນ​ການ​ຄວບ​ຄຸມ​ຈຳນວນ​ຜູ້​ຕິດ​ເຊື້ອ​ເຊັ່ນ​ດຽວ​ກັບອິສຣາ​ເອລ​ເຮັດ​ໄດ້​ມາ​ແລ້ວ.

​ເຖິງ​ວ່າ​ແນວທາງ​ການ​ຕໍ່ສູ້​ກັບ​ໂຄ​ວິດ-19 ຂອງ​ຫລາຍ​ປະ​ເທດ ບໍ່​ວ່າ​ຈະ​ເປັນ​ອອສ​ເຕຣ​ເລຍ, ນິວຊີ​ແລນ, ຝຣັ່ງ ​ແລະ ​ເຢຍລະ​ມັນ ສາມາດ​ໃຊ້​ເປັນ​ບົດຮຽນ​ສຳຄັນ​ໃຫ້​ອັງກິດ ​ແລະ ປະ​ເທດ​ອື່ນໆ, ​ແຕ່​ບົດຮຽນ​ຈາກ​ຊິ​ລີ​​ເຕືອນ​ໄດ້​ຈະ​ແຈ້ງ​ທີ່​ສຸດ.

ທັງ​ນີ້, ບຸກຄະລາ​ກອນ​ທາງ​ການ​ແພດ ​ແລະ ​ເຈົ້າໜ້າ​ທີ່​ສາທາລະນະ​ສຸກ​ຂອງ​ຊິ​ລີ​ໄດ້​ສັກ​ວັກ​ຊີ​ນ​ເຂັມ​ທຳ​ອິດ​ໃຫ້ປະຊາຊົນ​ແລ້ວ ຄິດ​ເປັນ 37% ຂອງ​ປະຊາກອນ, ​ແຕ່​ຈຳນວນ​ຜູ້​ຕິດ​ເຊື້​ອ​ໃໝ່​ແຕ່​ລະ​ວັນ​ຍັງ​ຄົງ​ເພີ່ມ​ສູງ​ຂຶ້ນຢ່າງ​ວ່ອງ​ໄວ ​ເຊິ່ງຫລາຍ​ຝ່າຍ​ໄດ້​ຍົກ​ເອົາ​ສາ​ເຫດ​ທີ່​​ເຮັດ​ໃຫ້​ຈຳນວນ​ຜູ້​ຕິດ​ເຊື້ອກັບ​ມາ​ສູງ​ຂຶ້ນ​ແບບ​ບໍ່​ຄາດ​ຄິດ ​ເຊິ່ງ​ໄດ້​ແກ່ ການ​ແຜ່​ກະຈາຍ​ຂອງ​ໄວຣັສກາຍພັນ​ທີ່​ຮຸນ​ແຮງ​ຂຶ້ນຈາກ​ບຣາຊິ​ລ, ການ​ທີ່​ຊາວ​ຊິ​ລີ​ຈຳນວນ​ຫລາຍ​ເດີນທາງ​ໄປ​ທົ່ວ​ປະ​ເທດ ​ແລະ ຄວາມ​​ໂຍະຍານ​ໃນ​ການ​ປະຕິບັດ​ຕາມ​ມາດ​ຕະການ​ເວັ້ນ​ໄລຍະ​ຫ່າງ​ທາງ​ສັງຄົມ ​ເນື່ອງ​ຈາກ​ໂຄ​ງການ​ສັກ​ວັກ​ຊີ​ນ​ເຮັດ​ໃຫ້​ຄົນຮູ້​ສຶກປອດ​ໄພ.

ຖອດບົດຮຽນຈາກຊິລີ-ອິສຣາເອລ ສັກວັກຊີນພຽງພໍແລ້ວ ຫລື ບໍ່ຕໍ່ການປ້ອງກັນໂຄວິດ-19 ? - Wave100S AD to Website 2020 0 - ຖອດບົດຮຽນຈາກຊິລີ-ອິສຣາເອລ ສັກວັກຊີນພຽງພໍແລ້ວ ຫລື ບໍ່ຕໍ່ການປ້ອງກັນໂຄວິດ-19 ?

