WHO ເຕືອນໂຄວິດລະບາດໄວຂຶ້ນ ແນະນຳເລັ່ງກະຈາຍວັກຊີນຢ່າງເທົ່າທຽມ

WHO ເຕືອນໂຄວິດລະບາດໄວຂຶ້ນ ແນະນຳເລັ່ງກະຈາຍວັກຊີນຢ່າງເທົ່າທຽມ - 000 1pq6yt e1583777051110 0 - WHO ເຕືອນໂຄວິດລະບາດໄວຂຶ້ນ ແນະນຳເລັ່ງກະຈາຍວັກຊີນຢ່າງເທົ່າທຽມ
WHO ເຕືອນໂຄວິດລະບາດໄວຂຶ້ນ ແນະນຳເລັ່ງກະຈາຍວັກຊີນຢ່າງເທົ່າທຽມ - Untitled design - WHO ເຕືອນໂຄວິດລະບາດໄວຂຶ້ນ ແນະນຳເລັ່ງກະຈາຍວັກຊີນຢ່າງເທົ່າທຽມ

ອົງການ​ອະນາ​ໄມ​ໂລກ​ເຕືອນ ອັດຕາ​ການ​ຕິດ​ເຊື້ອ​ໂຄ​ວິດ-19 ທົ່ວ​ໂລກ​ເພີ່ມ​ຂຶ້ນຢ່າງ​ວ່ອງ​ໄວ ​ໃກ້​ເຖິງ​ລະດັບ​ສູງ​ສຸດ​ນັບ​ແຕ່​ເກີດ​ການລະບາດ, ​ແນະນຳ​ເລັ່ງກະຈາຍ​ວັກ​ຊີ​ນ​ໃຫ້​ທົ່ວ​ເຖິງ​ເພື່ອ​ຢຸດ​ການ​ແຜ່​ລະບາດ​ໂດຍ​ໄວ.

ວັນ​ທີ 17 ​ເມສາ 2021, ທ່ານ ທີ​ໂດ​ສ ອັດ​ຮານ​ອມ ກີບຣີ​ເຢຊຸ​ສ ຜູ້ອຳນວຍການ​ໃຫຍ່​ອົງການ​ອະນາ​ໄມ​ໂລກ (WHO) ອອກ​ມາ​ເຕືອນ​ວ່າ: ຈຳນວນ​ຜູ້​ຕິດ​ເຊື້ອ​ໄວຣັສ​ໂຄ​ວິດ-19 ທົ່ວ​ໂລກ​ກຳລັງ​ເພີ່ມ​ຂຶ້ນຢ່າງ​ວ່ອງ​ໄວ ​ແລະ ​ເຂົ້າ​ໃກ້​ອັດຕາ​ສູງ​ສຸດ​ນັບ​ແຕ່​ເກີດ​ການ​ແຜ່​ລະບາດ​ໃນ​ປີຜ່ານມາ.

ທ່ານ ທີ​ໂດ​ສ ກ່າວ​ວ່າ: ຈຳນວນ​ຜູ້​ຕິດ​ເຊື້ອ ​ແລະ ຜູ້​ເສຍ​ຊີວິດ​ທົ່ວ​ໂລກ​ຍັງ​ເພີ່ມ​ຂຶ້ນຕໍ່​ເນື່ອງ​ໃນ​ອັດຕາ​ທີ່​ໜ້າ​ເປັນ​ຫ່ວງ ​ໂດຍ​ໃນ​ໄລຍະ 2 ​ເດືອນ​ຜ່ານ​ມາ ມີ​ຜູ້​ຕິດ​ເຊື້ອ​ໃໝ່​ຕໍ່​ອາທິດ​ເພີ່ມ​ຂຶ້ນ​ເກືອບ 2 ​ເທົ່າ. ຂະນະ​ດຽວ​ກັນ ບາງ​ປະ​ເທດ​ທີ່​ສາມາດ​ຫລີກ​ລ່ຽງການ​ຕິດ​ເຊື້ອ​ໃນ​ວົງ​ກວ້າງ​ໄດ້​ກ່ອນ​ໜ້າ​ນີ້ ຕອນ​ນີ້​ພັດ​ພົບ​ວ່າ​ມີ​ການ​ຕິດ​ເຊື້ອ​ເພີ່ມ​ຂຶ້ນຈຳນວນ​ຫລາຍ.

