7 ວິທີຕື່ມຄວາມມີຊີວິດຊີວາໃຫ້ຊີວິດ

- advert banner 728 90 728x90 - 7 ວິທີຕື່ມຄວາມມີຊີວິດຊີວາໃຫ້ຊີວິດ

– ຫລິ້ນກິລາ : ເປັນໂອກາດທີ່ດີທີ່ຈະໄດ້ພົບປະຜູ້ຄົນໃໝ່ໆ, ແຕ່ບໍ່ເຖິງກັບຕ້ອງໄປປີນພູປີນຜາ ຫລື ໄປສະໝັກເຂົ້າທີມກິລາ ພຽງແຕ່ໄປຫລິ້ນກິລາອອກກຳລັງກາຍຕາມສວນສາທາລະນະ ຫລື ສູນອອກກຳລັງກາຍຕ່າງໆ ຈະເຮັດໃຫ້ເຮົາມີໂອກາດພົບກັບຄົນທີ່ມີຄວາມມັກຄືກັນໄດ້.

- new3 - 7 ວິທີຕື່ມຄວາມມີຊີວິດຊີວາໃຫ້ຊີວິດ

– ເຂົ້າຮ່ວມສະມາຄົມ : ເປັນສະຖານທີ່ເຕັມໄປດ້ວຍຜູ້ຄົນທີ່ມີຄວາມສົນໃຈຄ້າຍກັນ ເປັນບ່ອນເຮັດໃຫ້ທ່ານສາມາດສ້າງຄວາມ ສຳພັນກັບຜູ້ຄົນໃໝ່ໆໄດ້. ນອກຈາກນີ້, ເຮັດໃຫ້ທ່ານໄດ້ເກັບກ່ຽວປະສົບການ ແລະ ສ້າງຄວາມໝັ້ນໃຈໃຫ້ໂຕເອງ, ລອງຫາສະມາຄົມກ່ຽວກັບສິ່ງທີ່ທ່ານສົນໃຈ ແລະ ສະໝັກເຂົ້າຮ່ວມ ນອກຈາກທ່ານຈະໄດ້ໝູ່ໃໝ່ແລ້ວ ທ່ານຍັງຈະໄດ້ແບ່ງປັນກ່ຽວກັບສິ່ງທີ່ທ່ານມັກນຳອີກ.

– ລອງເຮັດສິ່ງໃໝ່ໆ : ການລອງເຮັດໃນສິ່ງໃໝ່ໆທີ່ບໍ່ເຄີຍເຮັດມາກ່ອນ ນອກຈາກຈະເຮັດໃຫ້ທ່ານໄດ້ປະສົບການໃໝ່ໆແລ້ວ ກໍຍັງຈະໄດ້ແງ່ຄິດໃໝ່ໆໃນຊີວິດຕື່ມບໍ່ຈຳເປັນຕ້ອງເປັນກິດຈະກຳທີ່ຫຍຸ້ງຍາກ ພຽງແຕ່ປ່ຽນຊົງຜົມ ຫລື ສີຜົມໃໝ່ ຫລື ລົງຮຽນເສີມຄວາມຮູ້ໃໝ່ໆກໍໄດ້.

– ພົບປະໝູ່ເກົ່າ : ເຊື່ອວ່າຫລາຍຄົນຄົງຕິດຕໍ່ໝູ່ເກົ່າສະໄໝຮຽນຜ່ານ Facebook ກັນຢູ່ແມ່ນບໍ່, ແຕ່ລອງຄິດເບິ່ງວ່າຈະມ່ວນປານໃດຖ້າເຮົາໄດ້ພົບກັບໝູ່ເຫລົ່ານັ້ນ ແລະ ໄດ້ລົມກັນຫລາຍກ່ວາທີ່ຈະມານັ່ງແຊັດລົມກັນທາງໂທລະສັບ. ຢ່າເມົາແຕ່ພິມຂໍ້ຄວາມລົມກັນ, ໂທນັດກັນອອກມາເຈິດຽວນີ້ເລີຍ.

– ຢູ່ໃຫ້ຫ່າງຈາກໂທລະພາບ : ເຄີຍຈິນຕະນາການບໍ່ວ່າຖ້າບໍ່ໄດ້ເບິ່ງໂທລະພາບແລ້ວຈະເຮັດຫຍັງໃນເວລາທີ່ວ່າງ ບໍ່ຕ້ອງເສຍເວລາຄິດແລ້ວ ປິດໂທລະພາບອອກໄປຫາກິດຈະກຳໃໝ່ໆເຮັດກັນຖ້ອນ, ການນັ່ງຢູ່ແຕ່ຕໍ່ໜ້າຈໍໂທລະພາບ ຫລື ຄອມພິວເຕີນັ້ນຈະເຮັດໃຫ້ທ່ານຮູ້ສຶກເຄັ່ງຄຽດໂດຍບໍ່ຮູ້ໂຕທັງຍັງເຮັດໃຫ້ຄວາມສຳພັນຂອງທ່ານກັບຄົນອື່ນໆອ່ອນແອລົງ.

- lattana 1 - 7 ວິທີຕື່ມຄວາມມີຊີວິດຊີວາໃຫ້ຊີວິດ

– ຮຽນຮູ້ພາສາໃໝ່ໆ : ລອງນັບເບິ່ງວ່າຕອນນີ້ທ່ານສາມາດເວົ້າໄດ້ຈັກພາສາແລ້ວ ລອງຮຽນພາສາໃໝ່ໆທີ່ທ່ານສົນໃຈຕື່ມດີບໍ່, ການໄດ້ຮຽນຮູ້ພາສາໃໝ່ໆນອກຈາກຈະເຮັດໃຫ້ທ່ານມີຄວາມຮູ້ຂຶ້ນຕື່ມແລ້ວ ຍັງເຮັດໃຫ້ທ່ານໄດ້ພົບໝູ່ໃໝ່ໆ ທັງຍັງໄດ້ມີໂອກາດແລກປ່ຽນປະສົບການໃໝ່ໆນຳ.

– ຫາໜັງສືອ່ານ : ຖ້າທ່ານມັກອ່ານໜັງສື ລອງອອກໄປຫາໜັງສືຫົວໃໝ່ໆອ່ານ ການອ່ານໜັງສືຈະເຮັດໃຫ້ທ່ານໄດ້ມີຄວາມຮູ້ໃໝ່ໆ ແລະ ຄວາມຮູ້ເຫລົ່ານັ້ນຍັງເຮັດໃຫ້ທ່ານມີເລື່ອງທີ່ຈະລົມແລກປ່ຽນກັບຄົນອື່ນໆໄດ້ ທ່ານຈະເລືອກອ່ານໜັງສືທ່ອງທ່ຽວ ຫລື ນິຍາຍຮັກກໍມີປະໂຫຍດທັງໝົດ ເພາະໜັງສືທຸກຫົວນັ້ນເຮັດໃຫ້ເຮົາປ່ຽນແງ່ຄິດໄດ້ນຳ.

error: Content is protected !!