ການເລາະຊື້ເກັບເຫຼັກເສດ ກັບການຂີ້ລັກມັກມາພ້ອມກັນ

ການເລາະຊື້ເກັບເຫຼັກເສດ ກັບການຂີ້ລັກມັກມາພ້ອມກັນ - 79da9815 43ed 460f 8a01 79800c682ecc - ການເລາະຊື້ເກັບເຫຼັກເສດ ກັບການຂີ້ລັກມັກມາພ້ອມກັນ
ການເລາະຊື້ເກັບເຫຼັກເສດ ກັບການຂີ້ລັກມັກມາພ້ອມກັນ - Untitled design - ການເລາະຊື້ເກັບເຫຼັກເສດ ກັບການຂີ້ລັກມັກມາພ້ອມກັນ

ໂດຍ: ມຶກບໍ່ແຫ້ງ

ໃນໄລຍະຜ່ານມາ ເຈົ້າໜ້າທີ່ ປກສ ໄດ້ຊີ້ໃຫ້ເຫັນວ່າ ບັນຫາຂີ້ລັກງັດແງະ ກາຍເປັນບັນຫາຍໍ້ທໍ້ໜຶ່ງໃນສັງຄົມ ທີ່ຄວນໄດ້ຮັບການແກ້ໄຂ ແລະ ຮຽກຮ້ອງໃຫ້ບັນດາຮ້ານຮັບຊື້ເຫລັກເສດເປັນເຈົ້າການ ຊ່ວຍເປັນຫູເປັນຕາໃຫ້ເຈົ້າໜ້າທີ່.

ການຮັບຊື້ ການເກັບເຫຼັກເສດນັ້ນ ຜູ້ຂຽນຄິດວ່າເປັນເລື່ອງທີ່ດີ ເພາະວ່າເຂົາເຈົ້າ ເຫຼົ່ານັ້ນ ໄດ້ປະກອບສ່ວນສຳຄັນ ໃນການເກັບກູ້ເອົາ ບັນດາ ຊິ້ນສ່ວນ ຂອງເຫຼັກທີ່ບໍ່ໄດ້ນຳໃຊ້ແລ້ວ ໄປຜະລິດຄືນໃໝ່ ຫຼື ໝູນໃຊ້ຄືນໃໝ່ ເຊິ່ງເປັນ ຂະບວນການໜຶ່ງໃນການຫັນປ່ຽນ ຂອງເສດເຫຼືອໃຫ້ກາຍເປັນ ສິ່ງທີ່ສາມາດນຳໃຊ້ໄດ້ຄືນໃໝ່ ເພາະເປັນທີ່ສາມາດຫຼຸດຜ່ອນສິ່ງເສດເຫຼືອໄດ້ບໍ່ໜ້ອຍ ພ້ອມນັ້ນ ຍັງສ້າງວຽກເຮັດງານທຳແກ່ປະຊາຊົນຈຳນວນໜຶ່ງ.

ແຕ່ຂະນະດຽວກັນນັ້ນ ການເກັບຊື້ເຫຼັກເສດ ທີ່ພວກເຮົາມັກເຫັນ ຄົນທີ່ຂີ່ລົດຈັກ ຕໍ່ດ້ວຍລໍ້ທາງຫຼັງ ເພື່ອການຊອກເກັບຊື້ ເຫຼັກເສດ, ໝໍ້ໄຟ ແລະ ອື່ນໆ ເຊິ່ງສັງເກດເຫັນວ່າ ເຂົາເຈົ້າໄປທຸກຈອກທຸກແຈ ແລະຫຼັງຄາເຮືອນ ພ້ອມທັງ ກວດສາຍຕາ ບໍລິເວນບ້ານສະຖານທີ່ໄປພ້ອມ ເພື່ອໃຫ້ຫາຍຂໍ້ສົງໄສວ່າ ເຈົ້າຂອງບ້ານ ມີເຫຼັກເສດຂາຍ ຫຼືບໍ່?

ເຊິ່ງຈາກການ ເລາະຊອກເຊັ່ນນີ້ບາງຄັ້ງ ເຈົ້າຂອງເຮືອນບໍ່ຢູ່ບໍ່ມີຮົ້ວ ກໍມີຫຼາຍກໍລະນີ ທີ່ຜູ້ເກັບຊື້ມັກລັກເອົາສິ່ງຂອງເຫຼົ່ານັ້ນ ກ່ອນໄດ້ຮັບການອະນຸຍາດຈາກເຈົ້າຂອງ ຫຼື ບາງຄົນກໍວ່າ ມີຜູ້ເກັບຊື້ເຫຼັກເສດບາງຄົນ ມາຊອກຈອບເບິ່ງຂໍ້ມູນໃນເວລາກາງເວັນວ່າ ເຮືອນຫຼັງໃດມີເຫຼັກ ຫຼື ຂອງທີ່ເປັນລາຄາໄວ້ ແລ້ວພໍຕົກມາຮອດກາງຄືນກໍພະຍາຍາມມາຊອມລັກເອົາອັນນີ້ ກໍມີບໍ່ໜ້ອຍ.