ປັດຈຸບັນ ເກືອບທຸກພາກພື້ນທົ່ວໂລກພົບຜູ້ຕິດເຊື້ອໂຄວິດ-19 ເພີ່ມຂຶ້ນຢ່າງວ່ອງໄວ ທັງຢູ່ທະວີບອາເມລິກາ, ອິນເດຍ, ບຣາຊິລ, ໂປແລນ ແລະ ຕຸຣກີ ເຊິ່ງມີອັດຕາການຕິດເຊື້ອຢູ່ໃນລະດັບທີ່ໜ້າເປັນຫ່ວງ ອັນເປັນຜົນມາຈາກການທີ່ໄວຣັສເກີດການກາຍພັນ ເຮັດໃຫ້ສາມາດກະຈາຍເຊື້ອໄດ້ໄວກວ່າສາຍພັນດັ້ງເດີມ ບວກກັບຫລາຍປະເທດເລີ່ມຈະໂຍະຍານມາດຕະການສະກັດການແຜ່ລະບາດ ຍິ່ງເຮັດໃຫ້ການຕິດເຊື້ອແຜ່ກະຈາຍໄປຢ່າງວ່ອງໄວຂຶ້ນ.

ຜູ້ອຳນວຍການ​ອົງການ​ອະນາ​ໄມ​ໂລກ ​ໄດ້​ຍົກ​ຕົວຢ່າງ​ສະຖານະ​ການ​ໃນ​ປະ​ເທດ​ປາ​ປົວ​ນິວກິ​ນີ ​ເຊິ່ງ​ໄລ່​ຮອດ​ຕົ້ນປີ​ມີ​ຜູ້​ຕິດ​ເຊື້ອ​ໂຄ​ວິດ-19 ສະ​ສົມ​ໃນ​ປະ​ເທດ​ບໍ່​ເຖິງ 900 ຄົນ ​ແລະ ​ເສຍ​ຊີວິດ 9 ຄົນ, ​ແຕ່​ໃນ​ໄລຍະ​ມໍ່ໆ​ມາ​ນີ້ ປາ​ປົວ​ນິວກິ​ນີມີ​ຜູ້​ຕິດ​ເຊື້ອ​ໂຄ​ວິດ​ໃນ​ປະ​ເທດ​ເຖິງ 9.300 ຄົນ ​ແລະ ​ເສຍ​ຊີວິດ​ແລ້ວ 82 ຄົນ.

ທ່ານ ທີ​ໂດ​ສ ລະບຸ​ວ່າ: ກໍລະນີ​ຂອງ​ປາ​ປົວ​ນິວກິ​ນີນັ້ນຊີ້​ໃຫ້​ເຫັນ​ວ່າ​ໂອກາດ​ທີ່​ຈະ​ເກີດ​ການ​ແຜ່​ລະບາດ​ຢ່າງ​ວ່ອງ​ໄວ​ໃນ​ແບບ​ຄາດ​ບໍ່​ເຖິງ​ເປັນ​ເລື່ອງ​ທີ່​ເກີດ​ຂຶ້ນ​ໄດ້ ​ແລະ ນີ້​​ເປັນ​ຕົວຢ່າງ​ສົມບູນ​ແບບ​ທີ່​ສະ​ແດງ​ໃຫ້​ເຫັນ​ວ່າ: ​ເຫດ​ໃດ​ການ​ກະຈາຍ​ວັກ​ຊີ​ນຢ່າງ​ເທົ່າ​ທຽມ ​ເຊິ່ງ​ເປັນ​ສິ່ງ​ທີ່​ອົງການ​ອະນາ​ໄມ​ໂລກ​ເນັ້ນສະ​ເໝີ​ນັ້ນ ຈຶ່ງ​ມີ​ຄວາມ​ສຳຄັນ​ຢ່າງ​ຍິ່ງ.

