ໂຄງການອາຫານໂລກເຕືອນ ພາຍໃນ 6 ເດືອນຕໍ່ໜ້າ ຊາວມຽນມາ 3,4 ລ້ານກວ່າຄົນ ອາດປະສົບຄວາມອຶດຫິວ

- myanmar - ໂຄງການອາຫານໂລກເຕືອນ ພາຍໃນ 6 ເດືອນຕໍ່ໜ້າ ຊາວມຽນມາ 3,4 ລ້ານກວ່າຄົນ ອາດປະສົບຄວາມອຶດຫິວ
- Untitled design - ໂຄງການອາຫານໂລກເຕືອນ ພາຍໃນ 6 ເດືອນຕໍ່ໜ້າ ຊາວມຽນມາ 3,4 ລ້ານກວ່າຄົນ ອາດປະສົບຄວາມອຶດຫິວ

ວັນທີ 22 ເມສາ 2021, ໂຄງການອາຫານໂລກ (World Food Program: WFP) ເຕືອນ ພາຍໃນ 6 ເດືອນຕໍ່ໜ້າ ຊາວມຽນມາຫລາຍກວ່າ 3,4 ລ້ານຄົນ ອາດປະສົບຄວາມອຶດຫິວ ຫລັງລາຄາສິນຄ້າຕ່າງໆເພີ່ມສູງຂຶ້ນ, ເສດຖະກິດໄດ້ຮັບຜົນກະທົບ, ເກີດການຫວ່າງງານ, ຫລາຍພາກສ່ວນຢຸດສະງັກ ເນື່ອງຈາກຜົນກະທົບຂອງການກໍ່ລັດຖະປະຫານ ບວກກັບສະຖານະການໂຄວິດ-19 ພາຍໃນປະເທດ.

WFP ຍັງລະບຸອີກວ່າ: ຄວາມບໍ່ໝັ້ນຄົງທາງດ້ານອາຫານໃນມຽນມາມີທ່າອ່ຽງຈະເພີ່ມສູງຂຶ້ນອີກ, ການຄ້າການລົງທຶນຈາກຕ່າງປະເທດຢຸດສະງັກ, ໂຄງການພັດທະນາໂຄງລ່າງພື້ນຖານ ຄືນິຄົມອຸດສາຫະກຳທີ່ໄດ້ຮັບການສະໜັບສະໜູນຈາກ ສ.ເກົາຫລີ ລວມທັງໂຄງການສ້າງຂົວເຊື່ອມຕໍ່ຢາງກຸ້ງກັບຕານລາຍືນ ລວມທັງຂະຫຍາຍເຂດເສດຖະກິດພິເສດຕິລະວາທີ່ໄດ້ຮັບການສະໜັບສະໜູນຈາກຍີ່ປຸ່ນ ຖືກໂຈະຊົ່ວຄາວ, ຍີ່ຫໍ້ສິນຄ້າຈາກຕາເວັນຕົກຫລາຍຍີ່ຫໍ້ປະຕິເສດຄຳສັ່ງສົ່ງສິນຄ້າຊຸດໃໝ່ໄປມຽນມາ ຫລັງຕົກຢູ່ພາຍໃຕ້ລັດຖະປະຫານຂອງກອງທັບ.

ທ່ານ ສະຕີເຟນ ແອນເດິສັນ ຜູ້ອຳນວຍການ WFP ປະຈຳມຽນມາຊີ້ວ່າ: ຄົນທຸກຍາກໃນມຽນມາຈະຫວ່າງງານ ແລະ ມີທ່າອ່ຽງບໍ່ສາມາດຫາອາຫານເພື່ອລ້ຽງຊີບໄດ້ເພີ່ມຂຶ້ນ ຈຶ່ງມີຄວາມຈຳເປັນຕ້ອງເຂົ້າຊ່ວຍເຫລືອຢ່າງເປັນຮູບປະທຳ ບັນເທົາວິກິດດັ່ງກ່າວໂດຍໄວ ແລະ ປ້ອງກັນຄວາມໝັ້ນຄົງທາງດ້ານອາຫານທີ່ກຳລັງເສື່ອມຖອຍລົງ.

ຈາກການຕິດຕາມຕະຫລາດມຽນມາຂອງ WFP ພົບວ່າ: ລາຄາເຂົ້າສະເລ່ຍທົ່ວປະເທດເພີ່ມສູງຂຶ້ນ 5% ນັບແຕ່ເດືອນມັງກອນຜ່ານມາ ໃນບາງເມືອງຂອງລັດຄະສິ່ນ ລາຄາເຂົ້າເພີ່ມສູງເຖິງ 43%. ຂະນະທີ່ລາຄານໍ້າມັນບວກກັບອາຫານເພີ່ມສູງຂຶ້ນ 32%, ສ່ວນລາຄານໍ້າມັນເຊື້ອໄຟເພີ່ມສູງຂຶ້ນປະມານ 30% ທົ່ວປະເທດ.

ໂດຍ WFP ເປັນໜ່ວຍງານດ້ານມະນຸດສະທຳ ພາຍໃຕ້ອົງການສະຫະປະຊາຊາດ (UN) ທີ່ໃຫ້ການຊ່ວຍເຫລືອ ແລະ ແກ້ໄຂບັນຫາຄວາມອຶດຫິວທົ່ວໂລກ ໄດ້ຮັບລາງວັນໂນເບລສາຂາສັນຕິພາບ ປະຈຳປີ 2020 ຫລັງຄະນະກຳມະການພິຈາລະນາວ່າ: WFP ມີຄວາມພະຍາຍາມໃນການຕໍ່ສູ້ກັບຄວາມອຶດຫິວ ແລະ ຂັບເຄື່ອນສັນຕິພາບໃນພື້ນທີ່ຂັດແຍ່ງ ແລະ ມີຄວາມຂັດແຍ່ງ ທັງຍັງປ້ອງກັນການໃຊ້ຄວາມອຶດຫິວເປັນໜຶ່ງໃນເຄື່ອງມືໃນສົງຄາມ ແລະ ຄວາມຂັດແຍ່ງ.

- Wave100S AD to Website 2020 0 - ໂຄງການອາຫານໂລກເຕືອນ ພາຍໃນ 6 ເດືອນຕໍ່ໜ້າ ຊາວມຽນມາ 3,4 ລ້ານກວ່າຄົນ ອາດປະສົບຄວາມອຶດຫິວ

ອ້າງອີງ:

https://www.wfp.org/…/wfp-step-operations-response-fast…

https://www.irrawaddy.com/…/world-food-program-warns…

https://www.irrawaddy.com/…/myanmars-economy-freefall…

- WhatsApp Image 2020 05 27 at 5 - ໂຄງການອາຫານໂລກເຕືອນ ພາຍໃນ 6 ເດືອນຕໍ່ໜ້າ ຊາວມຽນມາ 3,4 ລ້ານກວ່າຄົນ ອາດປະສົບຄວາມອຶດຫິວ
- WhatsApp Image 2020 05 27 at 5 - ໂຄງການອາຫານໂລກເຕືອນ ພາຍໃນ 6 ເດືອນຕໍ່ໜ້າ ຊາວມຽນມາ 3,4 ລ້ານກວ່າຄົນ ອາດປະສົບຄວາມອຶດຫິວ
No comments yet! You be the first to comment.

Leave a Reply

Your email address will not be published.

This site uses Akismet to reduce spam. Learn how your comment data is processed.

error: Alert: ເນື້ອຫາຂ່າວມີລິຂະສິດ !!