NASA ສ້າງປະຫວັດສາດ ນຳເອົາເຮລິກົບແຕຂຶ້ນບິນ ໃນຊັ້ນບັນຍາກາດດາວອັງຄານສຳເລັດ

NASA ສ້າງປະຫວັດສາດ ນຳເອົາເຮລິກົບແຕຂຶ້ນບິນ ໃນຊັ້ນບັນຍາກາດດາວອັງຄານສຳເລັດ - ncam flight10000000 - NASA ສ້າງປະຫວັດສາດ ນຳເອົາເຮລິກົບແຕຂຶ້ນບິນ ໃນຊັ້ນບັນຍາກາດດາວອັງຄານສຳເລັດ
NASA ສ້າງປະຫວັດສາດ ນຳເອົາເຮລິກົບແຕຂຶ້ນບິນ ໃນຊັ້ນບັນຍາກາດດາວອັງຄານສຳເລັດ - Untitled design - NASA ສ້າງປະຫວັດສາດ ນຳເອົາເຮລິກົບແຕຂຶ້ນບິນ ໃນຊັ້ນບັນຍາກາດດາວອັງຄານສຳເລັດ

ນາ​ຊາ ປະສົບ​ຜົນສຳ​ເລັດ​ໃນ​ການ​ເຮັດ​ໃຫ້​ເຮ​ລິ​ກົບ​ແຕສາມາດ​ຂຶ້ນບິນ​ເທິງ​ດາວ​ອັງຄານ​ໄດ້​ເປັນຄັ້ງທຳ​ອິດ.

ວັນ​ທີ 19 ​ເມສາ 2021, ອົງການ​ບໍລິ​ຫານ​ການບິນ ​ແລະ ອະວະກາດ​ແຫ່ງ​ຊາດ ຫລື ນາ​ຊາ (NASA) ປະກາດ​ວ່າ: ​ເຮ​ລິ​ກົບ​ແຕ Ingenuity ທີ່​ຖືກ​ສົ່ງ​ຂຶ້ນ​ໄປ​ເທິງ​ດາວ​ອັງຄານ ກາຍ​ເປັນ​ເຮືອບິນ​ລຳ​ທຳ​ອິດ​ໃນ​ປະຫວັດສາດ​ທີ່​ສາມາດ​ໃຊ້​ພະລັງງານ​ຄວບ​ຄຸມ ​ແລະ ບັງຄັບ​ໄດ້​ເທິງ​ດາວ​ໜ່ວຍ​ອື່ນ​ນອກ​ໂລກ.

​ເຮ​ລິ​ກົບ​ແຕທີ່​ໃຊ້​ພະລັງງານ​ແສງຕາ​ເວັນ​ລຳ​ນີ້​ເລີ່​ມຂຶ້ນບິນ​ເມື່ອ​ເວລາ 12:33 ​ໂມງ ຕາມ​ເວລາ​ສຸລິຍະ​ຄະຕິ (​ເວລາ​ເທິງ​ດາວ​ອັງຄານ) ຫລື 14:34 ​ໂມງ ຕາມ​ເວລາ​ປະ​ເທດ​ລາວ ​ເຊິ່ງ​ເປັນ​ເວລາ​ທີ່​ທີ​ມງານ​ພິຈາລະນາ​ແລ້ວ​ວ່າ​ເໝາະ​ສົມ​ກັບ​ການ​ຮັບ​ພະລັງງານ ​ແລະ ມີ​ສະພາບ​ອາກາດ​ສຳລັບ​ຂຶ້ນບິນ​ດີ​ທີ່​ສຸດ ຈຶ່ງ​ໄດ້​ມີ​ການບິນ​ດ້ວຍ​ຄວາມ​ສູງ 3 ​ແມັດ ​ແລະ ຮັກສາ​ລະດັບ​ໄວ້​ເປັນ​ເວລາ 30 ວິນາທີ ກ່ອນ​ຈະ​ລົງ​ຈອດ​ໂດຍ​ໃຊ້​ເວລາ​ບິນ​ທັງ​ໝົດ 39,1 ວິນາທີ.