WHO ເຕືອນໂຄວິດລະບາດໄວຂຶ້ນ ແນະນຳເລັ່ງກະຈາຍວັກຊີນຢ່າງເທົ່າທຽມ - Wave100S AD to Website 2020 0 - WHO ເຕືອນໂຄວິດລະບາດໄວຂຶ້ນ ແນະນຳເລັ່ງກະຈາຍວັກຊີນຢ່າງເທົ່າທຽມ

ນອກຈາກ​ອົງການ​ອະນາ​ໄມ​ໂລກ​ແລ້ວ, ກ່ອນ​ໜ້າ​ນີ້ ທ່ານ ອັນ​ໂຕ​ນິ​ໂອ ກູ​ເຕີ​ເຣສ ​ເລຂາທິການ​ອົງການ​ສະຫະ​ປະຊາ​ຊາດ (UN) ​ໄດ້​ອອກ​ມາ​ຮຽກຮ້ອງ​ໃຫ້​ມີ​ການຈັດ​ສັນ​ວັກ​ຊີ​ນຢ່າງ​ທົ່ວ​ເຖິງ.

ທ່ານ ກູ​ເຕີ​ເຣສ ກ່າວ​ໃນ​ກອງ​ປະຊຸມ Financing for Development Forum ​ເມື່ອ​ຕົ້ນອາທິດ​ຜ່ານ​ມາ​ວ່າ​: ການຈະ​ຢຸດ​ການ​ແຜ່​ລະບາດ​ຄັ້ງ​ໃຫຍ່​ໄດ້​ນັ້ນ ​ພວກ​ເຮົາ​ຕ້ອງ​ເຮັດ​ໃຫ້​ວັກ​ຊີ​ນສາມາດ​ເຂົ້າ​ເຖິງ​ໄດ້​ຢ່າງ​ເທົ່າ​ທຽມ​ສຳລັບ​ທຸກ​ຄົນ​ໃນ​ທຸກ​ພື້ນທີ່.

ທັງ​ນີ້, ຂໍ້​ມູນ​ຫລ້າ​ສຸດ​ຈາກ​ເວັບ​ໄຊ worldometers ​ເຊິ່ງ​ເປັນ​ເວັບ​ໄຊ​ລາຍ​ງານ​ຂໍ້​ມູນ​ທີ່​ອ້າງ​ອີງ​ຈາກ​ໜ່ວຍ​ງານ​ສາທາລະນະ​ສຸກ​ທົ່ວ​ໂລກ ລະບຸ​ວ່າ: ປັດຈຸບັນ​ທົ່ວ​ໂລກ​ມີ​ຜູ້​ຕິດ​ເຊື້ອ​ໂຄ​ວິດ-19 ສະ​ສົມ 140.636.079 ຄົນ ​ແລະ ຜູ້​ເສຍ​ຊີວິດ 3.014.761 ຄົນ, ສ່ວນ​ຜູ້​ທີ່​ປິ່ນປົວ​ຈົນ​ຫາຍ​ດີ​ແລ້ວ​ມີ 119.457.184 ຄົນ.

WHO ເຕືອນໂຄວິດລະບາດໄວຂຶ້ນ ແນະນຳເລັ່ງກະຈາຍວັກຊີນຢ່າງເທົ່າທຽມ - WhatsApp Image 2020 05 27 at 5 - WHO ເຕືອນໂຄວິດລະບາດໄວຂຶ້ນ ແນະນຳເລັ່ງກະຈາຍວັກຊີນຢ່າງເທົ່າທຽມ
WHO ເຕືອນໂຄວິດລະບາດໄວຂຶ້ນ ແນະນຳເລັ່ງກະຈາຍວັກຊີນຢ່າງເທົ່າທຽມ - WhatsApp Image 2020 05 27 at 5 - WHO ເຕືອນໂຄວິດລະບາດໄວຂຶ້ນ ແນະນຳເລັ່ງກະຈາຍວັກຊີນຢ່າງເທົ່າທຽມ
No comments yet! You be the first to comment.

Leave a Reply

Your email address will not be published.

This site uses Akismet to reduce spam. Learn how your comment data is processed.

error: Alert: ເນື້ອຫາຂ່າວມີລິຂະສິດ !!