ໄລຍະ3 ວັນຂອງການສະຫລອງບຸນປີໃໝ່ລາວ ເສຍຊີວິດຈາກອຸປະຕິເຫດທັງໝົດ 30 ຄົນ
ອີງຕາມການລາຍງານຂອງເຈົ້າໜ້າທີ່ຈະລາຈອນໃຫ້ຮູ້ວ່າ: ໃນໄລຍະ 3 ວັນ ຂອງການສະຫລອງບຸນປີໃໝ່ລາວ ພສ 2564 ແຕ່ວັນທີ 14-16 ເມສາ 2021, ທົ່ວປະເທດມີອຸປະຕິເຫດທາງທ້ອງຖະໜົນເກີດຂຶ້ນທັງໝົດ 220 ກວ່າລາຍ, ມີພາຫະນະເປ່ເພ 400 ກວ່າຄັນ, ມີຜູ້ໄດ້ຮັບບາດເຈັບ 390 ກວ່າຄົນ ແລະ ເສຍຊີວິດທັງໝົດ 30 ຄົນ.
ວັນທີ 14 ເມສາ 2021, ທົ່ວປະເທດມີອຸປະຕິເຫດເກີດຂຶ້ນທັງໝົດ 90 ລາຍ, ພາຫະນະເປ່ເພທັງໝົດ 158 ຄັນ, ມີຜູ້ໄດ້ຮັບບາດເຈັບທັງໝົດ 178 ຄົນ ແລະ ເສຍຊິວິດ 15 ຄົນ, ແຂວງທີ່ເກີດອຸປະຕິເຫດ ແລະ ເສຍຊິວິດຫລາຍກວ່າໝູ່ແມ່ນຈໍາປາສັກ ເສຍຊິວິດ 4 ຄົນ, ສ່ວນນະຄອນຫລວງວຽງຈັນ ແລະ ໄຊຍະບູລີ ເສຍຊິວິດ ແຂວງລະ 3 ຄົນ.
ວັນທີ 15 ເມສາ 2021, ທົ່ວປະເທດມີອຸປະຕິເຫດເກີດຂຶ້ນທັງໝົດ 82 ລາຍ, ພາຫະນະເປ່ເພທັງໝົດ 154 ຄັນ, ມີຜູ້ໄດ້ຮັບບາດເຈັບທັງໝົດ 153 ຄົນ ແລະ ເສຍຊິວິດ 5 ຄົນ, ໃນນັ້ນແຂວງໄຊຍະບູລີເສຍຊີວິດ 2 ຄົນ, ນະຄອນຫລວງວຽງຈັນ, ຫລວງພະບາງ ແລະ ຄຳມ່ວນແຂວງລະ 1 ຄົນ.
ວັນທີ 16 ເມສາ 2021, ທົ່ວປະເທດມີອຸປະຕິເຫດເກີດຂຶ້ນທັງໝົດ 50 ລາຍ, ພາຫະນະເປ່ເພທັງໝົດ 99 ຄັນ, ມີຜູ້ໄດ້ຮັບບາດເຈັບທັງໝົດ 63 ຄົນ ແລະ ມີຜູ້ເສຍຊິວິດ 10 ຄົນ. ແຂວງທີ່ເກີດອຸປະຕິເຫດ ແລະ ມີຜູ້ເສຍຊີວິດຫລາຍກວ່າໝູ່ແມ່ນນະຄອນຫລວງວຽງຈັນ ມີຜູ້ເສຍຊິວິດ 4 ຄົນ.
ນີ້ເປັນພຽງຂໍ້ມູນເບື້ອງຕົ້ນ, ສ່ວນລາຍລະອຽດ ແລະ ມູນຄ່າຂອງຄວາມເສຍຫາຍ ຈະລາຍງານໃຫ້ຊາບພາຍຫລັງ.
ທີ່ມາ:ຂປລ
