ບຣາຊິລໂຄວິດ-19 ລະບາດໜັກເກີນຄວບຄຸມ ແຕ່ເປັນຫຍັງຍັງຫລຸດຜ່ອນມາດຕະການປ້ອງກັນ ?

ບຣາຊິລໂຄວິດ-19 ລະບາດໜັກເກີນຄວບຄຸມ ແຕ່ເປັນຫຍັງຍັງຫລຸດຜ່ອນມາດຕະການປ້ອງກັນ ? - UPDATE                                               19                                                                                                                                                             WEB - ບຣາຊິລໂຄວິດ-19 ລະບາດໜັກເກີນຄວບຄຸມ ແຕ່ເປັນຫຍັງຍັງຫລຸດຜ່ອນມາດຕະການປ້ອງກັນ ?
ບຣາຊິລໂຄວິດ-19 ລະບາດໜັກເກີນຄວບຄຸມ ແຕ່ເປັນຫຍັງຍັງຫລຸດຜ່ອນມາດຕະການປ້ອງກັນ ? - Untitled design - ບຣາຊິລໂຄວິດ-19 ລະບາດໜັກເກີນຄວບຄຸມ ແຕ່ເປັນຫຍັງຍັງຫລຸດຜ່ອນມາດຕະການປ້ອງກັນ ?

ອາທິດ​ຜ່ານ​ມາ, ຖື​ເປັນ​ອາທິດ​ຮ້າຍ​ແຮງ​ທີ່​ສຸດ​ອີກ ສຳລັບ​ສະຖານະ​ການ​ການ​ແຜ່​ລະບາດ​ຂອງ​ພະຍາດ​ໂຄ​ວິດ-19 ​ໃນ​ບຣາຊິ​ລ ຫລັງ​ປາກົດ​ຈຳນວນ​ຜູ້​ເສຍ​ຊີວິດ​ເພີ່ມ​ຂຶ້ນ​ເກືອບ 4.200 ຄົນ ​ໃນ​ໄລຍະ​ເວລາ 24 ຊົ່ວ​ໂມງ ​ໂດຍ​ລັດ​ເຊົາ​ເປົາ​ໂລ ​ແລະ ນະຄອນຣີ​ໂອ​ເດ​ຈາ​ເນ​ໂຣ ຕິດ​ອັນ​ດັບ​ພື້ນທີ່​ທີ່​ມີ​ຜູ້​ເສຍ​ຊີວິດ​ສູງ​ສຸດ​ໃນ​ປະ​ເທດ.

​ເຖິງ​ຢ່າງ​ໃດ​ກໍ​ຕາມ, ​ເຖິງ​ວ່າຄວາມ​ຮຸນ​ແຮງ​ຂອງ​ສະຖານະ​ການຈະ​​ເປັນ​ກັງວົນ​ໃນ​ສາຍຕາ​ຊາວ​ໂລກ, ​ແຕ່​ລັດຖະບານ​ບຣາຊິ​ລຕັດສິນ​ໃຈ​ເດີນ​ໜ້າ​ແຜນ​ຫລຸດຜ່ອນ​ມາດ​ຕະການ​ຈຳກັດ​ການ​ເຄື່ອນ​ໄຫວ​ທີ່​ມີ​ໄວ້ ​ເພື່ອ​ປ້ອງ​ກັນ​ການ​ແຜ່​ລະບາດ​ຂອງ​ໂຄ​ວິດ-19 ​ໂດຍ​ທາງ​ການ​ລັດ​ເຊົາ​ເປົາ​ໂລ ກຽມ​ເປີດ​ໂຮງຮຽນ, ການຈັດ​ແຂ່ງຂັນ​ກິລາ ​ແລະ ອະນຸຍາດ​ໃຫ້​ມີ​ການ​ກໍ່ສ້າງ​ໄດ້​ອີກ. ຂະນະ​ທີ່ຣີ​ໂອ​ເດ​ຈາ​ເນ​ໂຣກຽມ​ອະນຸຍາດ​ໃຫ້​ເທັກ ​ແລະ ຮ້ານ​ອາຫານ​ເປີດ​ອີກ ປະຖິ້ມມາດ​ຕະການ​ທີ່​ບັງຄັບ​ໃຊ້​ມາ​ແຕ່​ເດືອນ​ມີນາ.

ການ​ຕັດສິນ​ໃຈ​ຫລຸດຜ່ອນ​ມາດ​ຕະການ​ຄວບ​ຄຸມ ​ແລະ ປ້ອງ​ກັນ​ການ​ແຜ່​ລະບາດ​ເຫລົ່າ​ນີ້ ມີ​ທີ່​ມາ​ທີ່​ໄປ​ໂດຍ​ທາງ​ການ​ເຊົາ​ເປົາ​ໂລ​ຊີ້​ວ່າ: ອັດຕາ​ຂອງ​ຜູ້​ຕິດ​ເຊື້ອໜັກ​ໃນ​ຫ້ອງ ICU ຫລຸດ​ລົງ​ຈາກ​ລະດັບ​ວິ​ກິດ 90,5% ລົງ​ມາ​ຢູ່ 88,6%.

