ອົດສະຕຣາລີ-ນິວຊີແລນ ເປີດປະເທດ ເລີ່ມໂຄງການ Travel Bubble
ອົດສະຕຣາລີ-ນິວຊີແລນ ເປີດປະເທດ ເລີ່ມໂຄງການ Travel Bubble ຫລັງແຈກວັກຊີນໄວ ແລະ ທົ່ວເຖິງ ເຮັດໃຫ້ສະຖານະການດີຂຶ້ນ.
ຮູບວິນາທີແຫ່ງຄວາມປະທັບໃຈຂອງຄອບຄົວໜຶ່ງ ໄດ້ກັບມາພົບກັນອີກ ຫລັງຈາກປິດລັອກດາວປະເທດເພື່ອປ້ອງກັນການແຜ່ກະຈາຍເຊື້ອໂຄວິດ-19 ຫລາຍຄອບຄົວເອງກໍໄດ້ກັບມາພົບລູກຫລານ ແລະ ສາມາດຈະກອດກັນໄດ້ຢ່າງສະບາຍໃຈ ເນື່ອງຈາກອົດສະຕຣາລີ ແລະ ນິວຊີແລນມີການສັກວັກຊີນໃຫ້ປະຊາຊົນຢ່າງທົ່ວເຖິງ ແລະ ວ່ອງໄວ ຈົນເຮັດໃຫ້ຜູ້ຕິດເຊື້ອຫລຸດລົງຢ່າງຕໍ່ເນື່ອງ.
ໂດຍໂຄງການນີ້ເລີ່ມແຕ່ວັນທີ 19 ເມສາຜ່ານມາ ຫລັງຈາກທັງ 2 ປະເທດປະກາດອອກໄປ ຈຳນວນຈອງປີ້ເຮືອບິນເພີ່ມຂຶ້ນຫລັກພັນຢ່າງວ່ອງໄວ ປະຊາຊົນຕ່າງເຝົ້າລໍ ຫລັງຈາກບໍ່ໄດ້ອອກນອກປະເທດມາດົນກວ່າ 400 ວັນ. ທັງນີ້ ບໍ່ໄດ້ມີການໃຫ້ຜູ້ທີ່ເດີນທາງຂ້າມປະເທດຕ້ອງກັກຕົວ 14 ວັນແຕ່ຢ່າງໃດ ພຽງແຕ່ຂໍໃຫ້ຍັງລະມັດລະວັງຕົວໃນການເບິ່ງແຍງສຸຂະອະນາໄມຕະຫລອດເທົ່ານັ້ນ.
