ຮ່ວມ​ໃຈ​ກັນ​ຕ້ານ​ໂຄ​ວິດ-19 ຄືພາລະກິດຍິ່ງໃຫຍ່ຫລັງສົງການ

ຮ່ວມ​ໃຈ​ກັນ​ຕ້ານ​ໂຄ​ວິດ-19 ຄືພາລະກິດຍິ່ງໃຫຍ່ຫລັງສົງການ - 175159457 3739542219500975 5557165068341893098 n - ຮ່ວມ​ໃຈ​ກັນ​ຕ້ານ​ໂຄ​ວິດ-19 ຄືພາລະກິດຍິ່ງໃຫຍ່ຫລັງສົງການ
ຮ່ວມ​ໃຈ​ກັນ​ຕ້ານ​ໂຄ​ວິດ-19 ຄືພາລະກິດຍິ່ງໃຫຍ່ຫລັງສົງການ - Untitled design - ຮ່ວມ​ໃຈ​ກັນ​ຕ້ານ​ໂຄ​ວິດ-19 ຄືພາລະກິດຍິ່ງໃຫຍ່ຫລັງສົງການ

ໂດຍ: ທິດ​ກໍ່າ

ການສະ​ເຫລີ​ມສະຫລອງ​ສົ່ງ​ທ້າຍ​ປີ​ເກົ່າ ພສ 2563 ​ແລະ ຕ້ອນຮັບ​ປີ​ໃໝ່ ພສ 2564 ​ໄດ້​ຜ່ານ​ພົ້ນ​ໄປ​ດ້ວຍ​ບັນຍາກາດ​ທີ່​ສະຫງົບ​ຈົບງາມ, ຕາມ​ຮີດຄອງ​ປະ​ເພນີ ​ແລະ ວັດທະນະທຳ​ອັນ​ດີງາມ​ຂອງ​ຊາດ. ​ໃນ​ໂອກາດ​ການສະ​ເຫລີ​ມສະຫລອງ​ປີ​ໃໝ່​ປີ​ນີ້ ຖ້າ​ທຽບ​ໃສ່ປີ ພສ 2562 ກັບ ພສ 2563 ​ແລ້ວ ​ເຫັນ​ວ່າ​ຂ້ອນ​ຂ້າງ​ດີກ​ວ່າ​ເກົ່າ ຍ້ອນ​ວ່າ​ປະຊາຊົນ​ບັນດາ​ເຜົ່າ​ໃນ​ທົ່ວ​ປະ​ເທດ​ພ້ອມ​ກັນ​ມີ​ສະຕິ ​ແລະ ​ເປັນ​ເຈົ້າການ​ປະຕິບັດ​ບັນດາ​ມາດ​ຕະການ​ປ້ອງ​ກັນ, ສະກັດ​ກັ້ນ ​ແລະ ​ແກ້​ໄຂ​ການ​ແຜ່​ລະບາດ​ຂອງ​ພະຍາດ​ໂຄ​ວິດ-19 ຂອງ​ຄະນະ​ສະ​ເພາະ​ກິດ ກໍ​ຄື​ແຈ້ງ​ການ​ຂອງ​ຫ້ອງ​ວ່າການ​ລັດຖະບານ​ວາງ​ອອກ​ຢ່າງ​ເຂັ້ມງວດ ​ແລະ ​​ໄດ້​ດີ​ເປັນ​ຢ່າງ​ຍິ່ງ.