​ແຕ່​ຈຳນວນ​ຜູ້​ຕິດ​ເຊື້ອ​ແຕ່​ລະ​ວັນ​ຍັງ​ເພີ່ມ​ຂຶ້ນຢ່າງ​ຕໍ່​ເນື່ອງ ສະ​ເພາະ​ວັນ​ທີ 9 ​ເມສາ​ຜ່ານ​ມາ ພຽງ​ມື້ດຽວ ລັດ​ເຊົາ​ເປົາ​ໂລ​ມີ​ຜູ້​ຕິດ​ເຊື້ອ​ໃໝ່​ເພີ່ມ​ຂຶ້ນຫລາຍ​ກວ່າ 20.000 ຄົນ.

ຂະນະ​ທີ່​ນະຄອນຣີ​ໂອ​ເດ​ຈາ​ເນ​ໂຣ ມີ​ອັດຕາ​ຜູ້​ຕິດ​ເຊື້ອໜັກ​ໃນ​ຫ້ອງ ICU ສູງ​ເຖິງ​ກວ່າ 92%, ​ແຕ່​ເຖິງ​ຢ່າງ​ໃດ ​ເຈົ້າຄອງ​ນະຄອນ ​ເອດູ​ອາ​ໂດ ​ເປ​ເອສ ​ໄດ້​ຕັດສິນ​ໃຈ​ຈະ​ຫລຸດຜ່ອນ​ມາດ​ຕະການ​ຈຳກັດ​ຕ່າງໆ.

​ແຕ່​ການ​ຫລຸດຜ່ອນ​ມາດ​ຕະການ​ປ້ອງ​ກັນ​ການ​ແຜ່​ລະບາດ​ນັ້ນ ​ເປັນ​ການ​ດຳ​ເນີນ​ນະ​ໂຍບາຍ​ໃນ​ທາງກົງກັນຂ້າມ​ກັບ​ສິ່ງ​ທີ່​ສະ​ຖາ​ບັນ​ການ​ແພດ ​ແລະ ຜູ້​ຊ່ຽວຊານ​ເບິ່ງ​ວ່າ​ຈຳ​ເປັນ​ສຳລັບ​ບຣາຊິ​ລ ຄື​ການ​ລັອກດາວ​ທົ່ວ​ປະ​ເທດ.

ບຣາຊິລໂຄວິດ-19 ລະບາດໜັກເກີນຄວບຄຸມ ແຕ່ເປັນຫຍັງຍັງຫລຸດຜ່ອນມາດຕະການປ້ອງກັນ ? - Wave100S AD to Website 2020 0 - ບຣາຊິລໂຄວິດ-19 ລະບາດໜັກເກີນຄວບຄຸມ ແຕ່ເປັນຫຍັງຍັງຫລຸດຜ່ອນມາດຕະການປ້ອງກັນ ?

ປັດຈຸບັນ ບຣາຊິ​ລມີ​ການ​ສັກ​ວັກ​ຊີ​ນ​ໃຫ້​ປະຊາຊົນ​ຄົບ 2 ​ໂດ​ສພຽງ 2,8% ຫລື ປະມານ 6 ລ້ານ​ຄົນ ຈາກ​ຈຳນວນ​ປະຊາກອນ​ຫລາຍ​ກວ່າ 210 ລ້ານ​ຄົນ. ຂະນະ​ທີ່​ຈຳນວນ​ຜູ້​ຕິດ​ເຊື້ອສະ​ສົມ​ສູງ​ສຸດ​ເປັນອັນ​ດັບ 3 ຂອງ​ໂລກ ກວ່າ 13,5 ລ້ານ​ຄົນ ​ແລະ ຍັງ​ມີ​ຜູ້​ຕິດ​ເຊື້ອ​ແຕ່​ລະ​ວັນ​ເພີ່ມ​ຂຶ້ນ​ເກືອບ 90.000 ຄົນ ​ເມື່ອ​ອາທິດ​ຜ່ານ​ມາ.

ຂະນະ​ດຽວ​ກັນ, ​ໂຮງໝໍ​ຂອງ​ລັດ ​ແລະ ​ເອກະ​ຊົນ​ຕ່າງ​ຕົກ​ຢູ່​ພາຍ​ໃຕ້​ແຮງ​ກົດ​ດັນ​ຢ່າງ​ໜັກ ຈຳນວນ​ຫ້ອງ ICU ​ໃນ​ໂຮງໝໍ​ຕ່າງໆ​ຢ່າງ​ໜ້ອຍ 17 ລັດ ມີ​ຜູ້​ຕິດ​ເຊື້ອຫລາຍ​ກວ່າ 90% ​ແລະ ມີ​ລາຍ​ງານ​ວ່າ 1 ​ໃນ 5 ຂອງ​ເມືອງ​ທັງ​ໝົດ​ທົ່ວ​ປະ​ເທດ ກຳລັງ​ຜະ​ເຊີນ​ຄວາມ​ສ່ຽງ​ອົກ​ຊີ​ທາງ​ການ​ແພດ​ສຳລັບ​ໃຊ້​ປິ່ນປົວ​ຜູ້​ຕິດ​ເຊື້ອ​ໂຄ​ວິດ-19 ອາດ​ໝົດ​ລົງ​ໃນ​ມໍ່​ໆ​ນີ້.

​ເຊິ່ງລາຍ​ງານ​ຈາກ​ມູນ​ນິທິ Oswaldo Cruz ສູນ​ວິ​ໄຈ​ຊີວະ​ການ​ແພດ​ທີ່​ກຳລັງ​ເຮັດ​ວຽກ​ຮ່ວມ​ກັບ​ຜູ້​ຜະລິດ​ວັກ​ຊີ​ນຂອງ AstraZeneca ຊີ້​ວ່າ: ມີ​ພຽງ​ມາດ​ຕະການ​ລັອກດາວ​ເທົ່າ​ນັ້ນທີ່​ຈະ​ຊ່ວຍ​ປ້ອງ​ກັນ​ບໍ່​ໃຫ້​ສະຖານະ​ການ​ການ​ແຜ່​ລະບາດ​ຂອງ​ໂຄ​ວິດ-19 ​ໃນ​ບຣາຊິ​ລ​ໄລຍະ​ເດືອນ​ເມສາ​ຮ້າຍ​ແຮງ​ກວ່າ​ເດືອນ​ມີນາ ​ເຊິ່ງ​ເປັນ​ເດືອນ​ທີ່​ມີ​ຜູ້​ເສຍ​ຊີວິດ​ເພີ່ມ​ສູງ​ເຖິງ 66.573 ຄົນ ​ເຊິ່ງສູງ​ທີ່​ສຸດ​ນັບ​ແຕ່​ເກີດ​ການລະບາດ.

ຂະນະ​ທີ່​ສຳນັກງານ​ສະຫະ​ປະຊາ​ຊາດ​ໃນ​ບຣາຊິ​ລອອກ​ມາ​ເຕືອນ​ວ່າ: ອັດຕາ​ການ​ເສຍ​ຊີວິດ​ຈາກ​ໂຄ​ວິດ-19 ທີ່​ກຳລັງ​ເພີ່ມ​ສູງ ​ແລະ ການ​ຂາດ​ແຜນ​ປະສານ​ງານ​ລະດັບ​ຊາດ ກຳລັງ​ນຳພາ​ປະ​ເທດ​ໄປ​ສູ່​ຫາ​ຍະ​ນະ ພ້ອມ​ຮຽກຮ້ອງ​ໃຫ້​ລັດຖະບານ​ບຣາຊິ​ລ​ເລັ່ງດຳ​ເນີນ​ການ​ລັອກດາວ​ທົ່ວ​ປະ​ເທດ ​ເພື່ອ​ຮັບ​ມື​ສະຖານະ​ການ​ການ​ແຜ່​ລະບາດ​ທີ່​ຍັງ​ຮຸນ​ແຮງ.

ອ້າງ​ອີງ:

ບຣາຊິລໂຄວິດ-19 ລະບາດໜັກເກີນຄວບຄຸມ ແຕ່ເປັນຫຍັງຍັງຫລຸດຜ່ອນມາດຕະການປ້ອງກັນ ? - WhatsApp Image 2020 05 27 at 5 - ບຣາຊິລໂຄວິດ-19 ລະບາດໜັກເກີນຄວບຄຸມ ແຕ່ເປັນຫຍັງຍັງຫລຸດຜ່ອນມາດຕະການປ້ອງກັນ ?
ບຣາຊິລໂຄວິດ-19 ລະບາດໜັກເກີນຄວບຄຸມ ແຕ່ເປັນຫຍັງຍັງຫລຸດຜ່ອນມາດຕະການປ້ອງກັນ ? - WhatsApp Image 2020 05 27 at 5 - ບຣາຊິລໂຄວິດ-19 ລະບາດໜັກເກີນຄວບຄຸມ ແຕ່ເປັນຫຍັງຍັງຫລຸດຜ່ອນມາດຕະການປ້ອງກັນ ?
No comments yet! You be the first to comment.

Leave a Reply

Your email address will not be published.

This site uses Akismet to reduce spam. Learn how your comment data is processed.

error: Alert: ເນື້ອຫາຂ່າວມີລິຂະສິດ !!