ວັນທີ 19-25 ເມສານີ້ ຈະມີຝົນຕົກໝັກ ແລະ ຟ້າຮ້ອງຟ້າເຫລື້ອມ

ວັນທີ 19-25 ເມສານີ້ ຈະມີຝົນຕົກໝັກ ແລະ ຟ້າຮ້ອງຟ້າເຫລື້ອມ - C5ED237E034C4059B59B16C01F14CA96 - ວັນທີ 19-25 ເມສານີ້ ຈະມີຝົນຕົກໝັກ ແລະ ຟ້າຮ້ອງຟ້າເຫລື້ອມ
ວັນທີ 19-25 ເມສານີ້ ຈະມີຝົນຕົກໝັກ ແລະ ຟ້າຮ້ອງຟ້າເຫລື້ອມ - Untitled design - ວັນທີ 19-25 ເມສານີ້ ຈະມີຝົນຕົກໝັກ ແລະ ຟ້າຮ້ອງຟ້າເຫລື້ອມ

ກົມອຸຕຸນິຍົມ ແລະ ອຸທົກກະສາດ ລາຍງານໃຫ້ຮູ້ວ່າ: ໃນວັນທີ 19-25 ເມສານີ້ ຄວາມກົດດັນຕໍ່າຂອງອາກາດຮ້ອນຈະປົກຄຸມຢູ່ທົ່ວທຸກພາກຂອງ ປະເທດລາວດ້ວຍກໍາລັງປານກາງ, ສົມທົບກັບກະແສລົມຕາເວັນຕົກ ແລະ ຕາເວັນອອກສ່ຽງໃຕ້ພັດປົກຄຸມເປັນສ່ວນໃຫຍ່, ຊຶ່ງຈະເຮັດໃຫ້ອາກາດຮ້ອນ ຫາ ຮ້ອນເອົ້າ ພ້ອມມີໝອກແຫ້ງປົກຫຸ້ມຢູ່ທົ່ວໄປ ແລະ ມີຝົນຕົກຟ້າຮ້ອງ ຟ້າເຫລື້ອມໃນລະດັບຄ່ອຍເປັນບໍລິເວນກວ້າງຢູ່ໃນແຕ່ລະພາກ ແລະ ຕົກປານກາງ ຫາ ຕົກໜັກ ພ້ອມມີລົມພັດແຮງ, ຟ້າຜ່າ, ໝາກເຫັບຕົກ ເປັນບາງໂອກາດຢູ່ບາງທ້ອງຖິ່ນ ຢູ່ແຂວງ ພາກກາງ ແລະ ພາກໃຕ້.

ວັນທີ 19-25 ເມສານີ້ ຈະມີຝົນຕົກໝັກ ແລະ ຟ້າຮ້ອງຟ້າເຫລື້ອມ - 588 206x300 - ວັນທີ 19-25 ເມສານີ້ ຈະມີຝົນຕົກໝັກ ແລະ ຟ້າຮ້ອງຟ້າເຫລື້ອມ

ຄາດຄະເນສະພາບອາກາດ ໃນແຕ່ລະພາກດັ່ງລຸ່ມນີ້:

ພາກເໜືອດ້ານຕາເວັນອອກ: ອາກາດຮ້້ອນພ້ອມມີຝົນຕົກຟ້າຮ້ອງຟ້າເຫລື້ອມໃນລະດັບຄ່ອຍ ຫາ ປານກາງ ພ້ອມມີລົມພັດແຮງຢູ່ບາງທ້ອງຖິ່ນແຂວງ ຜົ້ງສາລີ, ຫົວພັນ ແລະ ຊຽງຂວາງ ອຸນຫະພູມຕ່ຳສຸດ 17-10 ອົງສາ ແລະ ສູງ ສຸດ 27–20 ອົງສາ.

ພາກເໜືອດ້ານຕາເວັນຕົກ: ອາກາດຮ້ອນ ຫາ ຮ້ອນເອົ້າ ພ້ອມມີໝອກແຫ້ງປົກຫຸ້ມໃນຕອນກາງເວັນ ແລະ ຈະມີຝົນຕົກຟ້າຮ້ອງຟ້າເຫລື້ອມ ໃນລະດັບຄ່ອຍເປັນບໍລິເວນກວ້າງ ແລະ ຕົກປານກາງ ຫາ ໜັກ ພ້ອມມີລົມພັດແຮງ ເປັນ ບາງໂອກາດຢູ່ບາງທ້ອງຖິ່ນ, ໂດຍສະເພາະຢູ່ແຂວງ ອຸດົມໄຊ, ຫລວງນ້ຳທາ, ບໍ່ແກ້ວ, ຫລວງພະບາງ ແລະ ໄຊຍະບູລີ ອຸນຫະພູມຕໍ່າສຸດ 21-23 ອົງສາ ແລະ ສູງສຸດ 36-33 ອົງສາ.