​ແຕ່​ແນວ​ໃດ​ກໍ​ຕາມ, ຜ່ານ​ການ​ສະຫລອງ​ສົ່ງ​ທ້າຍ​ປີ​ເກົ່າ ຕ້ອນຮັບ​ປີ​ໃໝ່​ປີ​ນີ້ ຊ່ວງ​ໄລຍະ 3 ມື້ ຄື​ນັບ​ແຕ່​ວັນ​ທີ 14 ຫາ ວັນ​ທີ 16 ​ເມສາ 2021 ທາງ​ເຈົ້າໜ້າ​ທີ່​ກົມ​ຕຳຫລວດ​ຈະລາຈອນ​ໄດ້​ສະຫລຸບ​ລາຍ​ງານ​ເປັນ​ຕົວ​ເລກ​ຕົວ​ຜາ​ຢ່າງ​ລະອຽດ​ອອກ​ມາ​ວ່າ: ​ໃນ​ທົ່ວ​ປະ​ເທດ​ມີ​ອຸປະຕິ​ເຫດ​ເກີດ​ຂຶ້ນ 220 ກວ່າ​ລາຍ, ມີ​ຄົນ​ເສຍ​ຊີວິດ​ເຖິງ 30 ຄົນ, ບາດ​ເຈັບ 390 ກວ່າ​ຄົນ, ພາຫະນະ​ເປ່​ເພ 400 ກວ່າ​ຄັນ. ນີ້​ກໍ​ຖື​ວ່າ​ເປັນ​ຜົນ​ເສຍ​ຫາຍ​ຢ່າງ​ໃຫຍ່​ຫລວງ​ພໍ​ສົມຄວນ​ຕໍ່​ສັງຄົມ ​ແລະ ປະ​ເທດ​ຊາດ. ​ໄປ​ຄຽງ​ຄູ່​ກັບ​ການ​ກຽມ​ຈິດ​ກຽມ​ໃຈ​ສະຫລອງ​ປີ​ໃໝ່​ໃນ​ປີ​ນີ້ ສິ່ງ​ທີ່​ມາ​ອາ​ລະວາ​ດຂັດຂວາງ​ກ່ອນມື້ຫລິ້ນບຸນປີ​ໃໝ່​ກໍ​ແມ່ນ​ພະຍາດ​ໂຄ​ວິດ-19 ​ໄດ້​ເລີ່​ມລະບາດ​ອີກ​ຮອບ​ໃໝ່​ໃນ​ບັນດາ​ປະ​ເທດ​ອ້ອມ​ຂ້າງ ນັບ​ທັງ​ພາກພື້ນ ​ແລະ ​ໃນ​ໂລກ.

ສ່ວນ​ຢູ່​ປະ​ເທດ​ເຮົາ​ກໍ​ມີ​ຜູ້​ຕິດ​ເຊື້ອຕື່ມ​ຂຶ້ນອີກ​ຈົນ​ຮອດ​ລາຍ​ທີ 60 ​ໃນ​ຈຳນວນ​ຜູ້​ທີ່​ຖືກ​ຕິດ​ເຊື້ອສະ​ສົມ​ທັງ​ໝົດ​ໃນ​ທົ່ວ​ປະ​ເທດ. ສ່ວນ​ຫລາຍ​ແມ່ນ​ແຮງ​ງານ​ລາວ​ທີ່​ລັກ​ຂ້າມ​ມາ​ແຕ່​ໄທ​ດ້ວຍ​ເຮືອ​ນ້ອຍ ​ໂດຍ​ບໍ່​ຖືກຕ້ອງ​ຕາມ​ລະບຽບ​ກົດໝາຍ, ຊ້ຳບໍ່​ໜຳ ຂ້າມ​ມາ​ແລ້ວ​ພັດ​ບໍ່​ໄດ້​ໄປ​ລາຍ​ງານ​ຕົວ​ເພື່ອ​ເຂົ້າສູນ​ກັກ​ກັນ ​ແລະ ຍິ່ງ​ໄປ​ກວ່າ​ນັ້ນ ພັດ​ຍັງ​ໄປ​ສຳຜັດ​ກັບ​ຄົນ​ອື່ນ​ໃນ​ຫລາຍ​ຈຸດ​ຫລາຍ​ບ່ອນ ຈຶ່ງ​ເປັນ​ເຫດ​ໃຫ້​ເກີດ​ຄວາມ​ວຸ້ນວາຍ​​ໄປ​ໃນ​ທົ່ວ​ປະ​ເທດ ທັງ​ເຮັດ​ໃຫ້​ສະພາບ​ຈິດ​ໃຈ​ຂອງ​ຄົນ​ພາຍ​ໃນ​ປະ​ເທດ​ທີ່​ພວມ​ຕັ້ງຈິດຕັ້ງ​ໃຈ​ສະຫລອງ​ບຸນປີ​ໃໝ່ ພສ 2564 ຕ້ອງ​ໝົດ​ຄວາມ​ຫວັງ ​ແລະ ໝົດ​ສັດທາ​ໄປ​ຕາມໆ​ກັນ. ຍັງ​ບໍ່​ພຽງ​ແຕ່​ເທົ່າ​ນັ້ນ ມີ​ບາງ​ຄົນ​ຂ້າມ​ມາ​ແລ້ວ​ພັດ​ປິດ​ບັງ​ອຳ​ພາງ ທັງ​ໄປ​ເລາະ​ທ່ຽວ​ສຳຜັດ​ໃນ​ຫລາຍ​ຈຸດຫລາຍ​ບ່ອນ​ຈົນ​ເຮັດ​ໃຫ້​ເຈົ້າໜ້າ​ທີ່​ກ່ຽວຂ້ອງ​ຕ້ອງຕາ​ມລ່າ​ຊອກ​ຫາ​ດ້ວຍ​ຄວາມ​ລຳບາກ ​ແລະ ມີ​ຫລາຍ​ເມືອງ, ຫລາຍ​ແຂວງ ຈົນ​ເຖິງ​ຂັ້ນ​ໄດ້​ປິດ​ການ​ສັນຈອນ, ປິດ​ການ​ຮຽນ-ການ​ສອນ​ຂອງ​ຄູ ​ແລະ ນັກຮຽນ, ປິດ​ສະຖານ​ບັນ​ເທີ​ງ, ຮ້ານ​ອາຫານ ​ແລະ ງານ​ພົບ​ປະ​ແບບ​ມວນ​ຊົນ​ທີ່​ມີ​ຄົນ​ຈຳນວນ​ຫລາຍ​ໃນ​ຂອບ​ເຂດ​ທ້ອງ​ຖິ່ນ​ຂອງ​ຕົນ​ ​ເຊັ່ນ​ແຂວງ​ສາລະ​ວັນ, ສະຫວັນ​ນະ​ເຂດ, ຄຳ​ມ່ວນ, ບໍລິ​ຄຳ​ໄຊ ​ແລະ ນັບ​ທັງ​ນະຄອນຫລວງ​ວຽງ​ຈັນ. ນີ້​ຄື​ສັນຍານ​ການ​ແຜ່​ລະບາດ​ອີກ​ຮອບ​ໃໝ່​ຂອງ​ພະຍາດ​ໂຄ​ວິດ-19 ທີ່​ໜ້າ​ເປັນ​ຫ່ວງ ​ແລະ ວິຕົກ​ສຳລັບ​ຢູ່​ໃນ​ປະ​ເທດ​ຂອງ​ພວກ​ເຮົາ​ໃນ​ສະພາບ​ປັດຈຸບັນ.