ໃນເວລາດຽວກັນນັ້ນບັນດາຮ້ານເກັບຊື້ເຫຼັກເສດຍັງເປັນບ່ອນຮັບຊື້ ເຄື່ອງຂອງທີ່ຖືກລັກມາຈຳນວນບໍ່ໜ້ອຍ. ຜູ້ຂຽນມີເຮືອນອ່າວໃກ້ກັບຮ້ານເຫຼັກເສດປະມານ 300 ແມັດ ທີ່ມີເຈົ້າຂອງເປັນ ຄົນຕ່າງປະເທດ ມາເຊົ່າເຮືອນຄົນລາວຢູ່ ແລ້ວປະກອບການຮັບຊື້ເຫຼັກເສດ ແລະ ເຄື່ອງຂອງອື່ນໆ.

ການເລາະຊື້ເກັບເຫຼັກເສດ ກັບການຂີ້ລັກມັກມາພ້ອມກັນ - Wave100S AD to Website 2020 0 - ການເລາະຊື້ເກັບເຫຼັກເສດ ກັບການຂີ້ລັກມັກມາພ້ອມກັນ

ມີມື້ໜຶ່ງໄດ້ອະນາໄມເຮືອນພາຍຫຼັງການຕໍ່ເຕີມເຮືອນສຳເລັດ ປາກົດວ່າມີເຫຼັກເສດຈຳນວນໜຶ່ງ ທີ່ຢາກເອົາໄປໃຫ້ຮ້ານເຫຼັກເສດລ້າໆ ເພາະຈຳນວນບໍ່ຫຼາຍ. ພໍຂີ່ລົດເຂົ້າໄປໃນຮ້ານເກັບຊື້ເຫຼັກເສດນັ້ນ ກໍຕົກໃຈທີ່ວ່າ ມີແຕ່ເຫຼັກງາມໆຍັງໃໝ່, ຂໍເກາະກະເບື້ອງຍັງບໍ່ໄດ້ໃຊ້ ແລະ ເຄື່ອງຂອງອື່ນໆ ເຊິ່ງໄດ້ຖາມເຈົ້າຂອງຮ້ານ ລາວກໍບອກວ່າມີຄົນເອົາມາຂາຍໃຫ້ ເຊິ່ງອາດ ເປັນການລັກມາຈາກເຮືອນ ຫຼື ສະຖານທີ່ກຳລັງກໍ່ສ້າງ.

ເພາະສະນັ້ນ ຜູ້ຂຽນຈຶ່ງຕັ້ງຄຳຖາມວ່າ ພາກສ່ວນໃດຮັບຜິດຊອບຄຸ້ມຄອງ ຮ້ານເກັບເຫຼັກເສດ? ແລະເປັນຫຍັງສ່ວນຫຼາຍຈຶ່ງມີແຕ່ຄົນຕ່າງປະເທດ ໂດຍສະເພາະ ຜູ້ປະກອບການມາຈາກຫວຽດນາມ? ອັນນີ້ ຜູ້ຂຽນກໍຂໍແລກປ່ຽນນຳທ່ານຜູ້ອ່ານ ເຊິ່ງໃນຄວາມຄິດແລ້ວ ຖ້າຫາກຮ້ານເກັບເຫຼັກເສດ ໄດ້ຮັບການຄຸ້ມຄອງທີ່ດີ ເຊັ່ນ: ການລົງກວດກາຂອງເຈົ້າໜ້າທີ່ວ່າ ບັນດາເຄື່ອງຂອງໃນຮ້ານນັ້ນເປັນເຫຼັກເສດແທ້ ແຕ່ບໍ່ແມ່ນບ່ອນຊື້-ຂາຍເຄື່ອງຂອງທີ່ລັກມາທີ່ຫຼາຍຄົນກຳລັງ ກໍ່ສ້າງເຮືອນຊານກໍເຄີຍມີປະສົບການເຄື່ອງເສຍ.

ຮ້ານຮັບຊື້ເຫຼັກເສດ ຄວນໄດ້ຮັບການຄຸ້ມຄອງ ແລະກວດກາ ທີ່ດີກວ່ານີ້ ຈາກເຈົ້າໜ້າທີ່ ທີ່ກ່ຽວຂ້ອງເພື່ອຮັບປະກັນໄດ້ວ່າ ຮ້ານຮັບຊື້ເຫຼັກເສດຈຳນວນໜຶ່ງ ບໍ່ແມ່ນບ່ອນສວຍໃຊ້ເພື່ອການສົ່ງເສີມການຂີ້ລັກງັດແງະທີ່ສ້າງຄວາມບໍ່ສະຫງົບ ໃນສັງຄົມ. ແລະພ້ອມນັ້ນ ຄວນມີລະບຽບຄຸ້ມຄອງທັງຜູ້ປະກອບການ ແລະ ຜູ້ເກັບຊື້ ເຫຼັກເສດໃຫ້ດີກວ່າເກົ່າ.

ການເລາະຊື້ເກັບເຫຼັກເສດ ກັບການຂີ້ລັກມັກມາພ້ອມກັນ - WhatsApp Image 2020 05 27 at 5 - ການເລາະຊື້ເກັບເຫຼັກເສດ ກັບການຂີ້ລັກມັກມາພ້ອມກັນ
ການເລາະຊື້ເກັບເຫຼັກເສດ ກັບການຂີ້ລັກມັກມາພ້ອມກັນ - WhatsApp Image 2020 05 27 at 5 - ການເລາະຊື້ເກັບເຫຼັກເສດ ກັບການຂີ້ລັກມັກມາພ້ອມກັນ
No comments yet! You be the first to comment.

Leave a Reply

Your email address will not be published.

This site uses Akismet to reduce spam. Learn how your comment data is processed.

error: Alert: ເນື້ອຫາຂ່າວມີລິຂະສິດ !!