ວັນທີ 19-25 ເມສານີ້ ຈະມີຝົນຕົກໝັກ ແລະ ຟ້າຮ້ອງຟ້າເຫລື້ອມ - 696 206x300 - ວັນທີ 19-25 ເມສານີ້ ຈະມີຝົນຕົກໝັກ ແລະ ຟ້າຮ້ອງຟ້າເຫລື້ອມ

ພາກກາງ: ອາກາດຮ້ອນ ຫາ ຮ້ອນເອົ້າ ພ້ອມມີໝອກແຫ້ງປົກຫຸ້ມໃນຕອນກາງເວັນ ແລະ ມີຝົນຕົກຟ້າຮ້ອງຟ້າເຫລື້ອມ ໃນລະດັບຄ່ອຍຢູ່ເກືອບທົ່ວໄປ ແລະ ຕົກປານກາງ ຫາ ໜັກ ພ້ອມມີລົມພັດແຮງ, ຟ້າຜ່າ, ໝາກເຫັບຕົກ ເປັນບາງ ໂອກາດຢູ່ບາງທ້ອງຖິ່ນແຂວງ ວຽງຈັນ, ບໍລິຄໍາໄຊ, ຄໍາມ່ວນ ແລະ ສະຫວັນນະເຂດ ອຸນຫະພູມຕໍ່າສຸດ 23-25 ອົງສາ ແລະ ສູງສຸດ 30-30 ອົງສາ.

ສະເພາະແຂວງໄຊສົມບູນ: ອາກາດຫນາວເຢັນ ແລະ ມີຝົນຕົກຟ້າຮ້ອງຟ້າເຫລື້ອມໃນລະດັບຄ່ອຍເປັນບໍລິເວນກວ້າງ ພ້ອມຈະມີລົມພັດແຮງຢູ່ບາງບໍລິເວນ ອຸນຫະພູມຕ່ຳສຸດ 3-15 ອົງສາ ແລະ ສູງສຸດ 27-29 ອົງສາ.

ວັນທີ 19-25 ເມສານີ້ ຈະມີຝົນຕົກໝັກ ແລະ ຟ້າຮ້ອງຟ້າເຫລື້ອມ - Wave100S AD to Website 2020 0 - ວັນທີ 19-25 ເມສານີ້ ຈະມີຝົນຕົກໝັກ ແລະ ຟ້າຮ້ອງຟ້າເຫລື້ອມ

ພາກໃຕ້: ອາກາດຮ້ອນ ຫາ ຮ້ອນເອົ້າ ແລະ ມີຝົນຕົກຟ້າຮ້ອງຟ້າເຫລື້ອມໃນລະດັບຄ່ອຍ ຫາ ປານກາງ ແລະ ຕົກໜັກ ພ້ອມມີລົມພັດແຮງ, ຟ້າຜ່າ, ໝາກເຫັບຕົກ ເປັນບາງໂອກາດຢູ່ບາງທ້ອງຖິ່ນແຂວງ ສາລະວັນ, ຈໍາປາສັກ, ອັດຕະປື ແລະ ເຊກອງ ອຸນຫະພູມຕ່າສຸດ 24-26 ອົງສາ ແລະ ສູງສຸດ 30-30 ອົງສາ.

ວັນທີ 19-25 ເມສານີ້ ຈະມີຝົນຕົກໝັກ ແລະ ຟ້າຮ້ອງຟ້າເຫລື້ອມ - 845 206x300 - ວັນທີ 19-25 ເມສານີ້ ຈະມີຝົນຕົກໝັກ ແລະ ຟ້າຮ້ອງຟ້າເຫລື້ອມ

ສະເພາະເຂດພູພຽງບໍລະເວນ: ອາກາດຫນາວເຢັນ ແລະ ມີຝົນຕົກໃນລະດັບຄ່ອຍ ຫາ ປານກາງ ພ້ອມຈະມີລົມພັດ ແຮງຢູ່ບາງບໍລິເວນ ອຸນຫະພູມຕໍ່າສຸດ 13-15 ອົງສາ ແລະ ສູງສຸດ 25–27 ອົງສາ.

ນະຄອນຫລວງວຽງຈັນ: ອາກາດຮ້ອນ ພ້ອມມີໝອກແຫ້ງປົກຫຸ້ມໃນຕອນກາງເວັນ, ຈະມີຝົນຕົກຟ້າຮ້ອງຟ້າເຫລື້ອມໃນ ລະດັບຄ່ອຍ ຫາ ປານກາງ ພ້ອມມີລົມພັດແຮງຢູ່ບາງບໍລິເວນ ອຸນຫະພູມຕໍ່າສຸດ 22 + 24 ອົງສາ ແລະ ສູງສຸດ 35 – 37 ອົງສາ.

