UN ຂໍໃຫ້ບັນດາປະເທດຈັດສັນເງິນ 40 ລ້ານໂດລາ ຊ່ວຍຜູ້ຕິດເຊື້ອພະຍາດຖອກທ້ອງຢູ່ໄຮຕິ
ສະຫະປະຊາຊາດຖະແຫລງຮຽກຮ້ອງໃຫ້ບັນດາປະເທດຊ່ວຍກັນຈັດສັນເງິນມູນຄ່າ 40,5 ລ້ານໂດລາ ເພື່ອເປັນງົບສຳລັບພາລະກິດຢູ່ໄຮຕິໃນການຊ່ວຍເຫລືອຜູ້ຕິດເຊື້ອພະຍາດຖອກທ້ອງ.
ສະມັດຊາໃຫຍ່ສະຫະປະຊາຊາດມີມະຕິສະໜັບສະໜູນຕາມຂໍ້ສະເໜີຂອງທ່ານ ອັນໂຕນິໂອ ກູເຕີເຣ ເລຂາທິການ UN ເຊິ່ງກຳລັງປະສົບບັນຫາຂາດເຂີນງົບປະມານຄັ້ງໃຫຍ່ມູນຄ່າ 400 ລ້ານໂດລາທີ່ຈຳເປັນສຳລັບຊ່ວຍຟື້ນຟູໄຮຕິຈາກພະຍາດລະບາດ. ໄຮຕິຜະເຊີນພະຍາດຖອກທ້ອງລະບາດມາຫລາຍປີ ເຊິ່ງເຮັດໃຫ້ມີຜູ້ເສຍຊີວິດປະມານ 9.500 ຄົນ, ພາຍຫລັງທີ່ມີຜູ້ຕິດເຊື້ອໃນສັງກັດກອງກຳລັງຮັກສາສັນຕິພາບ UN ຈາກເນປານ ເຮັດໃຫ້ເຊື້ອແຜ່ລະບາດເຂົ້າມາໄຮຕິ ໂດຍກອງກຳລັງຮັກສາສັນຕິພາບໄດ້ຮັບມອບໝາຍໃຫ້ມາໄຮຕິຫລັງປະສົບໄພແຜ່ນດິນໄຫວຮຸນແຮງໃນປີ 2000. ທ່ານ ບັນກີມູນ ອະດີດເລຂາທິການສະຫະປະຊາຊາດ ຕ້ອງຂໍໂທດປະຊາຊົນໄຮຕິທີ່ພະຍາດຖອກທ້ອງລະບາດ, ແຕ່ UN ຢືນຢັນບໍ່ຮັບຜິດຊອບຕໍ່ຄວາມເສຍຫາຍທີ່ເກີດຂຶ້ນ.
