ນິວຊີແລນພົບຜູ້ຕິດເຊື້ອໂຄວິດໃໝ່ ຫລັງເປີດ Travel Bubble
ຫລັງຈາກວັນທີ 19 ເມສາ 2021 ມີພາບບັນຍາກາດການດີໃຈທີ່ຊາວອົດສະຕຣາລີ ແລະ ນິວຊີແລນໄດ້ພົບໜ້າກັນ ເນື່ອງຈາກການເປີດໂຄງການ Travel Bubble ເປັນມື້ທຳອິດ, ວັນທີ 20 ເມສາ ນິວຊີແລນພັດພົບວ່າ: ພະນັກງານສາຍການບິນຄົນໜຶ່ງຕິດເຊື້ອໂຄວິດ.
ສະໜາມບິນໃນເມືອງໂອ໊ກແລນ ຂອງນິວຊີແລນ ພົບພະນັກງານຄົນໜຶ່ງຕິດເຊື້ອໂຄວິດ, ເບື້ອງຕົ້ນລາຍງານຂ່າວລະບຸວ່າ: ກໍລະນີດັ່ງກ່າວບໍ່ກ່ຽວຂ້ອງກັບໂຄງການ Travel Bubble ແລະ ຖ້ຽວບິນລະຫວ່າງນິວຊີແລນ ແລະ ອົດສະຕຣາລີຍັງບໍ່ມີການລະງັບແຕ່ຢ່າງໃດ.
ທ່ານ ນາງ ຈາຊິນດາ ອາເດິນ ນາຍົກລັດຖະມົນຕີນິວຊີແລນ ອອກມາຖະແຫລງວ່າ: ຜູ້ຕິດເຊື້ອເປັນພະນັກງານອະນາໄມເຮືອບິນ ເຊິ່ງບິນມາຈາກປະເທດທີ່ມີຄວາມສ່ຽງສູງ.
ທ່ານບອກວ່າ: ພະນັກງານທຸກຄົນໄດ້ຮັບການສັກວັກຊີນໂຄວິດແລ້ວ, ແຕ່ເນັ້ນວ່າ: ວັກຊີນບໍ່ໄດ້ປ້ອງກັນການຕິດເຊື້ອ ພຽງແຕ່ເຮັດໃຫ້ຜູ້ຕິດເຊື້ອບໍ່ມີອາການປ່ວຍ ແລະ ເສຍຊີວິດເທົ່ານັ້ນ.
ເຖິງຢ່າງໃດກໍຕາມ, ທ່ານ ນາງ ອາເດິນ ຄາດວ່າ: ກໍລະນີຕິດເຊື້ອນີ້ຈະບໍ່ກະທົບໂຄງການ Travel Bubble ລະຫວ່າງ ນິວຊີແລນ-ອົດສະຕຣາລີ.