ຂະນະ​ທີ່​ຊິ​ລີ​ສະ​ແດງ​ໃຫ້​ເຫັນ​ເຖິງ​ຄວາມ​ປະໝາດ, ​ໃຈ​ເຢັນ​ໃນ​ການ​ປ້ອງ​ກັນ​ພະຍາດ​ຢ່າງ​ຕໍ່​ເນື່ອງ. ​ໃນ​ທາງ​ກົງກັນຂ້າມ ອິສຣາ​ເອລສະ​ແດງ​ໃຫ້​ເຫັນ​ເຖິງ​ຄວາມ​ຈຳ​ເປັນ​ໃນ​ການວາງ​ແຜນ ​ແລະ ການ​ກຽມພ້ອມ​ຢ່າງ​ຕໍ່​ເນື່ອງ ​ໂດຍ​ນັບ​ແຕ່​ໂຄງການ​ສັກ​ວັກ​ຊີ​ນທົ່ວ​ປະ​ເທດ​ເລີ່​ມຕົ້ນຂຶ້ນ ອິສຣາ​ເອລ​ໄດ້​ລິ​ເລີ່​ມມາດ​ຕະການ​ຕ່າງໆ​ເພື່ອ​ບໍ່​ໃຫ້​ຄວາມ​ພະຍາຍາມ​ຂອງ​ປະ​ເທດ​ໃນ​ການ​ຕໍ່ສູ້​ກັບ​ໂຄ​ວິດ-19 ທີ່​ຄືບ​ໜ້າ​ໄປ​ຫລາຍ​ແລ້ວນັ້ນຕ້ອງ​ເສຍ​ລ້າ.

ມາດ​ຕະການ​ເຫລົ່າ​ນີ້​ລວມທັງ​ການ​ໃຫ້ກຣີນພາສ (Green Pass) ​ແກ່​ຜູ້​ທີ່​ໄດ້​ຮັບ​ວັກ​ຊີ​ນຄົບ​ທັງ​ສອງ​ໂດ​ສ ຫລື ​ເຊົາ​ຈາກການ​ຕິດ​ເຊື້ອ​ແລ້ວ. ​ເຖິງ​ຢ່າງ​ໃດ​ກໍ​ຕາມ, ​ແຜນການ​ດັ່ງກ່າວ​ຍັງ​​ເຈລະຈາ​ກັນ​ຢູ່ ​ແລະ ຫລາຍ​ຄົນ​ຄັດຄ້ານ​ການ​ບັງຄັບ​ໃຊ້.

ອ້າງ​ອີງ: https://www.theguardian.com/…/is-vaccinating-against…

ຖອດບົດຮຽນຈາກຊິລີ-ອິສຣາເອລ ສັກວັກຊີນພຽງພໍແລ້ວ ຫລື ບໍ່ຕໍ່ການປ້ອງກັນໂຄວິດ-19 ? - WhatsApp Image 2020 05 27 at 5 - ຖອດບົດຮຽນຈາກຊິລີ-ອິສຣາເອລ ສັກວັກຊີນພຽງພໍແລ້ວ ຫລື ບໍ່ຕໍ່ການປ້ອງກັນໂຄວິດ-19 ?
ຖອດບົດຮຽນຈາກຊິລີ-ອິສຣາເອລ ສັກວັກຊີນພຽງພໍແລ້ວ ຫລື ບໍ່ຕໍ່ການປ້ອງກັນໂຄວິດ-19 ? - WhatsApp Image 2020 05 27 at 5 - ຖອດບົດຮຽນຈາກຊິລີ-ອິສຣາເອລ ສັກວັກຊີນພຽງພໍແລ້ວ ຫລື ບໍ່ຕໍ່ການປ້ອງກັນໂຄວິດ-19 ?
No comments yet! You be the first to comment.

Leave a Reply

Your email address will not be published.

This site uses Akismet to reduce spam. Learn how your comment data is processed.

error: Alert: ເນື້ອຫາຂ່າວມີລິຂະສິດ !!