ຮ່ວມ​ໃຈ​ກັນ​ຕ້ານ​ໂຄ​ວິດ-19 ຄືພາລະກິດຍິ່ງໃຫຍ່ຫລັງສົງການ - Wave100S AD to Website 2020 0 - ຮ່ວມ​ໃຈ​ກັນ​ຕ້ານ​ໂຄ​ວິດ-19 ຄືພາລະກິດຍິ່ງໃຫຍ່ຫລັງສົງການ

​ເຖິງ​ຢ່າງ​ໃດ​ກໍ​ດີ, ສຳລັບ ສປປ ລາວ​ເຮົາ​ແລ້ວ ມາ​ຮອດ​ປັດຈຸບັນ​ຖື​ວ່າ​ມີ​ຜູ້​ຕິດ​ເຊື້ອສະ​ສົມ​ພຽງ 60 ຄົນ ​ແລະ ແຕ່ບໍ່​​ມີ​ຜູ້​ໃດ​ເສຍ​ຊີວິດ​, ​ຖ້າ​ປຽບທຽບ​ໃສ່​ຊ່ວງ​ປີ​ໃໝ່​ພຽງ​ສາມ​ວັນ​ໄດ້​ເຮັດ​ໃຫ້​ຄົນ​ເສຍ​ຊີວິດຈາກອຸປະຕິເຫດ​ເຖິງ 30 ກວ່າ​ຄົນ. ນອກຈາກ​ນັ້ນ ກໍ​ຍັງ​ມີ​ວັດຖຸ​ຊັບ​ສິນ​ອື່ນໆ​ເປ່​ເພ​ເສຍ​ຫາຍ​ເປັນ​ຈຳນວນ​ບໍ່​ໜ້ອຍ ​ເມື່ອ​ຕັ້ງ​ໂຈດ​ກັນ​ວ່າ: ​ເພື່ອ​ຫລີກ​ລ່ຽງການ​ແຜ່​ລະບາດ​ຂອງ​ພະຍາດ​ໂຄ​ວິດ-19 ທີ່​ຈະ​ມາ​ອີກ​ຮອບ​ໃໝ່ ພວກ​ເຮົາ​ຈະ​ຕ້ອງ​ເຮັດ​ແນວ​ໃດ ? ຄຳ​ຕອບ​ໂຈດ​ນັ້ນກໍ​ຂຶ້ນກັບ​ພວກ​ເຮົາ​ເອງ​ຕ້ອງ​ເປັນ​ເຈົ້າການ​ຮັກສາ​ຊີວິດ​ຂອງ​ຕົນ​ເອງ, ຄອບຄົວ​, ສັງຄົມ ​ແລະ ປະ​ເທດ​ຊາດ ​ໂດຍ​ພ້ອມ​ກັນ​ປະຕິບັດ​ລະບຽບ​ກົດໝາຍ ​ແລະ ປະຕິບັດ​ບັນດາ​ມາດ​ຕະການ​ຕ້ານ, ສະກັດ​ກັ້ນ ​ແລະ ​ແກ້​ໄຂ​ການ​ແຜ່​ລະບາດ​ຂອງ​​ເຊື້ອພະຍາດ​ໂຄ​ວິດ-19 ທີ່​ທາງ​ລັດຖະບານ ກໍ​ຄື​ຄະນະ​ສະ​ເພາະ​ກິດ​ວາງ​ອອກ​ໃຫ້​ເຂັ້ມງວດ ກໍ​ຖື​ວ່າ​ເປັນ​ວິທີ​ທາງ​ທີ່​ດີ​ເລີດ. ນອກຈາກ​ນັ້ນ ​ໃນ​ປັດຈຸບັນ ທາງ​ການ​ເຮົາ​ເພິ່ນ​ມີ​ແຜນ​ສັກ​ຢາ​ວັກ​ຊີ​ນ​ໃຫ້​ກຸ່ມ​ເປົ້າໝາຍ​ຕ່າງໆ ນັບ​ທັງ​ມວນ​ຊົນ​ທົ່ວ​ໄປ​ຢ່າງ​ຮຽບຮ້ອຍ ​ແລ້ວ​ຢ່າ​ພາກັນ​ລັ່ງ​ເລ​ໃຈ​ຂ້ຽວ​ພາກັນ​ໄປ​ສັກ​ຕາມ​ວິທີ​ການ​ຂອງ​ແພດ​ໝໍ ​ແລະ ສິ່ງ​ສຳຄັນ​ອີກ​ຢ່າງ​ໜຶ່ງ ກໍ​ຄື​ຢ່າ​ພາກັນ​ລັກ​ຂ້າມ​ຂອງ​ມາ​ແຕ່​ໄທ​ແບບ​ຜິດ​ກົດໝາຍ ຖ້າ​ຍັງ​ລະ​ເມີດ​ຖື​ເບົາ​ຈະ​ພາກັນ​ຕາຍ​ຍ້ອນ​ພວກ​ຈັງ​ໄຮ​ທີ່​ບໍ່​ຍອມ​ປະຕິບັດ​ລະບຽບ​ກົດໝາຍ​ຂອງ​ບ້ານ​ເມືອງ​ນັ້ນ​ເອງ.

ຮ່ວມ​ໃຈ​ກັນ​ຕ້ານ​ໂຄ​ວິດ-19 ຄືພາລະກິດຍິ່ງໃຫຍ່ຫລັງສົງການ - WhatsApp Image 2020 05 27 at 5 - ຮ່ວມ​ໃຈ​ກັນ​ຕ້ານ​ໂຄ​ວິດ-19 ຄືພາລະກິດຍິ່ງໃຫຍ່ຫລັງສົງການ
ຮ່ວມ​ໃຈ​ກັນ​ຕ້ານ​ໂຄ​ວິດ-19 ຄືພາລະກິດຍິ່ງໃຫຍ່ຫລັງສົງການ - WhatsApp Image 2020 05 27 at 5 - ຮ່ວມ​ໃຈ​ກັນ​ຕ້ານ​ໂຄ​ວິດ-19 ຄືພາລະກິດຍິ່ງໃຫຍ່ຫລັງສົງການ
No comments yet! You be the first to comment.

Leave a Reply

Your email address will not be published.

This site uses Akismet to reduce spam. Learn how your comment data is processed.

error: Alert: ເນື້ອຫາຂ່າວມີລິຂະສິດ !!