ການ​ຂຶ້ນບິນ​ເທິງ​ດາວ​ອັງຄານ​ນັ້ນ​ເຕັມ​ໄປ​ດ້ວຍ​ປັດ​ໄຈ​ຕ່າງໆ​ຫລາຍ​ຢ່າງ​ທີ່​ແຕກ​ຕ່າງ​ຈາກ​ໜ່ວຍ​​ໂລກ. ຂໍ້​ມູນ​ຂອງ​ນາ​ຊາ​ລະບຸ​ວ່າ: ​ແຮງ​ໂນ້ມຖ່ວງ​ຂອງ​ດາວ​ອັງຄານ​ຄິດ​ເປັນ 1 ​ໃນ 3 ຂອງ​ແຮງ​ໂນ້ມຖ່ວງ​ໃນ​ໂລກ ​ແລະ ມີ​ຊັ້ນບັນຍາກາດ​ທີ່​ເບົາບາງ​ພຽງ 1% ​ເມື່ອ​ທຽບ​ໃສ່​ແຮງ​ກົດ​ອາກາດ​ໃນ​ໂລກ ຈຶ່ງ​ມີ​ໂມ​ເລ​ກຸນ​ອາກາດ​ນ້ອຍ​ຫລາຍ​ທີ່​ຈະ​ເຮັດ​ປະຕິກິລິຍາ​ກັບ​ໃບ​ພັດ​ຂອງ​ເຮ​ລິ​ກົບ​ແຕ​ໄດ້.

ຕົວ​ເຮ​ລິ​ກົບ​ແຕອິນ​ຈີ​ນູອິຕີ​ຈຶ່ງ​ຕ້ອງ​ໃຊ້​ສ່ວນ​ປະກອບ​ຊະນິດ​ພິ​ເສດ​ທີ່​ບໍ່​ມີ​ວາງ​ຂາຍ​ໃນ​ຕະຫລາດ​ທົ່ວ​ໄປ ສ່ວນ​ຫລາຍ​ແລ້ວ​ເອົາ​ມາ​ຈາກ​ອຸດສາຫະກຳ​ສະມາດ​ໂ​ຟນ ​ແລະ ​ເອົາ​ມາ​ໃຊ້​ທົດ​ລອງ​ໃນ​ອະວະກາດ​ເປັນຄັ້ງທຳ​ອິດ​ໃນ​ພາລະກິດ​ນີ້.

NASA ສ້າງປະຫວັດສາດ ນຳເອົາເຮລິກົບແຕຂຶ້ນບິນ ໃນຊັ້ນບັນຍາກາດດາວອັງຄານສຳເລັດ - Wave100S AD to Website 2020 0 - NASA ສ້າງປະຫວັດສາດ ນຳເອົາເຮລິກົບແຕຂຶ້ນບິນ ໃນຊັ້ນບັນຍາກາດດາວອັງຄານສຳເລັດ

ການ​ນຳ​ເອົາ​ເຮ​ລິ​ກົບ​ແຕຂຶ້ນບິນ​ເທິງ​ດາວ​ອັງຄານ​ຄັ້ງນີ້​ຖື​ເປັນ​ອີກ​ບາດກ້າວ​ຂອງ​ມະນຸດ ທີ່​ສາມາດ​ຂ້າມ​ຜ່ານ​ອຸປະສັກ​ໃນ​ການ​ສໍາຫລວດ​ດາວ​ອັງຄານ​ໄດ້ ​ເຮັດ​ໃຫ້​ນັກວິທະຍາສາດ​ມີ​ໂອກາດ​ຈະ​ເກັບ​ຂໍ້​ມູນ​ຕ່າງໆ​ໄດ້​ຫລາຍ​ຂຶ້ນ ​ເພື່ອ​ນຳ​ມາ​ຕໍ່​ຍອດ​ສຳລັບ​ພາລະກິດ​ຕໍ່​ໄປ​ໃນ​ອະນາຄົດ.

ອ້າງ​ອີງ:

https://www.nasa.gov/…/nasa-s-ingenuity-mars-helicopter…

NASA ສ້າງປະຫວັດສາດ ນຳເອົາເຮລິກົບແຕຂຶ້ນບິນ ໃນຊັ້ນບັນຍາກາດດາວອັງຄານສຳເລັດ - WhatsApp Image 2020 05 27 at 5 - NASA ສ້າງປະຫວັດສາດ ນຳເອົາເຮລິກົບແຕຂຶ້ນບິນ ໃນຊັ້ນບັນຍາກາດດາວອັງຄານສຳເລັດ
NASA ສ້າງປະຫວັດສາດ ນຳເອົາເຮລິກົບແຕຂຶ້ນບິນ ໃນຊັ້ນບັນຍາກາດດາວອັງຄານສຳເລັດ - WhatsApp Image 2020 05 27 at 5 - NASA ສ້າງປະຫວັດສາດ ນຳເອົາເຮລິກົບແຕຂຶ້ນບິນ ໃນຊັ້ນບັນຍາກາດດາວອັງຄານສຳເລັດ
No comments yet! You be the first to comment.

Leave a Reply

Your email address will not be published.

This site uses Akismet to reduce spam. Learn how your comment data is processed.

error: Alert: ເນື້ອຫາຂ່າວມີລິຂະສິດ !!