ຜູ້ອຳນວຍການໃຫ່ຍ ອົງການອະນາໄມໂລກ ກ່າວວ່າ ໂຄວິດ-19 ຍັງດົນຈຶ່ງຈະໝົດໄປ

ສຳນັກຂ່າວຕ່າງປະເທດ ລາຍງານເມື່ອວັນທີ 12 ເມສາ ໃຫ້ຮູ້ວ່າ ຜູ້ອຳນວຍການໃຫ່ຍ ອົງການອະນາໄມໂລກ ກ່າວວ່າ ຢູ່ບາງປະເທດ ເຖິງແມ່ນວ່າ ໂຄວິດ-19 ຍັງລະບາດແຮງຢູ່ກໍຕາມ ແຕ່ບັນດາຮ້ານກິນດຶ່ມ ແລະ ຮ້ານບັນເທີງຕ່າງໆ ຍັງຄັບຄາໜາແໜ້ນໄປດ້ວຍຜູ້ຄົນ. ທ່ານກ່າວວ່າ ນັ້ນຄືສາເຫດເຮັດໃຫ້ໂຄວິດ-19 ຍັງດົນຈຶ່ງຈະໝົດໄປ.

Tedros Adhanom Ghebreyesus  ກ່າວວ່າ : “ພວກເຮົາປາຖະໜາຢາກເຫັນບັນດາພື້ນຖານເສດຖະກິດ ແລະ ສັງຄົມເປີດປະຕູ ກໍຄືການທ່ອງທ່ຽວ ແລະ ການຄ້າກັບຄືນມາປົກະຕິອີກຄັ້ງ ແຕ່ໃນຂະນະນີ້ການກູ້ໄພ ໂດຍສະເພາະແມ່ນຫ້ອງ ICU ໃນຫຼາຍປະເທດຮັບຄົນເຈັບບໍ່ໄຫວ ແລະ ລົ້ມຕາຍນັບມື້ຫຼາຍຂຶ້ນ ”.

ຜູ້ອຳນວຍການໃຫ່ຍ WHO ຕີລາຄາວ່າ “ຍັງດົນໂຄວິດ-19 ຈຶ່ງຈະໝົດໄປ” ທ່ານອະທິບາຍວ່າ ຄວາມປະໝາດ, ຄວາມບໍ່ຫົວຊາຕໍ່ມາດຕະການປ້ອງກັນໂຄວິດ ເປັນສາເຫດໃຫ່ຍ. ຫຼາຍປະເທດບໍ່ສົນໃຈກັບການລະບາດຂອງພະຍາດ, ບັນດາຫ້າງຮ້ານອາຫານ, ຮ້ານບັນເທີງ ເຕັມໄປດ້ວຍຜູ້ຄົນ, ຕະຫຼາດກໍຄັບຄາໜາແໜ້ນ. ແຕ່ທ່ານກໍໃຫ້ທັດສະນະວ່າ ພວກເຮົາສາມາດຄວບຄຸມພະຍາດໄດ້ ດ້ວຍການປະຕິບັດບັນດາມາດຕະການຄວບຄຸມ ແລະ ປ້ອງກັນໂຄວິດ-19 ຢ່າງເຄັ່ງຄັດ