ຜູ້ນຳຈີນ ຮຽກຮ້ອງໃຫ້ມີການລວມກຸ່ມທາງເສດຖະກິດຟື້ນຟູໂລກ

- WeWork agrees 9 billion SPAC merger masolata 2 1 1 - ຜູ້ນຳຈີນ ຮຽກຮ້ອງໃຫ້ມີການລວມກຸ່ມທາງເສດຖະກິດຟື້ນຟູໂລກ
- Untitled design - ຜູ້ນຳຈີນ ຮຽກຮ້ອງໃຫ້ມີການລວມກຸ່ມທາງເສດຖະກິດຟື້ນຟູໂລກ

ອີງຕາມແຫຼ່ງຂ່າວຕ່າງປະເທດ ເມື່ອວັນທີ 21 ເມສານີ້ ໃຫ້ຮູ້ວ່າ ເມື່ອວັນທີ 20 ຜ່ານມາ ປະທານປະເທດ ສີຈີນຜິງ ຂອງຈີນ ໄດ້ຮຽກຮ້ອງໃຫ້ມີການຈັດການກິດຈະການທົ່ວໂລກຢ່າງເທົ່າທຽມກັນໃຫ້ຫຼາຍຂຶ້ນ ແລະ ປະຕິເສດການເປັນມະຫາອຳນາດ ທີ່ຄອຍກຳກັບດູແລຄອບງຳໂລກຂອງສະຫະລັດ ທ່ານກາງຄວາມຕຶງຄຽດທີ່ເພີ່ມຂຶ້ນ ລະຫວ່າງສະຫະລັດ ແລະ ຈີນ ໃນຫຼາຍປະເດັນຕັ້ງແຕ່ສົງຄາມການຄ້າ ແລະ ເທັກໂນໂລຊີ ການລະເມີດສິດທິມະນຸດ ໄປຈົນເຖິງປະເດັນໄຕ້ຫວັນ ຮົງກົງ ແລະ ທະເລຈີນໃຕ້.

ໃນກອງປະຊຸມ ໂປ່ອ່າວ ຟໍຣັມ ຟໍເອເຊຍ ປະຈຳປີໃນມົນທົນ ໄຫໜານ ທາງຕອນໃຕ້ຂອງຈີນ ທີ່ຖືກເບີ່ງວ່າມີຄວາມສຳຄັນທຽບເທົ່າກັບການປະຊຸມສະພາເສດຖະກິດໂລກ ທີ່ເມືອງດາວອດ ໃນເຊີວິດເຊີແລນ ຜູ້ນຳຈີນໄດ້ກ່າວສູນທອນພົດໃນພິທີເປີດຜ່ານວີດີໂອ ກັບເຈົ້າໜ້າທີ່ ແລະ ຜູ້ບໍລິຫານທຸລະກິດຫຼາຍກວ່າ 2,000 ຄົນ ໂດຍມີຜູ້ນຳລະດັບໂລກ ແລະ ຫົວໜ້າກອງທຶນການເງິນລະຫວ່າງປະເທດ ແລະ ສະຫະປະຊາຊາດຮ່ວມພິທີເປີດດ້ວຍລະບົບອອນລາຍ ຮຽກຮ້ອງໃຫ້ມີການປະຕິຮູບລະບົບການປົກຄອງໂລກ ທີ່ມີມານານໃຫ້ສອດຄ່ອງ ກັບມຸມມອງ ແລະ ຄ່ານິຍົມ ທີ່ຫຼາກຫຼາຍຂອງປະຊາຄົມລະຫວ່າງປະເທດ ແທນທີ່ຈະເປັນຂອງປະເທດໃຫ່ຍໆ ບໍ່ເທົ່າໃດປະເທດ ໂດຍໄດ້ລະບຸວ່າ ໂລກຕ້ອງການຄວາມຍຸຕິທຳ ບໍ່ແມ່ນການເປັນເຈົ້າໂລກ.

ຂະນະທີ່ ປະທານາທິບໍດີ ໂຈໄບເດັນ ຂອງສະຫະລັດ ຫາກໍຈັດການ ປະຊຸມສຸດຍອດທີ່ທຳນຽບຂາວແບບຕົວຕໍ່ຕົວຄັ້ງທຳອິດ ກັບນາຍົກລັດຖະມົນຕີ ໂຢຊິຮິເດະ ຊູກະ ຂອງຍີ່ປຸ່ນເມື່ອວັນທີ 16 ເມສານີ້. ໂດຍຜູ້ນຳທັງສອງ ຕ່າງກໍສະແດງເຖິງຄວາມກັງວົນຕໍ່ສະຖານະການດ້ານສິດທິມະນຸດໃນຮົງກົງ ແລະ ພາກພື້ນ ຊິນຈຽງ ຂອງຈີນ. ຊຶ່ງສະຫະລັດກ່າວຫາວ່າລັດຖະບານຈີນ ຂ້າລ້າງເຜົ່າພັນ ຊາວມຸດສະລີມ ອຸຍກູ ນອກຈາກນີ້ຍັງສະແດງຄວາມຮ່ວມມືທາງເສດຖະກິດ ເພື່ອການກີດກັນຈີນ ໂດຍຈະຮ່ວມມືການລົງທຶນໃນດ້ານຕ່າງໆ ເຊັ່ນເທັກໂນໂລຊີ 5ຈີ, ປັນຍາປະດິດ ຄອມພິວເຕີ …

- Wave100S AD to Website 2020 0 - ຜູ້ນຳຈີນ ຮຽກຮ້ອງໃຫ້ມີການລວມກຸ່ມທາງເສດຖະກິດຟື້ນຟູໂລກ

ຜູ້ນຳຈີນຍັງສະເໜີໃຫ້ມີການລວມກຸ່ມທາງເສດຖະກິດທົ່ງໂລກໃຫ້ຫຼາຍຂຶ້ນແລະ ເຕືອນບໍ່ໃຫ້ມີການຕັດຂາດແຍກຈາກກັນ ເພາະນອກຈາກຈະຂັດຕໍ່ ຫຼັກການທາງເສດຖະກິດ ແລະ ການຕະຫຼາດແລ້ວ ຍັງຈະບໍ່ເກີດປະໂຫຍດ ຕໍ່ຜູ້ໃດ ພ້ອມຮຽກຮ້ອງໃຫ້ສະຫະລັດ ແລະ ພັນທະມິດຫຼີກລ່ຽງການບົ່ງການຜູ້ອື່ນ ບໍ່ຄວນກຳນົດກົດເກນຕໍ່ປະເທດອື່ນ ກິດຈະການລະຫວ່າງປະເທດ ຄວນດຳເນີນການດ້ວຍວິທີການເຈລະຈາ ແລະ ທຸກປະເທດຄວນມີສ່ວນຮ່ວມໃນການຕັດສີນອະນາຄົດຮ່ວມກັນ.

- WhatsApp Image 2020 05 27 at 5 - ຜູ້ນຳຈີນ ຮຽກຮ້ອງໃຫ້ມີການລວມກຸ່ມທາງເສດຖະກິດຟື້ນຟູໂລກ
- WhatsApp Image 2020 05 27 at 5 - ຜູ້ນຳຈີນ ຮຽກຮ້ອງໃຫ້ມີການລວມກຸ່ມທາງເສດຖະກິດຟື້ນຟູໂລກ
No comments yet! You be the first to comment.

Leave a Reply

Your email address will not be published.

This site uses Akismet to reduce spam. Learn how your comment data is processed.

error: Alert: ເນື້ອຫາຂ່າວມີລິຂະສິດ !!