6 ເຄັດລັບຊ່ວຍໃຫ້ທ່ານເກີດລູກງ່າຍຂຶ້ນ

- advert banner 728 90 728x90 - 6 ເຄັດລັບຊ່ວຍໃຫ້ທ່ານເກີດລູກງ່າຍຂຶ້ນ
  1. ໃຊ້ປະໂຫຍດຈາກແຮງດຶງດູດ : ຖ້າທ່ານໝໍອະນຸຍາດໃນໄລຍະໃກ້ຈະເກີດໃຫ້ທ່ານພະຍາຍາມເຄື່ອນໄຫວຮ່າງກາຍໃນທ່າ ຫລັງຊື່ ເຊັ່ນ : ການຢືນ, ຍ່າງ, ກົ້ມໂຕໄປທາງໜ້າ ແລະ ຫຍໍ້ໂຕລົງໜ້ອຍໜຶ່ງ ຈະເຮັດໃຫ້ແຮງດຶງດູດຊ່ວຍເຄື່ອນໂຕລູກລົງ ທັງຍັງຊ່ວຍໃຫ້ໂຕລູກຢູ່ໃນຕຳແໜ່ງທີ່ເໝາະສົມສຳລັບການເກີດ.
  2. ນອນຫລາຍໆ : ທ່ານຄວນພະຍາຍາມນອນໃຫ້ໄດ້ຢ່າງໜ້ອຍມື້ລະ 7 ຊົ່ວໂມງ. ວຽກງານວິໄຈທີ່ຕີພິມໃນວາລະສານແມ່ຍິງອາເມລິກາລະບຸໃຫ້ເຫັນວ່າ : ແມ່ຍິງໃກ້ເກີດລູກໂດຍສະເພາະໄລຍະເດືອນສຸດທ້າຍທີ່ນອນໜ້ອຍກ່ວາ 6 ຊົ່ວ ໂມງຕໍ່ມື້ ຈະໃຊ້ເວລາໃນການເກີດດົນ 11 ຊົ່ວໂມງ ແລະ ມີທ່າອ່ຽງທີ່ຈະຕ້ອງຜ່າຕັດເກີດຫລາຍກ່ວາ 4 ເທົ່າ ເມື່ອປຽບທຽບກັບແມ່ຍິງທີ່ ນອນຢ່າງໜ້ອຍມື້ລະ 7 ຊົ່ວໂມງ ນີ້ຈຶ່ງເປັນເຫດຜົນທີ່ສົມຄວນຢ່າງຍິ່ງທີ່ຄວນນອນໃຫ້ຫລາຍຂຶ້ນ ແລະ ເພື່ອໃຫ້ທ່ານນອນໄດ້ສະບາຍໂຕຂຶ້ນ ທ່ານຄວນລົງທຶນກັບໝອນຄຸນນະພາບສູງທີ່ອອກແບບມາສຳລັບແມ່ຍິງຖືພາໂດຍສະເພາະ ເຊິ່ງຈະຊ່ວຍຊູທ້ອງເພື່ອໃຫ້ທ່ານຫລັບໄດ້ສະບາຍຂຶ້ນ ຫລື ອາດຂໍໃຫ້ຜົວເສຍສະຫລະເນື້ອທີ່ບ່ອນນອນໃຫ້ຈັກໜ້ອຍກໍໄດ້.
  3. ເຄື່ອນໄຫວແຂ່ງຂາ : ການເບິ່ງແຍງດູແລສຸຂະພາບໃຫ້ແຂງແຮງ ແລະ ເຄື່ອນໄຫວຮ່າງກາຍເປັນສິ່ງສຳຄັນຫລາຍ ເນື່ອງຈາກຈະຊ່ວຍຫລຸດຄວາມເຈັບປວດໃນການເກີດລູກໄດ້, ພະຍາຍາມຍ່າງອອກກຳລັງກາຍໃຫ້ໄດ້ໄລຍະທາງສັ້ນໆທຸກມື້ ໂດຍອາດຍ່າງເລາະຕາມແຖວເຮືອນເພື່ອໃຫ້ຮ່າງກາຍມີແຮງ (ການເກີດລູກເປັນກິດຈະກຳທີ່ຕ້ອງໃຊ້ແຮງມະຫາສານ ແລະ ເມື່ອຍຫລາຍ. ດັ່ງນັ້ນ ການອອກກຳລັງກາຍຈະຊ່ວຍກຽມຄວາມພ້ອມໃຫ້ຮ່າງກາຍຂອງທ່ານໄດ້) ຫລື ທ່ານອາດຈະເຂົ້າກຸ່ມຝຶກໂຢຄະສຳລັບຄົນຖືພາ ຫລື ເຕັ້ນແອໂຣບິກໃນນຳ້ກໍໄດ້.
  4. ອາບນຳ້ອຸ່ນ : ການນອນແຊ່ນຳ້ອຸ່ນຖືໄດ້ວ່າເປັນສຸດຍອດການຜ່ອນຄາຍສຳລັບແມ່ຍິງຖືພາ ເນື່ອງຈາກຄວາມອຸ່ນ ແລະ ຄຸນສົມບັດໃນການຊົງໂຕຂອງນຳ້ນັ້ນຊ່ວຍປອບປະໂລມ ແລະ ຜ່ອນຄາຍຮ່າງກາຍທີ່ຕົກຢູ່ໃນສະພາບເຄັ່ງຄຽດສຸດໆໄດ້ເປັນຢ່າງດີ ຖ້າທ່ານມີອ່າງອາບນຳ້ ທ່ານອາດມຸດລົງໄປ (ຢ່າລືມວ່າຕ້ອງປຶກສາທ່ານໝໍກ່ອນ) ແຕ່ຖ້າບໍ່ມີອ່າງອາບນຳ້ໃຊ້ຝັກບົວກໍດີຄືກັນ.
  5. ສຳຜັດຈາກຜົວ : ການສຳຜັດທີ່ປອບປະໂລມຈາກຜົວຊ່ວຍໄດ້ຫລາຍໃນຍາມທີ່ທ່ານຮູ້ສຶກເຈັບປວດເກືອບໃຈຈະຂາດ. ດັ່ງ ນັ້ນ, ຝຶກໃຫ້ຜົວຮຽນຮູ້ເຕັກນິກໃນການນວດນັບແຕ່ທ່ານເລີ່ມຖືພາ ຜົວຈະໄດ້ຊ່ວຍນວດໃຫ້ທ່ານໄດ້ໃນເວລາໃກ້ຈະເກີດ.