ຄໍາເຕືອນ ເພື່ອເຝົ້າລະວັງ ສະພາບອາກາດຮ້ອນເອົ້າຫຼາຍ ແລະ ພາຍຸຝົນຕົກຟ້າຮ້ອງຟ້າເຫລື້ອມ-ລົມພັດແຮງ: ໃນໄລຍະວັນທີ 10-25 ເມສາ 2021 ຄວາມກົດດັນຂອງອາກາດຮ້ອນຈະປົກຄຸມຢູ່ທົ່ວທຸກພາກຂອງ ປະເທດລາວດ້ວຍກໍາລັງປານກາງ, ສົມທົບກັບກະແສລົ້ມຕາເວັນຕົກ ແລະ ຕາເວັນອອກສ່ຽງໃຕ້ພັດປົກຄຸມເປັນ ສ່ວນໃຫຍ່, ຊຶ່ງຈະເຮັດໃຫ້ອາກາດຮ້ອນ ຫາ ຮ້ອນເອົ້າ ແລະ ມີຝົນຕົກຟ້າຮ້ອງຟ້າເຫລື້ອມໃນລະດັບຄ່ອຍ ເປັນ ບໍລິເວນກວ້າງຢູ່ໃນແຕ່ລະພາກ ແລະ ຕົກປານກາງ ຫາ ຕົກໜັກ ພ້ອມມີລົມພັດແຮງ, ຟ້າຜ່າ, ໝາກເຫັບຕົກ ເປັນ ບາງໂອກາດຢູ່ບາງທ້ອງຖິ່ນແຂວງ ພາກກາງ ແລະ ພາກໃຕ້.

ດັ່ງນັ້ນ, ຈຶ່ງຂໍແຈ້ງເຕືອນເຖິງປະຊາຊົນທີ່ອາໄສຢູ່ເຂດດັ່ງກ່າວ ຈົ່ງມີສະຕິລະມັດລະວັງຕໍ່ສະພາບອາກາດຮ້ອນ ຫາ ຮ້ອນເອົ້າ ທີ່ຈະເຮັດເກີດມີອັກຄີໄພ ແລະ ມີສະຕິລະມັດລະວັງຕໍ່ສະພາບພາຍຸຝົນຕົກຟ້າຮ້ອງຟ້າເຫລື້ອມ, ຟ້າຜ່າ ແລະ ໝາກເຫັບຕົກ ພ້ອມມີລົມພັດແຮງ ທີ່ຈະເຮັດໃຫ້ມີຕົ້ນໄມ້, ປ້າຍໂຄສະນາ ແລະ ເສົາໄຟຟ້າຫັກລົ້ມ, ໃນເວລາ ຝົນຕົກຟ້າຮ້ອງຟ້າເຫລື້ອມໃຫ້ຫຼີກລ່ຽງຈາກການໄປຢູ່ກ້ອງຕົ້ນໄມ້ໃຫຍ່ ເພາະອາດຈະຖືກຟ້າຜ່າໄດ້, ພ້ອມນີ້ ຂໍໃຫ້ ຕິດຕາມການລາຍງານຂ່າວສະພາບອາກາດຈາກກົມອຸຕຸນິຍົມ ແລະ ອຸທົກກະສາດ ຢ່າງເປັນປະຈໍາ.

 

ວັນທີ 19-25 ເມສານີ້ ຈະມີຝົນຕົກໝັກ ແລະ ຟ້າຮ້ອງຟ້າເຫລື້ອມ - WhatsApp Image 2020 05 27 at 5 - ວັນທີ 19-25 ເມສານີ້ ຈະມີຝົນຕົກໝັກ ແລະ ຟ້າຮ້ອງຟ້າເຫລື້ອມ
ວັນທີ 19-25 ເມສານີ້ ຈະມີຝົນຕົກໝັກ ແລະ ຟ້າຮ້ອງຟ້າເຫລື້ອມ - WhatsApp Image 2020 05 27 at 5 - ວັນທີ 19-25 ເມສານີ້ ຈະມີຝົນຕົກໝັກ ແລະ ຟ້າຮ້ອງຟ້າເຫລື້ອມ
No comments yet! You be the first to comment.

Leave a Reply

Your email address will not be published.

This site uses Akismet to reduce spam. Learn how your comment data is processed.

error: Alert: ເນື້ອຫາຂ່າວມີລິຂະສິດ !!