ໝາກອະໂວກາໂດຍິ່ງກິນຍິ່ງດີ

- advert banner 728 90 728x90 - ໝາກອະໂວກາໂດຍິ່ງກິນຍິ່ງດີ

ໝາກອະໂວກາໂດເປັນໝາກໄມ້ທ່ີມີຄຸນປະໂຫຍດຊະນິດໜຶ່ງດູດຊຶມສູ່ຜິວໜັງໄດ້ດີກ່ວາເມື່ອປຽບທຽບກັບນຳ້ມັນໝາກສາລີ, ນຳ້ມັນຖົ່ວເຫລືອງ, ນຳ້ມັນໝາກອາວມັອນ ແລະ ນຳ້ມັນໝາກກອກ.

ໝາກອະໂວກາໂດມີຄຸນຄ່າທາງອາຫານຫລາຍ, ຊີ້ນໝາກອະໂວກາໂດປະກອບດ້ວຍໄຂມັນຊະນິດບໍ່ອີ່ມໂຕ ປະມານ 4 – 20% ມີປະໂຫຍດໃນການປ້ອງກັນພະຍາດຫົວໃຈ, ໂດຍກົດໄຂມັນໃນໝາກອະໂວກາໂດ 70% ເປັນກົດໄຂມັນບໍ່ອີ່ມໂຕ ຊະນິດ monounsaturater fatty acid ເຊິ່ງກົດໄຂມັນຊະນິດນີ້ມີປະໂຫຍດຕໍ່ຮ່າງກາຍໂດຍຊ່ວຍຫລຸດປະລິມານ LDL-cholesterol ເຊິ່ງເປັນຄໍເລສເຕີໂຣນທ່ີເປັນຜົນເສຍຕໍ່ຮ່າງກາຍ ແລະ ເພີ່ມປະລິມານ HDL- cholesterol ໃນເລືອດ ເຊິ່ງເປັນຄໍເລສເຕີໂຣນທີ່ເປັນປະໂຫຍດດີຕໍ່ຮ່າງກາຍ ເປັນປະໂຫຍດໃນການຫລຸດໄຂມັນໃນເສັ້ນເລືອດ, ຄົນທີ່ເປັນພະຍາດໄຂມັນໃນເລືອດສູງກໍບໍລິໂພກໝາກໄມ້ຊະນິດນີ້ໄດ້ ແລະ  ໃຊ້ຫລຸດນຳ້ໜັກໄດ້ດີ ເພາະປະລິມານຄາໂບໄຮເດຣດຕໍ່າ. ດັ່ງນັ້ນ, ຜູ້ເປັນພະຍາດເບົາຫວານຈຶ່ງສາ ມາດກິນໝາກໄມ້ຊະນິດນີ້ໄດ້.

ໝາກອະໂວກາໂດມີວິຕາມິນເອີຫລາຍ ໃຊ້ເປັນກົດໄຂມັນນວດໜັງຫົວເລັ່ງການປົ່ງຂອງເສັ້ນຜົມ, ໃຊ້ເປັນນຳ້ມັນປຸງແຕ່ງອາຫານກໍມີສ່ວນຊ່ວຍໃຫ້ວິຕາມິນ ແລະ ສານອາຫານທີ່ລະລາຍໃນໄຂມັນ ສາມາດຖືກດູດຊຶມນຳໄປໃຊ້ໄດ້, ໄຂມັນທີ່ຢູ່ໃນໝາກອະໂວກາໂດຊ່ວຍດູດຊຶມແຄໂຣທີນອຍທີ່ຊ່ວຍຕໍ່ຕ້ານຄວາມເຈັບປ່ວຍຕ່າງໆ.

- 1 1 - ໝາກອະໂວກາໂດຍິ່ງກິນຍິ່ງດີ
- Tiger Head 728x90 - ໝາກອະໂວກາໂດຍິ່ງກິນຍິ່ງດີ

ນອກຈາກນີ້, ຍັງມີວິຕາມິນຫລາຍຊະນິດ ທັງວິຕາມິນອາ (ແຄໂຣທີນອຍ), ຊ່ວຍບຳລຸງສາຍຕາ, ວິຕາມິນເບຊ່ວຍປ້ອງກັນອາການຈັງຊາ, ຮີມສົບເປື່ອຍ, ມີວິຕາມິນເຊປ້ອງກັນໄຂ້ຫວັດ, ເລືອດອອກຕາມເຟັນແຂ້ວ ແລະໂດຍສະເພາະວິຕາມິນເອີ ເຊິ່ງເປັນສານທີ່ມີຄຸນຄ່າໃນການປົກປ້ອງແຊນຮ່າງກາຍຈາກມົນລະພິດໃນອາກາດ, ນຳ້ ແລະ ອາຫານ ປ້ອງກັນຮ່າງກາຍຈາກພະຍາດມະເຮັງຕ່າງໆ ແລະ ພະຍາດຫົວໃຈ, ມີແຮ່ທາດ ແລະ ສານອາຫານທີ່ຈຳເປັນສຳລັບຮ່າງກາຍ ບໍ່ວ່າຈະແມ່ນໂຊດຽມ, ໂປຕັສຊຽມ, ໂຟເລດ ເຊິ່ງມີຄຸນສົມບັດຫລຸດຄໍເລສເຕີໂຣນດີ ສຳລັບແມ່ຍິງຖືພາ ເນື່ອງຈາກໂຟເລດເປັນສານຈຳເປັນຕໍ່ການຈະ ເລີນເຕີບໃຫຍ່ ແລະ ສ້າງເນື້ອເຍື່ອຂອງລູກ, ມີໂປຣຕິນສູງກ່ວາໝາກໄມ້ສົດອື່ນໆ ປະມານ 0,8 – 1,7% ໂດຍໃຫ້ຄ່າພະລັງງານ ຄວາມຮ້ອນຕໍ່ຮ່າງກາຍສູງ ແຕ່ມີປະລິມານຄາໂບໄຮເດຣດຕໍ່າ ເປັນໂປຣຕິນຍ່ອຍງ່າຍ, ມີກາກໄຍສູງ ເຊິ່ງມີປະໂຫຍດຕໍ່ລະບົບຂັບຖ່າຍ.

error: Content is protected !!