6.​ ຢ່າຝືນທຳມະຊາດ ແລະ ຄວາມຮູ້ສຶກຕ່າງໆ : ແນ່ນອນວ່າທ່ານວາງແຜນໄວ້ວ່າຢາກຈະເກີດແນວໃດ, ຈະໃຊ້ຢາ ຫລື ບໍ່ໃຊ້ຢາ, ເກີດຢູ່ໂຮງໝໍ ຫລື ເກີດຢູ່ບ້ານ, ແຕ່ບາງເທື່ອລູກອາດບໍ່ຢາກເຮັດຕາມແຜນທີ່ທ່ານຄິດໄວ້ກໍມີ. ບໍ່ມີປະໂຫຍດໃດໆທີ່ຈະຝືນເຮັດໃຫ້ໄດ້ຕາມແຜນທີ່ວາງໄວ້, ແຕ່ທ່ານຈະຕ້ອງໄປຕາມນຳ້ ແລະ ເຊື່ອໝັ້ນວ່າສິ່ງທີ່ເຮັດເປັນທາງອອກທີ່ດີສຸດ.

 

- lattana 1 - 6 ເຄັດລັບຊ່ວຍໃຫ້ທ່ານເກີດລູກງ່າຍຂຶ້ນ
- 1 1 - 6 ເຄັດລັບຊ່ວຍໃຫ້ທ່ານເກີດລູກງ່າຍຂຶ້ນ
error: Content is protected !!